حتى أبليس هاجر من مصر , علي سلامه

بكلمك من مصر
بكلمك من مصر..
مصر ياسيدي ,,,, مصر..
مصر يا عم مصر..
مصر بالصاد..
مصر كل يوم مزاد..
مصر بنات وولاد..
بتنسرق أحلامهم..
مصر أصحاب المعاشات..
والبهدلة ف آخر أيامهم..
ومصر ناس كل اللي معاهم..
وف قلوبهم ووراهم وقدامهم
مصر..
مصر بالميم..
آه واللّه العظيم..
بكلمك من مصر..
مصر بالآه..
مصر كل يوم..
يا حد راح
يا حد تاه..
إستطعم الاسم كده..
وإنت بتنطقه..
أو بتكتبه..
أو حتي لسه بتتهجاه..
مصر..
مصر اللي لو يوم تغني من قلبها..
غصب عنك..
...... لازم تقول اللّه..







^
^
^




مش بتاع كده
لما أنا مش بتاع كده..
ولا بتاع كده ولاكده..
أمال أنا بقي..
أبقي بتاع إيه..
لما أنا مش شيخ..
ولافلتان..
لما أنا مش فايق..
ولا سكران..
وساعات يتهيألي..
إن أنا فرحان..
أتنطط وأصرخ..
وأقول هيه..
لما أنا مش أفندي..
ولافلاح..
ولا شجرة جميز..
ولا تفاح..
لا أنا بتألم ولا مرتاح..
لا عندي شيء استناه..
ولا عندي شيء أبكي عليه..
ولما أنا شايف الحال بقي كده..
طب ساكت ليه..
يا عم أنا مش بتاع كده..
فيه إيه!











^
^
^
^






خايف ابص من الشباك فجأه ومالاقيش مصر


ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر
خايف يوم أصحي..
وأفتح الشباك..
مالاقيش مصر
ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها
مصر البنوتةالحلوة
اللي زي القمر
بقت عجوزة وشايبة
وبان عليها الكبر



خايف يوم أصحي..
وأفتح الشباك..
مالاقيش مصر

مصر والكاميرون
سالت كده
مين اللى بيعيط بحرقه هناك ده؟؟
قالولى
ده مواطن اتصور وهو بينضرب...
وقلتلهم ..
مين بقىالامور الى بيضحك هناك ده؟؟؟
قالولى
ده واحد كده عمل شوية كوراث
وهرب....
قلت لهم ياه ه ه
شوية كوارث وهرب!!!!
طب والحته العتمه الى هناك دىكده
قالولى
دى حته جديده بتتخرب...
قلتلهم ..طب ايه الهيصه
الى فى الساحل الشمالى دى؟؟
قالولى
دى البقرة بتتحلب...
قلت لهم ..
طيب انتوا قلقلين ليه كده
قالولى
اصلنا بنلاعب الكاميرون
وخايفين نتغلب.....







^
^
^
^
^







الفاتَحة عٍِالأموات


وفضلت أسَِتني أستّنى...
لَحدّ ماعََدّى اخر قطر عدى وفَات...
حَزنت قَعّدت أعيط أعيّط...
قلت أتمشي أتسلّى...
أتفرج عَالشّوارع والنّاس والعربيّات...
زهقت...
قُلت أرتاح...
سنَدت عَلَي روُحى...
إتلخبَطتّ جُوّايا كلّ الحَاجَات..
مدّيت إيدى فجيوُبُى...
لقيت شُوّية وَرَق قديم...
وصَوُر وكرُوت تليفونات...
قُلت أكلم مرَاتى...
افتكرت إنها خدت الدّوا...
ونَاَمت من تلات ساعات....
قُلت أكلم أخُويا....
افتكرت إنه طلعِ مَعَاش مُبكّر...
وكَاَره تاريخُه...
ومركّز فالتّأمينات..
قلت أكلم خَالىِ....
افتكرت إنه غتت غَتَاتَة...
ومعايا أنَا بالذّات...
قلت أكلَم خالتَى...
قُلت ياوَاد..
دى كانت خالتي وخالتك...
واتفرقّت الخالات...
قلت أكّلم صاحبى صلاح....
افتكرت إنه سافر العراقُ....
وفى إحتمال يكون مات....
قُلت اعمل دماغ...
بسّ معرَفش حدبتاع مُخدَّرات...
قُلت أمشى فمظَاهرة...
لقيت العساكرراجعين...
قالولي شطبنا علَي كل الُمظاهرات...
قُلت اتصل بالسّادة المسئُولين...
هايتّهموني بإزعاج السُّلطات...
قُلت ياربّ...
هُو أناإيه...
وليه...
ونسيت إيه...
وقطر إيه اللّى فات....
اَلَلًه يرحَمَك بقَى يَابَا...
والفاتحة عَلَى كُل الأموات....

ميدان الجيزة




ضَيعّت شوية سنين كدة ...


بَحب من بعيد لبعيد...
والحكايةمقّضيّانى ...
ومبسوط وراضى وسعيد ...
أفرح بأى حَاجة ...
واستنى هدُومالعيد ...
وبَعدين ضَيعّت شوية سنين ...
نفسى أبقى أشطر واحد فىالكيميا ...
مع أنى مش فاهم ميدان الجيزة ...
والحياة رغمقسوتها ...
شايفها لذيذة ...
وضيعت شوية سنينبقى ...
نفسى أعدَّى اختبارات الكورة ...
فى النادىالأهلى ...
واشتغل فى وكالة ناسا ...
وابقى واحد من العلماءالمهمين ...
وبعدين ضيعّت شوية سنين ...
منتهى أملى كرسىفاضى ...
فى أُتُوبيس تلات خَمسات ...
عين الصيرة أمالمصريين ...
وضيعّت شوية سنين ...
عايز أفهم الفرق ...
بين النّكسةوالهزيمة ...
والاحترام وقلة القيمة ...
وأبقى نجم سيما ...
مالمشهورين ...
وبعدين ضيعت شوية سنين ...
واقف عند نظريةالمؤامرة ...
لـا عارف اعيش ف الزمالك ...
ولا راضى أعيش فىغمرة ...
ومش عارف لية الحشيش ممنوع ...
مدام مصرحينبالخمرة ...
وياترى بقى أتجوز ...
واحدة بيضة ولاسمرة ...
ولا اسأل فيها ...
رجال الفتوى والدين ...
وضيّعت شويةسنين ...
مركز ف السّيراميك ...
والبيبان والشبابيك ...
وألوانالحيطان ...
وده بيج وده سن فيل ...
والموضة الأصفر ...
وقشرالموزة ...
وضيعّت شوية سنين ...
لا انا بحر ولا نيل ...
حاجة كدة بعيدعنك ...
ملهاش عُوزة ...
ولمّا بقيت كاموخمسين ...
لقيتنى لسّه ...
بَحَب من بعيدلبعيد ...
وبرضُه مش فاهم ...

مِيدان الجيزة


^



^



^




امبارح




مش أنا امبارح



رحت منبيتنا في السيدة



للشغل في حلون



في سبع دقايق



لا شوفت حدزعلان



ولا حد متضايق



والورد إنسان



والنخلمتعايق



والناس جميلة مؤدبة



والجو رايق



والدنيا ماشيةلوحدها



ولا حد سايق



ومش انا



امبارحبرضه



رجعت من الشغل في حلوان



لبيتنا في السيدة



في خمسدقايق



لا حاسس بغربة



ولا شايف غريب



وقلبي ابيض حليب

عندليب



كروانفرحان



شايل ف قلبي وف جيوبي



الفرح أشكال وألوان



وزعت عالشوارع



والبيوت والجيران



وطلعت البيت



ضربتالجرس



فتحت مراتي وبالأحضان



والعيال كمان فرحانين



ناجحينوجايبين



الدرجات النهائية



من غير دروس خصوصية



قمنا رقصناوغنينا



واحتفلنا واتغدينا



فضلة خيرك



سمكواستاكوزا



وجمبري م الكبير



وحلينا ب مهلبية



وشربنا الشايكمان



وفجأة



لقيتنيبردان بردان



بصيت لقيت



الشباك مفتوح



ومفيشبطانية



ومراتي جنبي وزي ما هيه



لسة بتعاني من آلام المفاصل



وده الليحاصل



والحمد لله



على كل شيء



^



^



^



^



نــــــــــــاقص حته




....ناقص حته



....وكل ما أوزن



......ألاقي لسه



ناقص لي حته



أحط حته



تقل حته



وأجيب قميص



تضيع چاكته



وأعيش لي ساعة



يفوتني سته



وكل ما أوزن



ألاقي ناقص



أقول بناقص



لو هي حته



أتاري لسه



ولسه تاخد



سنين وحته



وحاجات تسيبني



وحاجات تاخدني



لحاجات تخبط



في كل حته



....وأقول ها نفرح



..ف يوم



..ها نفرح



ويوم مانفرح



علي الله



...يفضل في القلب حته




^



^



^



^

الضريبة
مش غريبة..
ندفع الأوجاع ضريبة..
قسمي الأحزانشرايح..
عبي دمعي ف الصفايح..
واسألي عمري الليرايح
المصيبة..
لسه شايلك ف العيون..
أجملحبيبة..
قولي كذبة..
حبي ليكي يبقي حسبة..
والأمانيوالهوا..
والشوق بنسبة..
وإنتيعزبة..
للي ماله فيكيحسبة..
المصيبة..
لسه شايلك ف العيون..
أجملحبيبة..
مين اللي قرر يقتل الحلم..
في عيون كل الطيور..
ليهتسلميني..
من طابور تاني لطابور..
قيدي البخور..
بركات جراحناالمزمنة..
كل الأماني الممكنة..
تبقي يادوبك دمعتين..
فوقصورة باهتة ملونة..
سايبة الجراح ليه تهدني..
إيه فيكي تانييشدني..
ده أنا اللي حبي عززك..
وإنتي اللي عشقك ذلني..
لسهيا حلوة بتسألي..
بتحبني؟!..
نفسي اشتري..
شبرين في حضنكوارتوي..
فكرك مسافر أغتني..
خدي اللي حيلتي...
الهدمتينوالقرشينات..
بس استري عرض البنات..
لو حسينا علي دمنا..
فيقلوبنا مات..
لو بكره فات..
وإحنا بياكلنا السكات..
كلالأماني الممكنة..
تبقي يا دوبك..
دمعتين..
فوق صورة باهتةملونة


^
^
^
^
^


معرفـــــش ليـــــه



معرفشليه
تنّحت للدنيا كده
فجأة لقيتني مسكون بالملل
لا عندي رغبةفي البكا
ولا في الكلام
ولا عارف أنام
ولا حتى بسأل إيه دهإيه
و أخرتها إيه
و إيه العمل
و أخاف أقول لأي حد
أحسنيقوم يقلبها جد
حد صاحبي ينزعج
يمد إيده في قلبه من بابالكرم
عشان يشاركني الألم
أو يستلفلي من لئيم حبّة أمل
حالةكده
معرفش إيه
حالة كده ملهاش معالم
ساعات تزورني فيالربيع
في الحر
و في عز الشتا
و تجيب حاجات لا فيها روحولاميتة
لكني برجع منّها بعد السكات
فاهم شوية في اللي فات
حاسسقوي بحزن الصحاب
محظوظ أنا
ساعات أشاور ينفتحلي ألف باب
لكنّيبغلط في الحساب

معرفش ليه




يعدي الوقت تقيل..
ويمر بسرعة قوام..
ياه..
هي الساعة كام..
أشرب السيجارة دي..
وبعدين أنام..
لكن مفيش..
حاجات كتير..
مابتسمحليش أبداً بالنوم..
أما النهارده دا كان حتة يوم..
شاف الدكتور رسم القلب..
وراح واخدني علي جنب..
وكشر في وشي..
كإني عملت ذنب..

وقاللي انت عايش إزاي..
قلت له زي كتير عايشين..
قاللي تخس شوية انت تخين..
وم النهارده مفيش تدخين..
بلاش انفعال..
وفرفش وطنش وافرح..
وبطل شغل العيال..
وكلام المجانين اللي بتكتبه..

بصيت جوايا..
مبقتش عارف..
أصدقه واللا أكدبه..

قلت له اديني حبة فرح..
وأبقي عيل لو قلتلك مش عايز..
قاللي إيه..
قلت له ما تيجي نعيد رسم القلب..
مش يمكن الجهاز بايظ..
أنا أصل اليومين دول قلبي طاير..
ومش علي بعضه..
بصلي وقال للتمرجي..

دخل اللي بعده..
وقاللي أشوفك بعد شهر..

أسكـــــت يــــــاض

قولي يا عبدالجواد
مش إحنا الشعب
وده مثبوت في البطاقة
ومكتوب ف شهادةالميلاد
ولا مصر خلفت ولاد غير الولاد
طيب ليه
كل ما اتكلمواستخدم حقي
يقولولي اسكت ياض
سنين ساكنين
في نفس الحتةالضيقة
نفس الهوا
ونفس الدوا
ونفس الأمراض
علىفكرة
مفيش جبنة في التلاجة
ولا خيار
ولا أعياد
مفيش غير فيلم قديم
كل شوية بيتعاد

^
^
^
^

أنا المواطن نقط

أنا المواطن نقط نقط نقط
ولا بتهان وأسكت زى زمان
أنا بصرخ وأكتب وأبعتوأتكلم
وأسمع بقى يا معلم
أنا المواطن نقط نقط نقط
رقم قومىنقط نقط نقط
محل الأقامة نقط نقط نقط...... بجوار البنزينة
بصراحة حرامتعملوا فينا نقط نقط نقط
وتطلعوا نقط ونقط أهالينا
عملتوا انتخاباتوكلها نقط نقط نقط
وشيلتوا وحطيتوا حاجات نقط نقط نقط
بصراحة أنابقيت قدام مراتي حاسس انى مش نقط خالص
وأقولها نفسى أبقى نقطبجد
تقولى يا اخويا ماتحرقش دمك
محدش بينفع حد
حسك فالدنيابكرة تبقى نقط نقط نقط ....!!!
^
^
^
^
^
مش دي

مش دى .. بطاقتى
وده .. رقمى القومى
ودى .. الحقيقة ..
وده الخيال ....
ومش دي الخريطة ..
ودي المدينة ..
وده المحور ..
وده المترو ..
وكده يمين .. وكده شمال ..
مش ده ظابط .. وده عسكرى ..
وده طبيب .. وده كمسرى ..
وده منجد .. وده بقال ..
مش ده جامع .. ودى مدرسة
وده بيت دعارة ..
وده سمسار ..
وده شيال .....
مش ده فستان .. ودى جلابيه
وده شورت .. وده مفيش ..
وده شال ....
مش ده اتوبيس .. ودى عجلة
ودول حمير ....
ودولا جمال .....
مش ده عمى .. ودى أختى
و دول صحابى ..
وده كمال ....
مش ده شارعنا .. وده بيتنا ..
ودى مراتى ..
ودولا العيال ...
مش ده الوطن .. وده المواطن ...
وده التاريخ .. اللى إتقال ...
أمال ليه .. كل ما اروح فى حته
و أسأل سوأل ....
يقولولي .. جايز ... يمكن .... إحتمال

^
^
^
^
^
^
يا عم قول كلام منطقى
تخبط صباع رجلك ..
ف رجل الترابيزة
وتبكى وتشتكى ..
وتحط مراهم
يفش الورم ..
ويروح شوية الألم
وترجع تتخبط
وترجع تبكى تانى وتشتكى ..
ياعم شوف قلبك ولا ده مش بتاعك
يا عم شوفلك حل
يا تبيع الترابيزة ..
يا تقطع صباعك

أقولك حكاية...
يمِكن مَتصدقهاش...
النور قاطع ف شارعنا...
من سنين ولسّه مجاش...
عارف ليه...
آه والعيش والملح...
زى ما بقولك كده...
ودوَّرنا كتير مخلَّيناش...
وملقيناش...
غير سلك عريان مكشوف...
واقف ف العتمة مكسوف...
ساكت آه...
لكنَّه مبينساش...
لمَّا الماسورة اتخرمت...
وربطناها بحتة قماش...
ولكل جرح بينزف...
شوية بن...
ولو البن غالى بلاش...
إيه ياعم...
إحنا كل ده ف ميدان التحرير...
لسَّه متحركناش....
آه والعيش والملح...



بِيُوتنا واسْعَةْ وِضقْةْ...
عصَافير كِتير...
ولا يُوم صَحيت م الزَقْزقَةْ...
بحلَمْ بعِيشَةَ محنْدقةْ...
وسْط البَرَاح...
لو كان صَحيح...
الحُزن رَاح...
طَب ليه الجراَحْ...
لسّه فَ عيونَا مخَنْدقَهْ...
بيَوتْنا أسَْمنَت...
وزَلط وِحِيطَانْ....
وبَس...زِى الآسِى....
متَرصَّصة..
مِرصُوصَة رَصْ...
دَار النَهار...
من داَرلدارْ...
طَبل وزَمر...
قال ْ وسار...
ولا حد حَسْ...



أحْلامْنا سَلَطَةْ...
وكَلامْنا سَلَطَةْ...
والعشق وَرطَةْ...
غِلط غلْطَةْ...
كأَنَى ماشى من غيرْ دِماغى
كأْنى أقف أدَّن فَ مالَطةْ...
سَلَطَة...
وتَملىِ خَسْ وجَزَرْ...
ناديتُه لَكن راح واعتذَرْ...
أَلاقيش مَعاك سنةْ أمل...
ألاقيش مَعاك حَبةْ نْظر...
اليُوم وفاتْ...
وبُكرَه فَاتْ...
مَفْضلِشْ غير...
حَبةَ سُكاتْ...
وتقُولِلى هاتْ...
أحَلامْنا ليهْ...
سَلَطَةْ



تيجى نحسبها نلاقيها...
إحنا فيها...
لفّ واتفرج معايا...
ع اللى نايم...
واللى صاحى...
واللى طافى النور وصاحى...
واللى بتسليه جراحى...
واللى قال فات الكتير...
واللى طاير...
بس مكسور الضمير...
ع اللى مشغول بالدولار...
واللى ضيّع نص عمره...
فى كام بهيمة وكام حمار...
واللى قال الأرض باقية
واللى طُور مربوط فى ساقية...
واللى لسه قميُصه ناقص زُرار...
وفى ثوانى...
مات كيلانى...
كل واحد فينا قام يحسبها تانى...
اللى نايم واللى صاحى...
واللى بيفكر ينام...
كله قام...
أد إيه ف العمر باقى...
يسوى كام...
أما شاعر بايخ...
جىّ ليه تشعللها نار...
يلّلا نهرب من قساوة الجَدَّ...
ونضيع ف الهزار...
ف العصير والفطير...
واللى لسه قميصُه...
ناقص فيه زُرار...


زَغْزَغْنِى...
يمْكن أضَحَكْ...
يمْكن أفْرَح...
يمْكَن أطلَع...
مِ الَلى أنا فيِهْ...
زَغْزغْنىِ...
يمْكِن أحْلَم...
يمْكَن أقَول اِللى مخَبيهْ...
مِش جَايزْ...
لِسَّهْ الدُنيا جَميلَة بِجَد...
ولسَّه النَاسْ...
فِى الصيِفْ والبَرْدْ...
مِشْ يِمكنْ...
يطْلَعْ فيَّا العيِبْ مِشْ فِيه...
زَغْزَغْنِىِ...

السلام عليكم
الف شكر استاذ أحمد لما قدمتم هنا للشاعر العربي الأنساني والأجتماعي والشعبي
العربي المصري علي سلامه

ولقد القيت على صفحات منتدنا الأدبي الكبير منتدى الأدباء والمفكرين العرب بأدارة الأستاذ محمد شعبان
الكثير من أشعار الشاعر وقصائدة الرائعه والف شكر ماجمعت لنا من جديد اتمنى ان يكون له ملف شعري كامل يثبت في منتدى الشعر لمدة ثلاث اشهر لكي يتابعه الأصدقاء ومن بعدة يتم اختيار شاعر عربي له من وسط النبض الشعبي

شكرا لردكم الراق تقبل تقديري

على سلامة

ينشر باستمرار قصائدة فى جريدة المصرى اليوم القاهرية

اكثر من مرة فى الاسبوع

وقد كتب اليوم ( 3/11/2010) مايلى


معسلة أوى يا بطاطا

بقلم على سلامة ٣/ ١١/ ٢٠١٠
أخى الناخب

أنواع الصناديق تلاتة..

واحد تحط فيه مرسى

يطلع شحاتة..

ويلف ويدور

ويشهد زور

يجامل ف عزا وطهور

كداب ودمه تقيل

وآخر غتاتة..

وواحد يلم النذور

يوزع صابون

وغدا وفطور

ويخبى بقية القصة تحت البلاطة..

وواحد اسود ضعيف

خايف جبان مكسور..

عمره ما قال الحقيقة

ولا كان ف يوم صريح

صناديق تلاتة..

بترمى مستقبل بلد للريح

كده..

وبمنتهى البساطة..

صندوق ورا صندوق

تمد إيدك تدوق

لا تعرف تفرق بين فسيخ وشربات

ولا عمرك تصدق اللى قال

معسلة أوى يا بطاطا..

الف شكر
نتابع معكم مداولات جميله ومعسله أوي البطاطا دي


شكر للقصيدة
نتابع معكم

مرتين اقول

كان يسعدني ان أكمل ممسيرة والدي يعقوب الحمداني في مصر الأدبيه
التي بدئها مع الراحل الكبير طه حسين وتوفيق الحكيم

وكان يسرني السفر لمصر ولكني لني أحمل جواز عراقي ممنوع من دخول مصر ؟؟
كان يشرفي لقاءالأدباء والصالونت الأدبيه المعروفه في تاريخ الأدب بمصر

شكرا لتثبيت الموضوع
تقديري للأدامه وهو شاعر يستحق الحب

جميييييييييييييييييييل

قصيده قويه

واقع نعيشه فعلا شكرا اخوي على هالروعه

اليوم انقلبت القصه في العراق

المقامة العربية غسان إخلاصي






( المقامة العربية )

حدّثنا مضرُ بن عدنان فقال :
(تنقّلت بين الأمصار والبلدان العربيّة ، فوجدتُ قلوبا أضنتْها المشاعر الخلّبيّة ، وأجسادا أفنتْها المؤامرات السحريّة ، وأفئدة تدّعي الحرص على المصالح القوميّة ، بينما تقوم بالتحريض لإرضاء الأهواء الشخصيّة ، منطلقين من دوافع دينيّة ، أو عواطف وضعيّة ، أو ادعاءات غير حقيقية وهميّة .
ثمّ تابعت طريقي حتى وصلت بلاد الرافدين فوجدت رجالا ونساء هاموا بالبطولات التاريخيّة ، وتركوابصمات بطولةٍوتضحيات أزليّة ، فوجدتها قد عاث فيها الطامعون بخيراتها وارتكبوا جرائم تندى لها الإنسانيّة ، وقد ألبسوها ثوبا مزركشا لكي يزفّوها في مواكب دمويّة ، لكنها خرجت من تحت الأنقاض صارخة منتفضة مؤكّدة أصولها العربيّة ، وحرصها على شقيقاتها في أراضي الوطن العربي الأبيّة .
هكذا غادرتها وأنا أدعو لها أن تبقى سخيّة ، فحبها بين الحشا والحنايا المشرقيّة.
ثمّ عرّجتُ على بلاد الشام القدسيّة ، فوجدت فيها قادة وعلماء مجّدوا أمّتهم الوفيّة ، وسطّروا على ترابها ملاحم خالديّة ، وأثبتوا للعالم غرامهم بالعروبة البهيّة ،ذات الأنوار السنيّة ، وسعيهم المتواصل لإعلاء مكانتها الذهبيّة ، بعد أن روّوا ترابها بالدماء الزكيّة ، وكانوا على الدوام ردءا لمصالح الأمة اليعربيّة ، وكم كانت الشام أمّا لفلذات أكبادها الألمعيّة في ( لبنان الأرزيّة ، وفلسطين مصلى المسلمين والقبلة الأولى للجموع القويّة ، والأردن الهاشميّة )!!!!!!!!!!!!!!!!!!!!!!!!!!!.

( للمقامة بقية .................. )غسان بكل الودّ لكم .