حوار مع صديقى الاحول

لى صديق تعرفت عليه من خلال تجوالى على النت
وقد قام باختيار نيك نيم اسمه (( الاحول )) وعندما
عاد مصر الاسبوع الماضى جلست لاكتب عنه قصة فكاهية
وبعد الانهاء منها عرضتها عليه واعجبته وقال لى لامانع من نشرها

وهى تتحدث عن الاحول الذى تزوج من حوله وانجب اطفال كلهم حول




مواقف وطرائف الاحول بالقاهرة
******************



الأحول فى زيارة لمصر

ما سأرويه لحضراتكم يمكن تصنيفه واعتباره يقع تحت بند
اغنية المطربة شادية التى تقول فيها :
ياتشفلك حل فى حكايتنا ياتعزل وتسيب حتتنا
ابويا يطلب شاى اعمله قهوة واسقيها لـــ اُمى

أكيد طبعا فهمتو من المقدمة السابقة اللى انا عايز اقوله وليه انا اخترت الاسم ده عنوان للموضوع
لان كل اللى هيحصل بعد كده كله عكس عكاس ... وكمان اللى حصل لى من مواقف عجيبه مع عمووونا الاحول يؤكد ذلك .

وهتقولوا كان معاك حق فعلا فى تسمية الموضوع مواقف وطرائف ، وتعالوا بينا نعرف الحكاية من اولها خالص ..
من اول وانتظارى له بالمطار علشان تعرفوا اد ايه انا عانيت وتدعولى بان يكون صبرى اللى صبرته على عموونا الاحول فى ميزان حسناتى
وتعالوا نحكى الحكاية من اولها بقه :

انا صحيت من النوم على رساله خاصة بالهمس عنوانها

(( ... هام ... هام ... هام جدا ))
والراسل اخونا الاحول

فقلت يافتاح ياعليم يارزاق ياكريم ... يارب استر وجيب العوائب سليمة ( على راى امال زايد فى فيلم بين القصرين )
فتحت ياجماعة الرسالة لقيت الاحول بيقولى فيها صباح الخير يابو حميد اوعى اكون صحيتك من النوم ولا حاجة ..
ولقيته – برضه - بيرد بدل منى .... وبيقول طيب الحمد لله ان انا ماصحتكش من النوم
ماتقُلش الراجل بيغنى وبـــ يرد على نفسه من خلال الكورس اللى واقف وراه ..
وعلى فكرةهو برضه الكورس ... المهم لقيته بيقولى بكل ادب جم وبكل محبه واخوة :


ابو حميد انا هوصل القاهرة النهاردة ياريت تستنانى فى المطار لانك وحشنى ونفسى تكون انت
اول حاجة اشوفها لما اوصل وعموما انا هوصل الساعة 12 بالليل فى المطار القديم على شركة مصر للطيران
فبعد ماقريت الرسالة رحت جبت مرايا وبصيت فيها وفتحت كتاب الشفرة الخاص بالحوُل
وقمت رايح على المطار الجديد الساعة 12 ظهرا وانتظرته على شركة الخطوط السعودية
وعلشان يعرفنى واعرفه عملت صباع محشى طويييل حوالى 3 متر وشبكت فى اخره من ناحية السما
الحلة بتاعة المحشى وكتبت على دوران الحله - بس بالمعكوس - انا احمد المصرى يا أبو خليل ....


المهم لقيت شوية ناس مبعزقين كده واقفين جنبى وريحتهم قرنبيط على كرنب
ولقيت واحده بتناول عيل واقف جنبها مائة جنيه وبتقوله روح هاتلنا كام حاجة ساقعة بالعشرين جنيه دية
فراح الواد جايبلهم بكِّاوى بسكويت وقالهم خدو الشاى اللى طلبته ماما ليكم ... ربكم والحق انا اطمنت الى حد ما
بان الناس دية قرايب عمنا الاحول ... وفجأة لقيت الست بتصوت بتقول اخوك راح فين ياوله ؟؟؟ اخوك تاه
يااااااااااااادهوتى .. أه يابنى ياللى مافرحتش بطلعة ابوك عليك من المطار ياحبيبى .... اتلمت علينا الناس والحكاية والرواية
فقالت الواد ابنى تايه ولابس قميص ابيض وبنطلون بنى كروهات وحالق زلبطة .. راحت الناس تدور على المحروس الصغنون ...


ورجعت وفى ايدها بنت بفستان ازرق ودفرتين طوال وعماله تعيط وتقول تيتا فين ... فراحت الست واخدها فى حضنها وقايللها معليش يابنى ..
حمدلله على السلامه ... انا اللى غلطانه علشان فكيتك من السلسله ... طبعا المنظر ده لا يبشر باى خير ابدا ياجماعة ... والبداية غلط ياارمانى على رأى عبد الوارث عثر فى فيلم الاخوة الاعداء لما كان بيكلم يحيى شاهين .... المهم وصلت الطيارة وبدأ الركاب تخرج فلقيت واحد خارج بدهره من صالة المطار فبصيت عليه بمرايا عاكسه للصور لقيته واحد احول وفيه شبه كبير على الشريف الممثل - الله يرحمه - ماتقلش اخوه الصغير او التوأم بتاعه ... الغريب بقى ان الواد ابنه اول ماشافه اتشعلق فى رقبته وقاله بابا بابا حمدالله على سلامتك فراح الاحول حاضنه وقاله ازيك ياحبيبى وازى امك وابوك ؟؟؟ فقاله انا ابنك يابابا !!!! فقاله معلش يابنى انا كنت فاكرك ابن عمك ... امال خالك فين يابنى ؟؟؟ فقاله ماانت عارف ان انا ماليش اخوال يابابا وماما البنت الوحيده لجدو على ثلاث بنات تانين . ...
انا قلت البداية مش مبشرة بالخير ابدا .. المهم رحت داخل عليه وهو جه عليا – رغم انه كان باصص للناحية العكسية ليا –
واساريره متهلله بالفرح وقام رايح عابط الراجل اللى واقف جنبى واعد يبوس فيه ويقوله والله وحشنى ياابو حميد فرُحت بسرعة
انا لحقه وخطفه من حضن الراجل اللى جنبى واعتذرت للراجل وقلتله ياعم الاحول انا هنا مش اللى هناك ... قالى معلش ياابو حميد
من فرحتى بك اتلخبط ... المهم انا كلتها بمزاجى واعتبرته فعلا غلط وشربتها وسكت ... فسألته انت معاك عربيه ولا تحب اوصلك ؟؟؟
فرد وقال اه معايا عربيه مرسيدس هناك اللى لونها اسود دية فرحت علشان اوصله لحد العربيه فلقتها حمرا ونوعها فيات تمبرا ...

ياخونا الراجل كل حاجة فيه ضايعه وبايظه على الاخر ... الله لايوريكم ولا يحكم على حد من السامعين سواء كان عدو او حبيب او كان من الانس او الجن

المهم ركب صاحبنا العربيه وهو بيقفل الباب قفله على صباعه لقيت ام نسمه بتقوله اى .. اى .. صباعى .. انت قفلت الباب على صباعى ياابو خليل
فقال معلش يام نسمه .. بصيت للمنظر ده و لقيت الواد ابنه صباعه هو اللى بيخر دم .... فقلت فى نفسى سبحان الله صدق اللى قال عروق الانسان كلها متصله ببعضها
وودعته على امل الاتصال وتحديد ميعاد للقاء بعد ان حصل على نمرة تليفونى المحمول .. وتمنيت انه يغلط فى نمرتى او مايتصلش خالص ...
وبصراحة بينى وبنكم ندمت ان انا اتعرفت عليه ورحت اقابله ولكن هنقول ايه بقى نصيب ؟؟؟ تأتى الرياح بما لاتشتهى السفن كما يقول المثل ...

و بالليل وانا اعد فى البيت لقيت الجيران بتخبط عليا وبتقولى فيه واحد على التليفون الارضى عندهم اسمه الاحول طالبنى وعايز يكلمنى ..
طبعا هو غلط وبدل مايتصل بيا على محمولى اتصل بارضى الجيران ... فرحت رايح رادد عليه وبعد السلامات والتحيات وطيبون قلتله مش هنشوفك يامولانا ( عزومة مراكبية طبعا )
لقيته شبط فى الكلمة وقالى امتى؟؟ قلتله النهاردة كويس ؟؟ قالى كويس .. قلتله خلاص هستناك فى مصر الجديدة الساعة 8 بالليل فى محل اتفقنا عليه ...
ومع اقتراب الموعد انا أهلت نفسوياتى ومعوياتى لاى مفأجاه او حركة تصدر منه جت الساعة 8 ووراها الساعة 9 وصاحبنا ماجاش فقلت الحمد لله وهممت ان اغادر المكان لقيته بيتصل بيا على المحمول وبيقولى انت اتأخرت ليه ياعمونا انا واقف بقالى ساعتين مستنيك فقلتله فين وازاى !!!؟؟ انت فين الان ؟؟؟ قالى انا مستنيك فى مدينة الشيخ زايد من الساعة سبعة .. وهنا ادركت ان الارض كروية ومصر الجديدة بتروح الشيخ زايد على الساعة 9 وقبل كده بتكون فى مصر الجديدة الساعة 7 ... قلتله معلش يظهر انا اللى غلط ورحت مكان تانى تعالى على نفسك وتعاللى مصر الجديدة .. فاعد يضحك ويتريئ عليا ويقولى غير الصنف اللى بتشربه فى الاكادمية واللى بيجيبه الواد عمرمر ده ... وبطل تعد مع الحجاج لميس وهمس ورنيم مجانس روز نايت فليت ... دول يجيبو المرستان لحد عندك ويرجعوك 100 سنه ورا ... قلتله معلش ياسيدى انا محقولك والواد عمرمر احنا هنبهه للغلطة دية .... المهم اتقابلنا وجه الجرسون فقالى تشرب ايه يا ابو حميد قلتله اشرب نيس كافيه فراح طالب من الجارسون اتنين مُغات فتذكرت الواد ابنه لما جاب البسكويت بدل الحاجة الساقعة وقال لاخواته خدوا الشاى اللى طلبته ماما .. قلت فى نفسى من شابه اباه ماظلم .
الصراحة ياجماعة ربُكم والحق الراجل طيب جدا وكريم لاقصى الحدود ودية حقيقة مش هزار بغض النظر عن عمايله السودا والحول اللى راكبه ...
الراجل اصر على عزومتى على العشاء وقالى تحب تاكل ايه فقلتله ناكل كباب وكفته فراح مودينى على مصمت اسمه ( مصمت العائلة ) بيبع كرشه وفشه ومنبار ولما جاله الجرسون وقال تحبو تاكلو ايه يابهوات قاله اتنين سمك فليله مع طبق جندفلى وجمبرى من فضلك .....

وماهى الا دقائق معدوده وعاد الجرسون بالطلبات وبدأ يضعها على الترابيزة فـــ فجئت انه يضع امامنا اتنين بيتزا وطاجن باميا باللحمة الضانى وطبق محشى كرنب على ورق عنب وارز بسماتك فتوجست خيفة وظننت انه اخطأ .... فقلت له ليس هذا ما طلبناه فاندهش الرجل ورفع حاجبيه كعلامة الاستفهام وخلع نظارته الشمسية فوجدته احول العينين ...فقال لى كيف ؟؟؟ لقد اخذت منكم الاوردر وسلمته الى صاحبة المصمت وهى التى قامت بإعداد الطعام بنفسها وارسلت هذا الكارت معى لكما ..
اخذت منه الكارت واسرعت بقراءته فوجدت فيه : مع اطيب التمنيات بطعام شهى (إدارة مطعم العائلة ) والتوقيع ام نسمة الحولا ووجدتها تقف من بعيد تشير


الينا باصابعها العشر اشارة تحية .. فعلمت اننى وقعت فى شرك احيك بليل من ابو نسمة وام نسمة فاسرعت واقفا وموجها كلامى للاحول الذى كان فى حالة هستريا من الضحك ببكاءِ مُر وقلت له : انه يشرفنى ان اقطع علاقتى به الى أبد الابدين ويا اما انا ياهو وزوجته (( الحولا ام نسمة )) فى المنتدى .
وأقسمت براس طنط ظاظا وبراس جدو سلطح بابا ان انا ماعرفهوش تانى ولا اكلمه ماحييت
والان على ادارة المنتدى أن تختار بيننا ....يا إما انا بمنتديات لمس الخلود او ابو نسمه وام نسمه فمن تختار الادارة الان ؟؟؟

الاخت لمس زبادى والاخت فلينج شورت شوز انا فى انتظار اختياركم واخبارى به وإلا لن اشارك مرة أخرى معكم فى مباريات رولمان البلى الهندى بالدورى الايطالى .

[align=center]حاسه اني طلعت من بعد موضوعك عمو احمد

احول من صاحبك ههههههههههههههه

الله يسامحك عمو احمد

تحيتي [/align]

امل2000

ماحدث لك هو نفسه ماحدث لى بعد كتابة هه القصة
ك التحية

[align=center]شو هاللخبطة يا عمو احمد
بدك كل المنتدى يحول؟؟؟؟
ما فهمت شي بالهرجال كيف بيعيش حياتو
و قال شو عمو احمد هو اللي بيشرب اشيا غلط
ههههههههههههههه
دخيلك اقطع علاقتك فيه و لا تجي صوبو لحسن تحول و مانصير نعرفك
سلامات سيدي الكريم
[/align]

شكرا مرورك سوار

وهى بالظبط حياته زى امانا وصفت
بالتمام والكامل

وان شاء الله هبقى احكلكم عن زيارتى

[align=center]والتوقيع ام نسمة الحولا ووجدتها تقف من بعيد تشير


الينا باصابعها العشر اشارة تحية .. فعلمت اننى وقعت فى شرك احيك بليل من ابو نسمة وام نسمة فاسرعت واقفا وموجها كلامى للاحول الذى كان فى حالة هستريا من الضحك ببكاءِ

هههههههههههه مقلب خيالي[/align]

القصة يمتزج بها الخيال
حول الواقع

شاكر لك المرور

حاسه حالي صرت حوله بعد
هاد الموضوع

اشكرك

تحيه

شكرا لك مرورك