أنا عربي اذا أنا مجنون

* بعد واحد وعشرين حاله أشتباه أنفلونزا خنازير في المدينه الجامعيه في السويس
طلع لينا نائب في مجلس الشعب عايز يمنع البوس والاحضان وكمان غرامه خمسميه جنيه علي الحضن
يعني لو قفشوا واد معاه بنت من عالكورنيش حيتمسك فعل فاضح في الطريق العام وكمان خمسميايه عالحضن .. يا بلاش
ومش بعيد أنك تتمسك متلبس بتحضن أبوك وهو جاي من السفر

*يوم ما مسك رجل أسود الولايات المتحده علمت أن تلك الدوله ستسقط قريبا
لكن ما أكد لي هذا الشعور ليس دخول السود للحكم
بل دخول العرب المصريين
فمستشاره أوباما لشئون العالم الاسلامي هي المصريه داليا مجاهد
والمستشار العلمي هو المصري دكتور أحمد زويل صاحب جائزه نوبل
بأي حال طالما العرب مدو ايدهم فيها فقولوا علي البلد يا رحمن يا رحيم

* الأخ الشقيق لمؤسس جماعه الأخوان المسلمين يبيح شرب التبغ نهار رمضان ويقول ان الحجاب بدعه من بدع الجاهليه الأولي ...

* عجبتني اوي اوي تعليقات الوزراء في الاهرام
وزير بيقول لحضراتكم انا مبلحقش انام يدوبك احط جسمي عالسرير أقوم اروح الشغل
ده علما بقي بأن المستشاره الالمانيه ورئيس وزراء انجلترا واوباما وكل الناس العتره دي متصوره وهي في عطلتها الاسبوعيه في البحر والشواطئ
لكن وزرائنا اللهم لا حسد مش لاقيين وقت من كتر الشغل

وزير تاني ظريف موووووووووووت يعني بيقولك بنينا السنه دي 945 مصنع
وبما ان السنه فيها تلتميه خمسه وستين يوم بس -حسب معلومات مجله متزوقيني يا ماما-
يعني وزيرنا الهمام ربنا قدره وبنالنا السنه اللي فاتت حاجه بمعدل كده اللهم لا حسد
مصنعين ونص في اليوم ما شاء الله والله أكبر
ورب الكعبه جن سيدنا سليمان ميعملوها


* بعد تقرير الوكاله الدوليه للطاقه الذريه عن مصر
كثير من الأيجيبشينز يتسألون يفكرون يتحاورون يتخيلون يتهامسون في جنون
هل تترك مصر نادي الفيديو العربي وتدخل نادي الكبار النووي ؟
وأذ فعلتها هل تضع عليه خرزه زرقا من بره وتكتب ( عضه أسد ولا نظره حسد)
وذلك بأخذ تجربه مفاعل (اوزيراك) العراقي الذي ضرب وأنهار حيث ان محدش بخره ولا رقاه من العين.

رائي الشخصي المتشخص ان القنبله النوويه سلاح من ورق وليس ردع خصوصا في الشرق الأوسط
مصاريف عالفاضي يعني لمجرد البهرجه الكاذبه
والدليل أن أسرائيل كان لديها 200 قنبله نوويه في حرب 73 ولم تلمح حتي بأستخدامهم

* في وسط الرعب الذي يعيشه العالم من مرض اذا أصبح وباء لقضي علي ثلث سكان الأرض في غضون شهر دفعه واحده
رئيس دوله عربيه وأقسم لكم بالله العظيم من كم يوم فقط يناقش مع رؤوساء العشائر كيفيه عدم أستيراد المكرونه من الخارج لدعم الأقتصاد الوطني .. ألهمني الصبر يارب .


بقلكوا ايه
تصبحوا علي خير

اولا لاتوجد حالات انفلونزا فى مص3ر
وعموما انت تقول اشتباه


وعلى فكرة امس كنت استمع الى الاستاذ فريد الديب المحامى
وكان يتحدث عن المادة 218 او 318 ( الشك من عندى )

من قانون العقبات والتى تتحدث ان اذاعة خبر كاذب من شأنة تكدير الامن العام وا احداث بلبله
ياريت تكلمنا عن هذة المادة يامحمد

[align=center]*جريده الشروق العدد 97 الصادر بتاريخ 8 من مايو 2009
صفحه 4 تقارير وأخبار
الصحفه مقالها الأول بعنوان
(عنواين المدارس المرشحه للاستخدام كسمتشفيات ومواقع للايواء في مواجهه أنلفونزا الخنازير)
المقال الثاني وهو بيت القصيد الداعم خبري الأول في مقالي هنا بعنوان
( ليله مرعبه في السويس بعد الأشتباه في أصابه 21 طالبا بأنفلونزا الخنازير)
وتحدث المقال عن أنه تحت أجراءات أمنيه تم الكشف الصحي علي كل من بداخل المدينه الجامعيه بالسويس وتم سحب 21 منهم الي المستشفي الجامعي للاشتباه
هذا بالنسبه للخبر وجدير بالذكر ان دار الشروق هي احدي دور الكتابه والنشر العريقه حيث يعمل بها أكبر كتاب الأهرام القدماء الذين تركوا الاهرام حفاظا علي حريه كلماتهم

*بالنسبه لرأي سياده النائب فممن الممكن أن تراجع حضرتك جلسه مجلس الشعب علي التليفيزون الوطني بتاريخ الأحد 10/5/2009
او برنامج العاشره مساء حلقه الثلاثاء الأثنين بتاريخ 11/5/2009 حيث انها ناقشت مشروع هذا القانون وبحضور النائب نفسه

*بالنسبه لمواد القانون الجنائي هنا
فعلي الشعب كله معرفه القانون عامه من تلقاء نفسه عن طريق الجريده الرسميه والنشرات الدوريه..
حيث تفترض القرينه القانونيه ذلك في واحد من أهم مبادئ القانون الا وهو
( مبدأ / عدم جواز الاعتذار بالجهل بالقانون)
فـ أهل القانون يدخل في عملهم اثنان
1- صياغه مواده في شكلها القانوني -يختص بها الفقهاء-
2-تطبيقها علي المخالف -يختص بها القضاء الجالس والواقف والمجتمع ممثل في النيابه-
ويخرج من أطار عملهم أثنان
1- صنع القانون -يختص بها مجلس الشعب-
2- تعريف الشعب بالقانون-تختص بها الصحافه والجهات الاعلاميه التي حددها القانون-



*بالنسبه لي أنا -أعتقد ان حضرتكم رميتم الي ذلك بين سطوركم-
فأحمد الله تعالي انه من شيمي -قبل أحترامي للقانون او الأفراد- عدم ترويجي للأشاعات ولله الحمد


همسه للقارئ // من أسعد لحظاتي تلك التي أختلف فيها مع أستاذي وابي احمد المصري حيث أعتبر نفسي من اكثر تلاميذه مشاكسه ..


[/align]

محمد
اولا انت لم تجاوب على ماورد بالمادة المشار اليها
كما لم تصحح لى معلوماتى هل هى المادة 218 ام هى 318

اما بخصوص رميك بترويج الاشاعة فلم يخطر ببالى وانما الامر كله \كان متعلق بحديث عن الاشاعة
سمعته فى التلفاز فاحببت ان اسألك عن نص المادة

كما اننى نشؤرت فى ذات الوقت موضوع عن الاشاعة
لك تحياتى

[align=center][align=center]اصل المشكله ياعمو اننا مبنحفظش ارقام المواد اطلاقا في دراستنا في الكليه حيث ان مستحيل عقل بشري يعمل ده
الا ما يسميه اهل القانون بــ ( الماده الشهيره)
يعني ماده يقوم عليها فرع جنائي كامل وتفسر كل ما ينطلي اسفل منها
باي حال اللي اتذكره جيدا ان
الماده 218 عقوبات دي جرائم التزوير في المحررات الرسميه ( اوراق رسميه او عمله او الخ )
والماده 318 عقوبات دي جرائم الاموال ( التحويل والتهريب والغسيل او التبيض والخ)

بس بيني وبين حضرتك كده كلام في السر من ابنك اللي في الحقوق
القانون ده مش معمول عشان غرضه اللي يتفهم من اول نظره
القانون ده عشان تقييد عمل الصحافه


عموما يا عمو عشان خاطر حضرتك
خمس دقايق وروح حضرتك اوراق ثقافيه
حعمل لحضرتك موضوع في مختصر قانون العقوبات المصري كاملا مكملا
لأنها ماده صغيره جدا في وسط مواد أخري يصعب استخراجها
او تقدر حضرتك تقول ان ابنك العزيز مركز في قانون المرافعات اليومين دول


عموما الموضوع حنشره حالا
[/align][/align]

ايوة كدة انت تمام

ماهو لازم نستفيد من تخصصات الاعضاء
حتى يكون لدينا تنوع فى المادة المنشوره
بالاضافة الى مايكتبه الاعضاء من موضوعات