قصيده روووعه

[frame="5 98"]يا كثر الاصحاب يوم اللعب والدشره
يوم الملاهي تدوّر من يلهيها

من اول شقتي بالناس محتشره
يوم العزوبية الي كنت مغليها

واليوم لا عاد لا خوه ولا عشره
الله ولا رفقة هذي تواليها

ناس مع المصلحه عشره على عشره
وان حدك الوقت حدة لك جنابيها

اللي حياته مع البيلوت والنشره
واللي يحب الدشوش ولاهيٍ فيها

واللي على الخط دايم فاغر الكشره
سمّاعته طول ليله ما يوطّيها

واللي مزاجه مع القصات والبشره
ماله هدف والنصايح ما يدانيها

واللي مع الناس لا يفقه ولا يشره
شقراً مع الخيل لا هجّت تباريها

ذي عيّنه في شباب اليوم منتشره
عسى الذي جابها من الارض يمحيها

اهل المصالح معرّفتهم كماالقشره
لا نظّف الراس بالصابون ينهيها

هذا كلامٍ علينا واجبٍ نشره
وما تحرق الجمره الا رجل واطيها

-------------------------

للشاعر : سعد بن جدلان الاكلبي


ارجو ان تنال الاعجاب نقلت للمعرفه[/frame]

والله روعه

شكرا ع المرور الحلو

ما شاء الله

القصيدة مرة حــلوة

قد ينفع الاصلاح والتهذيب في عهد الصغر

أحسنتم للأختيار الرائع
نص جميل ومنتقى

تقبلوا التقدير والسلام ننتظر المزيد

كلمات رائعه


اشكرك

تحيه