بسرعه كده

[align=center][align=center]

* الأعتصامات أمام مجلس الشعب *


زي ما بيقول المثل المصري(هم يضحك وهم يبكي)
المفروض الحكومه تشوف مطالب الناس المعتصمه
لكن بتفاجئ بشئ عجيب ومضحك في نفس الوقت
النائب الحديد ( أحمد عز) العضو البارز في الوطني
بيقولك( الأمن لم يفرقهم لأن البلد فيها قانون)
ومعالي رئيس الوزراء بيقولك
(معني الأعتصام هو وجود حريه واسعه جداً)
تحس أنهم بيمارسوا معاك خدعه (بص العصفوره)
أدي حريه أهي وأعتصم ياعم زي ما تحب...
طب ومطالبي ؟؟
الله ده أنت بارد حتعتصم وكمان نحقق مطالبك؟
الطريف الظريف أن السيده عائشه عبد الهادي
وزيره الدوله للقوي العامله..بقلب الأم العطوف
قالتلك الناس معتصمه عالرصيف
لما نبنيلهم دورات مياه
يا سلاااام
(عنايه 5 نجوم بالمواطن المعتصم من الدوله)
ولذا متستبعدش تلاقيها رايحلهم (بذات عاطفه الأمومه)
بدقيه باميه أو حله ممبار يسندوا قلبهم بيها
دول يا حبه عيني علي لحم بطنهم فبطحه الشمس
تصرفات تجعلك تشعر أنهم معتصمين أمام سوبر ماركت المالكي
مش امام مجلس الشعب

ملحوظه/ المالكي في جامعه الدول بيعمل قشده حلوه جداً..
أشطه ؟

*أنتخابات رئاسه الجمهوريه*


الدستور بيقولك لو أنت مستقل
خد 250 صوت من المجالس المحليه
(وطبعاً لم تشوف حلمه ودنك..كلها وطني)
يا أما تكون
عضو في الهيئه الرئاسيه لحزب في مده تزيد عن سنه
ده القانون الدستوري واللي الرئيس قال مش حيتعدل
(إتطمنوا ومتوجعوش دماغكوا)
يبقي الحل دلوقتي إني أختار رجل لائق للمواصفات
وأحط الشعب كله وراه..ساعتها يحصل تغيير
لكن البرادعي يسير في..الأتجاه الخاطئ
واللي وراه ماشيين مع الزيطه وخلاص

* الأستاذ عمرو خالد*

مع فائق أحترامي لك لكنك أقللت شعبيتك
منع من ثلاثه برامج في مصر
ونشرت ذلك المصري اليوم علي لسانه
ثم بعد 8 أيام من الخبر خرج إلينا
السيد عمرو خالد ليكذب الخبر في القاهره اليوم
ويقول أن الأمن لم يمنعه من الظهور وعلي العكس..
في اليوم التالي تفاجئ أنه سيقوم بعمل برنامج
يبث من مصر عن قصه حياه سيدنا موسي(عليه السلام)
وتفاجئ بالتفاصيل
أن الشركه الأعلانيه التي يعمل لديها الداعيه قد توصلت إلي
أتفاق مع الأمن المصري أن هناك برنامجاً واحداً
عن حياه سيدنا موسي (عليه السلام) دون أسقاطات علي الحكومه
أذن السيد عمرو خالد واحد من أثنان في هذا الموقف
أما أنه
1-أستغل أكبر صحيفه مستقله لعمل بروباجندا لبرنامجه الجديد..
عبر خداع تلك الصحيفه.
2- قام بالكذب وظن أن فيه النجاه لبرنامجه ولكن الكذب هلاك.

أكسب أحترام الناس وأخرج قول الحقيقه
صدقني شعبيتك حتزيد جداً وحب الناس ليك


*الأخوان المسلمين*

أرفض جداً هذا الأسم للجماعه المحظوره
هناك مليار وثلاثمائه من المسلمين علي وجه الأرض
وكله اخوان وأخوات..
التسميه نفسها مستفزه للغايه..يحتكر الأسلام عليه
ثم يقول لك (الأسلام هو الحل) شعاره
حسناً الأسلام هو الحل نعم وصدقاً ويقيناً
لكن معني الجمله الخفي هو
الأسلام = جماعه الأخوان المسلمين
لتظهر (جماعه الأخوان المسلمين هي الحل)
وهذا مستفز أيضاً
لأنك لم تأخذ الحق الحصري للأسلام
للعلم أنا مع أسلمه الدول وخلط الدين بالسياسه
ولنا في التجربه التركيه الأخيره عبره
فالدوله أزدهرت أكثر وزاد التدين بشكل ملحوظ
تقارب قوي مع الوطن العربي..وكلمه دوليه مسموعه
لكن الأخوان المسلمين في الأنتخابات مثلاً الأخيره
لمجلس الشوري..تراه يرفع المصحف أمامك
أنت مرشح وأنا مرشح وكلانا سيهاجم بعضه
فلما تحتمي خلف المصحف..
كتاب الله أعلي من أن تنزله لصراع علي منصب
هذا أيضاً شئ مستفز جداً

*ك/سمير زاهر*

رشح نفسه نائب الأتحاد العربي
فحصل علي أصوات 8 دول عربيه من أصل 22
تخيل أن 8 دول التي رشحته ..ليس بينها مصر!!
طبعاً هذا يدل علي شيئان
1- نزاهه الصوت المصري وأختياره للأصلح.
2- يدل علي أنه ينبغي عليك الرحيل .

قوانين الفيفا تنص انه فترتان وفقط
وقالك مليون تصريح قال فيه مش حرشح نفسي
ثم فجأه قالك انا حاخد الأصوات علي تعديل لزياده الفترات
لو عملها حيعاقب الأتحاد نفس عقوبه الأتحاد العراقي
..خلاص بقي يا كابتن سمير..أرحل بقي
تصويت علي أيه..وأساساً مخدتش صوت مصرعربياً


*الأتحاد العربي*
الأمير سلطان بن فهد رئيس الأتحاد
تجد كلمات النفاق له من كل الأعضاء في الأتحاد
وأنت عملت البطوله العربيه وعملت بطوله الخليج والخ
المشلكه أن الأمير معملش اخطر حاجه لازم تتعمل
الأعتراف الدولي بالأتحاد..
كل البطولات الحلوه دي غير مدرجه بالأجنده الدوليه
يعني لما يجي منتخب عربي يلعب فالبطوله
ميقدرش يستدعي المحترفين..
مفيش متشه رسميه مقرره لبلده في أجنده فيفا
يبقي الأتحاد العربي ماشي (محبه بينا وبين بعض)
ماشي حلاوه زي ما كل حاجه فوطننا العربي
ماشيه حلاوه..


بقولكوا أيه تصبحوا علي خير
وأدعولي أخف من دور الانفلونزا اللي مبهدلني
واللي شكلوا خلاني أهلوس بالموضوع ده

سلام عليكم

[/align][/align]

وأدعولي أخف من دور الانفلونزا اللي مبهدلني

واللي شكلوا خلاني أهلوس بالموضوع ده

الله يشفيك يا محررنا محمد

وما تنساش عايزين كد اخبار جامده .

بخصوص المظاهرات ما تنساش يا محمد

الحكومات يا حسرة بتعاني (حالة تقشف )

مساكين، يدوب ينقنقوا حراسهم عندنا مثل بالكويت

بيقول (من صادها عشا عياله) مطالب! مطالب منين

تحيتي لك

[align=center][align=center]الله يشفيك يا محررنا محمد

منتحرمش من دعوات حضرتك أخي الحبيب

الحكومات يا حسرة بتعاني (حالة تقشف )
مساكين، يدوب ينقنقوا حراسهم عندنا مثل بالكويت
بيقول (من صادها عشا عياله) مطالب! مطالب منين

حكوماتنا العربيه مش عارفه تأكل شعوبها منين
غلااااااااااااااااابه..
أبعدي يا حسابات سويسرا أبعدي يا وحشه
هههههههههههههههههههههه


خارج أطار الموضوع حابب أقول لحضرتك
كلمه لوجه الله وليست رياءً
أنا لما أقرء كلام حضرتك بحس فيه بالطيبه والسلام
زي الأيه(سيماهم علي وجوههم)
هو سيماهم في كلماتهم أيضا
لا حرمنا الله منك أبداً أخي الغالي جداً

وسعيد جداً بمرور حضرتك طبعاً[/align][/align]