العودة   منتديات زهرة الشرق > >{}{ منتديات الزهرة الترفيهية }{}< > الترفيه والرياضة والفروسية

الترفيه والرياضة والفروسية رياضة الفروسية - سباقات الفروسية - الخيول العربية - قصص طريفة - مواضيع الترفيه - حكايات ومواقف ساخرة - كرة القـدم

إضافة رد
 
أدوات الموضوع
قديم 18-07-11, 02:49 PM   #1
 
الصورة الرمزية okkamal

okkamal
المشرف العام

رقم العضوية : 2734
تاريخ التسجيل : Apr 2005
عدد المشاركات : 14,840
عدد النقاط : 203

أوسمة العضو
لاتوجد أوسمة لـ okkamal
عروسة تخطب عريس سنة 2025




خطبووك بدون ما تعرف !!!!!!
________________________________________
هاهاهاهاهاهااههاهاهاها
قريتها و حبيت تقروها لأنها كثير حلوة
تخيــــــــــــلوا البنات يخطبـــــــــون أولاد!!؟




يعني تتفاجأ في يوم وأنت قاعد تقرا كتاب رومانسي وأنواع الأحلام ألورديه (ياي) و سرحان في فتـاة أحلامك على الحصان الأبيض..
إلا و أمك داخلة عليك و توها جاية من الاستراحة و تقولك: يا ولدي ودي أكلمك في موضوع. .
ترد أنت بكل خوف : خير يمه؟ ....
تقول أمك: ترى جارتنا أم خالد تبي تخطبك لبنتها. وأنت ماشالله كبرت و احلويت وكلن يبيك. ها وش رأيك
ثم تنزل أنت راسك في الأرض و تلعب بإصبعك في شعرك
(أو شنبك)و ترد و أنت مستحي و خدودك حمرة
(هذا إذا كنت محلق اللحية) و تقول: ....
الرأي رأيك والشور شورك يا يمه..
تقول أمك: أنا بصراحة ما أشوف في البنت شي. .

ماشالله عليها محترمة و وظيفتها زينه و راتبها ممتاز و من عائلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولا تدخن و لا تروح لاستراحات البنات. يعني بنت ما عليها. .
تقول أنت : بس يا يمه هي ما شافتني من أول. أنا دائما متلطم بشماغي (والله عيب بس بكمل(
تقول أمك: هي شافتك و أنت نازل من باص المدرسة
(الله واكبر يالروز رايز)..

بس ..و سألت عنك و قالو لها عنك أشيا جميله ولد ماهوب
راعي سوق و كوفي شوب و ما يطلع إلا مع أبوه.
(والله فشيلة بس بكمل)
و تراها هي و أمها جايين يوم الخميس عشان يشوفونك..
تسال أنت: طيب يا يمه أبوي وش رأيه؟
تقول أمك: أبوك ما يدري خليه حايس في المطبخ الله يعينه..
تقول أنت :اللي تشوفينه يمه. .وتطلع أمك من الغرفة
وتنط أنت قدام المرايا و تأخذ نص لفة يمين و نص لفة شمال تشوف جسمك و تمشط شعرك و شنبك بدلع
(يا عمري(

و تقول : )أه أخيرا حسَت و خطبتني. ( لا لا لا
والله ما يصير بس بكمل
و قبل يوم الخميس تروح أنت لكوافير رجالي و تكون مسوي حجز و تقعد و تصبغ شعرك (هاي لايت) و تزين حواجبك
و تطلع زى فلقة القمر

و تجي البيت و تلبس الثوب اللي فصلته عند المصمم
( عبده شولق) لثياب الأعراس و الحفلات واللي فيه فتحة من عند الساق و فتحه في الظهر وسيور و ذاك الماكياج وذاك العطر اللي يشق الخشم و تنزل للصالة
ويقولك أبوك : يللا دخل العصير على خطيبتك ترى أمك ذبحتنا تسال عنك
تقول أنت بكل خجل: واي واي يا يبه أنا استحي

أبوك يقولك وهو يطق على كتفك و يضحك يا ولد روح لعروسك إهئ إهئ
تقول أنت: يا يبه دايما تحرجني أنت واي واي
و تأخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سس سلام عليكم(صاير حكيم على غفلة)
ترد هي بعد ما وقفت و عليكم السلام
( و هي تناظر فيك و في كل قطعة فيك)
و تقولها تفضلي....
تقول هي: وش الأحلى العصير الأحمر و لا الأصفر؟ بزعمها تبي تلطف الجو معك <...تتلاصق.
تقول أنت: كله حلو
تقول هي: أكيد كله حلو لأنك أنت اللي مسويه

ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
إلا إخوانك يستنونك و يقولون: ها وشلون شكلها

تقول أنت: واي واي تهبل تهبل حلوة و دمها خفيف و ذوق اهههههااي
إلا أبوك من المطبخ يلولش (يزغرد بالمصري(

لللللللوووولللللوووووشششششششش
يا ولدي

إلا بدخلة أختك العربجية من بره و حاطه عبايتها على كتفها
و تقول : خير وش فيه !!
يقوله أبوك : قصري صوتك في وحده داخل خطبت أخوك ..
تقول أختك: وهي وين شافت اخوي عشان تخطبه هاه؟؟؟؟
و تعطيك كف و تصرخ والله لأوريها شغلها اللي جاية تخطب اخوي ...

إلا بدخلة أمك و تسطر أختك كف و تطلع أختك بالسيارة و تفحط و تروح للاستراحة البنات <..تخيلوا عاد

و تمر الأيام و أنت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول أنها تمسك أيدك و أنت مستحي ( ومن هناك ودك و بتموت) و شوي تحاول تبوسك و أنت تقول لا لا عيب احد يشوفنا
( يعني لو ما حدا يشوفنا ترى عادي)
و يجي يوم العرس و تقعد أنت في الكوشة و كل الشباب حوالينك يرقصون و يغنون على أنغام طيران فرقة الشاطئ للرجال و طبعا ما فيه زبيدة او صيته او العنود وسارة
وشوي الا العفسة قايمة : ترى العروس جاية
و ينطون الرجال و الشباب كلن يلبس شماغه و يتلطم ..
و تدخل العروس مع أمها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر

ثم تلف وجهك وأنت مستحي
و يتم الزواج و بعد تسعة شهور إلا أنت تصرخ في الليل فيك الطلق
و يودونك المستشفى و تولد و تجيب توأم

وتطلع من المستشفى إلى بيت اهلك عشان النفاس <....حركات
و تأخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك

و ترجع لبيتك تربي عيالك و تطبخ ألغدا لزوجتك

وتتخانقون ساعات و تنام و دمعتك على شنبك

ويزيد حدة الخلاف و تأخذ شماغك و عيالك و تروح لبيت اهلك

و تصلح أمك ما بينكم و ترجع الحياة مثل أول

ههههههه

.
.


okkamal غير متواجد حالياً   رد مع اقتباس
إضافة رد

الكلمات الدلالية (Tags)
2025 , تخطب , عريس , عروسة

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:37 AM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.

زهرة الشرق   -   الحياة الزوجية   -   صور وغرائب   -   التغذية والصحة   -   ديكورات منزلية   -   العناية بالبشرة   -   أزياء نسائية   -   كمبيوتر   -   أطباق ومأكولات -   ريجيم ورشاقة -   أسرار الحياة الزوجية -   العناية بالبشرة

المواضيع والتعليقات المنشورة لا تعبر عن رأي منتديات زهرة الشرق ولا نتحمل أي مسؤولية قانونية حيال ذلك

(ويتحمل كاتبها مسؤولية النشر)