من باب الفزعة

سلام

شفت ان المنتدى فاضي قلت من باب الفزعة والواجب نحط شي فيه عندي شكوى وملاحظة .. يمكن اذا بديت اكتب تزيد مدري لكن لكل مجتهد نصيب .. يعني المراقب اللي هنا ماله رب يكون عنده مواضيع ويشتغل مثله مثل غيره ..

اولا .. ابي منتدى للكلام الفاضي زي اللي اكتبه انا .. ماهو شعر ولا خواطر ولا مقفى ولا موزون ولا ادري هو يصلح يصير نثر والا لا .. المهم انه احساس وتعبير .. حطوا لنا منتدى فضفض ويصير اسمه على بيت الشعر ذاك اللي هو .. خذ راحتك ما غير انا وانت والليل ..

ثانياً .. ودي اسوي موضوع اسمه مجموعة العمليات للفزعات واعطي فيه مميزات لكل عضو مشترك في القروب حقي ولا ابي احد يحذفه بس مدري وين اكتبه فيه

ثالثا .. ابي اعرف وش نظام المراقبين هنا .. يعني شلون اصير عندي حصانه ويصيرون اصدقائي .. ويحموني ولا يخلون احد يحذف لي شي او يتفلسف علي .. كيف وضعهم يعني وش طريقهم


رابعاً .. هل عندكم مشكلة مع السرعة يعني انا احيان ارد على موضوع وبعدين اكتشف اني فاهمه غلط .. او يطلع الرد حق موووووضوع ثاني

.. خامسا .. لي عودة

شفتوا اني مسرع علمني عضو تو ان المنتدى فيه مواضيع وملاحظات كثير بس انه مايبان لي .. وانا من السرعة احسب ان مافيه الا انا .. ومع هذا ماخسرنا شي اهم شي يكون لي مووضع هنا

اهلا بك عمليات

- ما المقصود بهذه العبارة ارجو التوضيح

يعني المراقب اللي هنا ماله رب يكون عنده
مواضيع ويشتغل مثله مثل غيره

- للأحاسيس والتعابير تستطيع الكتابة هنا بهذه الصفحة
همسات وخواطر زهرة النثر والخواطر - همس المشاعر
- عذب الكلمات - حنين الذكريات - بوح القــلم -
مشاعر وأحاسيس - مشـاعر عشق حالمة.


- ودي اسوي موضوع اسمه مجموعة العمليات للفزعات

بأمكانك طرحه في صفحة ( التسلية والترفيه )

- ابي اعرف وش نظام المراقبين هنا .. يعني شلون اصير
عندي حصانه ويصيرون اصدقائي ..

الحصانة تكمن باتباع القوانيين للمنتدى وتأكد لن يعترض عليك احد

- هل عندكم مشكلة مع السرعة يعني انا احيان ارد
على موضوع وبعدين اكتشف اني فاهمه غلط ..

ومن هنا عليك التركيز حيث بالسرعة الندامة وبالطمئنينة السلامة

تحيتي لك

الله المراقب العام شخصيا

شكرا وانا بنضبط اجل .. يا المعزب

خو قلبي عمليات للعلم انا ليس المعزب
انا عضو مثلي مثلك والمعزب استاذنا
القدير ( لونلي ) وهذا للعلم . تحيتي لك

اتفق مع كلام الاستاذ حبى الزهرة
فى تعليقة الاول

ماعلينا .. اللي اعرفه انك انت المعزب وبس .. ولونلي بيلقى ان شاء الله احد يفك وحدته .

بس بغيت اقول اني حبيب مره ترا ولا ني راعي مشاكسات وقلق ودي بس اشارك واقرا انا مدمن قراءه واحب الافكار الجديدة وفيني شوي سرعة بلا تعدي على احد.

خلص الجد عاد وجا عمليات ..

كني اشوف الوضع فيه رسميات كني داخل الديوان وراكم الله يصلح قلوبكم .. اضيفوا شي من البساطة .. خصوصاً نظام الفزعات يعني عشاني جديد ولا لي عزوه يجي رد على موضوعي هنا يويد كلامك عشانك معزب .. طيب عطني فرصة وشف .

فكوها شوي

قلق انا صح .. قايل لكم فيني سرعة ما يعلمها الا الله

قبل اروح .. ودي اشارك في المنتديات النسائية بس عندي مشكلة اني ماني بنت .. ولو شاركت بتفلسف ولا حد معطيني وجه لان مافي الثوب احد بمعنى ماعندي سالفة في امور المكياج والشعر والفساتين وها الخربطة اللي مالها سنع بس احس بضيقة اذا شفت موضوع ماعليه ردود واضيق اكثر اذا شفت الردود اللي مالها سنع مثل شكرا وبس .. عشان كذا اقترح علي وشلون احقق رغبة المشاركة .. على فكرة ترا عمري ماكتبت عشان يجي رد .. ومتعود محد يعطيني وجة ..

تصدق احس انك تقول وش يبي ذا وراه اشغلنا .. عادي رد بي لا تعطيني وجه ترا ان عطيتني وجه ما ارجعه


بايات كثيرات متجمعات

برجع لك ثاني .. انوركم باقتراحاتي .. الدايخة ..

بعدين ليه خايفين من نشر ملاحظات واقتراحات الاعضاء .. لا ارى فيها مايدعي للاخفاء اعلنوها .. او اجعلوا اعلانها مشروط بموافقة مشرف الصفحة .. اضف هذا الى اقتراحاتي الدايخة


بروح عنكم خلاص حسيت الدم غلى

اهلا بك اخي عمليات

ماعلينا .. اللي اعرفه انك انت المعزب وبس
لا فيه ثلاثه قبلي وانا اجي بعدهم ماني معزب


كني اشوف الوضع فيه رسميات كني داخل الديوان
مواضيع الجد حتما بها الرسميات ام صفحة التسلية
والترفيه مؤكد هي الوحيدة التي تخلو من الرسميات



قبل اروح .. ودي اشارك في المنتديات النسائية بس المشكلة
بس المشكلة انك ولد صح؟ اذا اذاعندك مايفيد النساء أطرحه
مافيه مشكلة ابدا طالما ليس به ما يخالف من صور وخلافه

بعدين ليه خايفين من نشر ملاحظات واقتراحات الاعضاء
منعا لتدخل المتطفليين بما لايعنيهم . واي استفسار انا حاضر

تحيتي لك