حتى أبليس هاجر من مصر , علي سلامه

الشاعر على سلامة
على باب سفارة كندا





حتى ابليس هاجر من مصر
على باب سفارة كندا.. لمحت ابليس و ف ايده استماره..
بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

..بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده انتظر رودوكم و رائكم حتى لو ما كنتوا مصريين

.




وبرضوا مفيش فايدة . . .
هذا هو حال بلادنا العربية من الشرق للغرب
غرباء نعيش في أوطاننا لأن الفقر في الوطن غربة
كل التحية والتقدير لك أخي الكريم

مع محبتيlonely

ازلنا نطرق ابواب وشابيك ابوابنا التي غدت ليس لنا

الف شكر ردكم والشاعر الجميل الرائع

السلام عليكم ورحمة الله وبركاته
ألف شكر لك أخي الاستاذ حسين على القصيدة الرائعة
كلمات ممتعة تعكس الواقع الحقيقي للبلد
الله يعطيك ألف عافية

كلمات بسيطه وخفيفه معبره مؤلمه

لكن دا موش حال المصريين فقط

الوضع سائد بالعالم كله

اشكرك لروعة اختيارك

ربنا يسهله ويعرف ياخد تأشيرة

وبعد كده بيبقى يبعت لنا عقد عمل معاه

السلام عليكم ورحمة الله وبركاتة
كتيييييير حلو هو وصف تااام وصحيح لشعب مصر بس مش كلهم جذي
قي ناس احسن من الخيال
بس نعمل ايه الناس الوحشين اكتر

[align=center]

المشاركة الأصلية كتبت بواسطة okkamal ربنا يسهله ويعرف ياخد تأشيرة

انت ناوي ترحله لجارتكم ليبيا او ايه
حاسب اللي عندنا جيوش لاتحصى ولاتعد كل واحد يمسك شياطينه عندهم [/align]

المشاركة الأصلية كتبت بواسطة sad_girl السلام عليكم ورحمة الله وبركاته ألف شكر لك أخي الاستاذ حسين على القصيدة الرائعة كلمات ممتعة تعكس الواقع الحقيقي للبلد الله يعطيك ألف عافية

أهلا بكم وشكرا لمروركم الكريم والرد العطر
شذرا للشاعر القدبر وهو أديب وانسان له فد ر وحس وطني نتمنى لهم الخير والبركه وللشعب المصري الشقيق
الخلاص من التعب ومجاهدت الحياه من ادل الخير والوطن

المشاركة الأصلية كتبت بواسطة الم وامل كلمات بسيطه وخفيفه معبره مؤلمه لكن دا موش حال المصريين فقط الوضع سائد بالعالم كله اشكرك لروعة اختيارك

تحيه
شكرا لردكم العطر دفعا للامل من اجل الحب وروح من العمل ورعاية من الحكومات وتنصلح الامور
وأبليس يرجع يشتغل

المشاركة الأصلية كتبت بواسطة okkamal ربنا يسهله ويعرف ياخد تأشيرة وبعد كده بيبقى يبعت لنا عقد عمل معاه

الواقع يحتاج له فيزة اة دعوة من أحد اقاربه في الخارج وكفاله ضامنه وبعدها يمذن يحصل على فيزة
الله الستار

ال شكر للرد الكريم

المشاركة الأصلية كتبت بواسطة alsager السلام عليكم ورحمة الله وبركاتة كتيييييير حلو هو وصف تااام وصحيح لشعب مصر بس مش كلهم جذي قي ناس احسن من الخيال بس نعمل ايه الناس الوحشين اكتر

تحيه وسلام ألف شكر تواجكدم وووجودكم معنا والرد الواقعي
لو خليت قلبت
دائما نلقاكم على الود

المشاركة الأصلية كتبت بواسطة هيام1 [align=center] انت ناوي ترحله لجارتكم ليبيا او ايه حاسب اللي عندنا جيوش لاتحصى ولاتعد كل واحد يمسك شياطينه عندهم [/align]

أهلا هيام شكر للرد الرهيب والمخيف
أيضا نقول لو خليت قلبت والله يبعد المكروة عن الجميع

الاخت هيام

احنا الشياطين عندنا زيادة شوية

مافيهاش حاجة لما نرحل لكم شويه من عندنا

استكمل هنا معك بعض اشعار على سلامة ونبذه عنه



علي سلامه مريض القلب المهاجر العائد يسعدني الحديث عنه فانا اعرفه منذ ما يقارب عامين حينما خرج مع وجيه عزيز في ساقية الصاوي ليرجعنا الي عصور الستينات بابداعاته الشعريه والقائه القريب للقلب . لن تشعر ابدا حينما تسمعه انه شاعر محترف او متمرس في فن الالقاء بل ستشعر به اخ او صديق حميم ياتي صوب قلبك بقلبه العليل ليخبره بحكايا سمعها الف مره وكانه يسمعها لاول مره .. ستجد في وجهه خجل الحشد وفي صوته شجاعة الكلمة وتفرد الالقاء وفي وجعه الم الجميع .
مصر ،،، حداد وجاهين والابنودي ابدا لم يكل رحمها من التخمض بالرائعين وها هو علي سلامه وكوثر مصطفي وامثالهم يثبتون برغم الاحباطات والفشل والفقر والغلاء انه مازال هناك امل حتي وان كان الامل (ناقص حته) لكنه علي كل الاحوال امل

دعوه الي سماع شريط وجيه عزيز الجديد (ناقص حته) وكل ما فيه من كلمات الشاعر علي سلامه ما عدي اغنيه واحده (عمي سالم)

اتمني من الاصدقاء ادراج المزيد المزيد من اشعار الرائع ابن مصر علي سلامة


مجموعة من أشعار علي سلامة
عن طريق برنامج العاشرة مساء تعرفت علي الشاعر علي سلامة
و هو مهندس مصري عاش في الامارات العربية ....
و أشعارة يتم تناقلها بين الشباب و المنتديات
و قد أعجبتني كلمات أشعاره و أسلوبة البسيط و الظريف .....
لذا أحاول في هذا الموضوع تجميع اكبر قدر ممكن من شعر علي سلامة