الشعب خلاص أسقط النظام

الحمد لله انه غار في ستين داهية والحمد لله ان الشعب ظهر بمستوى راقي جدا

عمو أحمد

أنا من الغاز اللي شميته عملت دماغ وفيات عنب..غاز رهيب الله يقطعه ويقطع اللي عمله لسه شامه في مناخيري لحد دلوقتي.. المهم بعدها رايح واقف جمب العسكري بتاع الأمن المركزي ومش واخد بالي وبقول الشعب يريد إسقاط النظام ... لقيت زيووووووووووو ههههههههههههههههههههه .. والدنيا كانت ساقعععععععععه ودي نزلت ولقيت نفسي بجري من نفسي من غير ما أحس هههههههههههههههههههههههه

ابنةبووونة

جزاك الله خير علي الكلام الجميل أوي ده
ولعله من أجمل الحاجات علي الأطلاق اللي عملتها الثورة .. أنها عرفت المصريين والجزائريين أنهم بيحبوا بعض جداً
علي رأي صديق لي جزائري
(الحب الحقيقي يعرف في الأزمات وليس في المباريات)
جزاكم الله خير يارب وأحنا معكم في ثورتكم الله ينجحكم يارب

sosta

أخيــــــــــــــــــــــراً .. 18 يوم .. لو بنحضر عفريت كان أنصرف في يومين
ههههههههههههههههههههههههههههه

سلمي

أحنا في مصر والله عارفين أحساسكم من المحيط للخليج..وبجد كلمة (العرب أخوة) دي مش مجرد كلمة دي حقيقة جميلة جداً و دم واحد بيجري في عروقنا كلنا .. أنا معرفش أنتي من أي بلد عربي .. لكن الله يحفظك ويحفظ كل وطني العربي

أبو نواف

كلام رائع من أخي الغالي والمحبب لقلبي
وبعدين بيقولوا الأحتفالات كانت قوية في الكويت من الكويتيين والمصريين..شاركت ولا لأ ؟؟ ههههههههههههههههههه
الله يحفظك يارب يا أخي ويحفظ أسلامنا و أوطاننا في كل مكان

نسيم الوادي

بالطبع يا أخي لا نصر إلا بالله سبحانه نعم المولي ونعم النصير
في ميدان التحرير صباح الجمعة الأخيره أستيأسنا وضاقت علينا الأرض بما رحبت وقالت الملايين متي نصر الله ؟؟
و وقف الجميع الهتافات وأصبح الهتاف هتافاً واحداً
( يا الله يا الله .. خلص مصر من الطغاة)
وفي صلاة الجمعة كان دعاء الشيخ محمد جبريل لمدة نصف ساعة
فلعل أحدي الدعوات صادفت ساعة الأجابة فأجيبت


abidou
ومن أرض الكنانه نحييكم أخوتنا في الله وفي الدم في الجزائر .. و آمنت الملائكه علي دعواتك اللهم آمين .. ونحن معكم يا أخي في ثورتكم ثبتكم الله و وفقكم الله و قواكم الله ورعاكم الله وحفظكم الله
قلتها وأعيدها .. إن من أجمل من أفرزته الثورة أنها عرفت معني الحب الحقيقي للمصريين والجزائريين وأن الحب وقت الأزمات وليس المباريات
وكلماتك أجمل من أعلق عليها .. بارك الله فيك يا أخي وحفظك من كل سوء وحفظ الجزائر

أستاذ فريد
بالطبع الأسلام هو عصمة أمرنا وملاذنا ولعل ديننا هو من نادي بالعدل علي أساسه الصحيح وأن العدل هو أساس الملك وهذا ما حاربت الثورة لأجلة وسيتحقق بمشيئة الله تعالي
جزاك الله خيراً

ملك الأعراب
هذا ليس رئيساً بل طاغية تم خلعه بفضل الله ..
بارك الله فيك علي المرور يا أخي

zadzad
شكراً لكلماتك الأكثر من رائعه
واللهم آمين يارب يتحرر الوطن العربي كله وينطلق من ظلمات الجهل والتخلف والفساد وتأليه الحكام وأضطهاد الأسلام إلي نور العلم و التوحيد والتقدم و إعادة الأسلام إلي مكانته بيننا
حفظك الله من كل سوء

أستاذه منال سالم

والله كأن مصر كلها كانت في ميدان التحرير في القاهرة أو كانت في ميدان الشهداء في الأسكندريه وفي كل محافظات مصر..وأحنا مكناش محتاجين أكتر من دعواتكم لله عز وجل عشان ينصرنا
في أم واحد من الشهداء طلعت علي أحدي المنصات في التحرير وقالت وهي بتبكي وخلت أكتر من تلاته مليون واحد يبكوا
(أنا سمعت أن للمظلوم دعوة مبترددش .. ودعوتي ليك يارب ..أحرق قلب مبارك علي عياله زي ما هو حرق قلب ربعمية أم علي ولادهم)
فهتف الميدان كله وهو بيبكي ( كلنا ولادك .. كلنا ولادك)
أخر النهار سقط النظام كله بعد دعوتها ودعوات مصر كلها

ساد

مصر كأنها كانت في السجن من 31 سنة
وضياع مصر كان مضيع كل العرب
لكن بكرة أحسن والقادم أجمل إن شاء الله
بارك الله فيكي يارب وحفظك من كل سوء

ريد أي

الحمد لله الذي قطع دابر القوم الفاسقين
بس لسه بقي عايزين نفكك منظومة الفساد .. ودي كبيرة أوي ومحتاجه وقت إن شاء الله ميكونش طويل
بارك الله فيكي يارب



شكراً ليكم كلكم عالمروووووووووووووووووووووووووور العطر الجميل
سلام عليكم ونشوفكم قريباً في بلد عربي أخر مع ثورة تحرير أخري إن شاء الله

تحيا مصر العروبه والحريه
تحيا صانعة الرجال
تحيا ام الدنيا
خسئت اقدام الانذال ان تطأ ارضك الشريفه

مبرووووووووووووووووووك

لقد أثقل مبارك كاهل الأمة بأسرها ،،
لكل أحرار العالم ،،
من نصر الى نصر بعون الله .

.




أخي الثائر الجميل محمد
إذا الشعب يوما أراد الحياة فلابد أن يسقط النظام الفاسد
مصر غنية جدا بثرواتها وطاقات شبابها على مر السنين، ولم يكن ينقصها سوى أولاة الأمر الذين بخافون الله في رعيتهم
للأسف الحكومة الفاسدة استحلت خيرات الشعب كما استحلت كرامته.
لذلك ظل الشباب يردد . . الشعب يريد اسقاط النظام والحمد لله أنه سقط . . سقط سقوطا مدويا

ما فعله الشباب يعتبر بحق أعظم انجاز في تاريخ مصر المعاصر
هنيئا لمصر بهؤلاء الشباب الأحرار الأشراف الأطهار . . وهنيئا لك محمد بمشاركتك هذه الثورة العظيمة
كل التحية والتقدير . .

مع محبتيlonely

اللهم بارك لنا فى هذا النصر وتقبل شهدائنا واسكنهم فسيح جناتك
وارزقنا بحكومة جديدة ترعى مصالح مصر بدون سرقة

انا مصرية انت ازاى مصرى وحاطط علم غير بلدك ثم انا محبش لما نكون مصريين انى ننكر اللى عملو الريس ونشوف المساؤ بس هو زى ما كان فى حلو كلن فى وحش وهنقول اوحش هقولك اة اوحش بس مننساش انى كان لية حاجات كويسة ولو قليلة وبما انو مشى ومريض فا ندعيلو انى ربنا يشفية مش نشتم وندعى هو كدة كدة مشى فا لية بقى اعذرنى لو كان كلامى ضيقك

السلام عليكم ورحمة الله تعالى وبركاته

ألف عليكم الحرية النصر

والله و الله فرحت من قلبي الجمعة الماضي كان بالنسبة كان عيد

لدرجة أني لما سمعت الخبر بالجزيرة اتصلت بكل اصدقائي ابشرهم بالخبر

كان الله معكم

اللهم انصر الإسلام والمسلمين وأذل الخونة المنافقين

جزائرية عاشقة للحرية و الكرامة

شعارنا بالجزائر عند النصر

علينا هذي البداية ومزااااااال مزاااااااااال

اللهم صل على محمد وعلى آل محمد كما صليت على آل ابراهيم إنك حميد مجيد

اللهم بارك على محمد وعلى آل محمد كما باركت على آل ابراهيم إنك حميد مجيد

محمد

عايز اناقشك فى عنوان مقالك
(( الشعب خلاص اسقط النظام ))


هل اسقاط النظام يعنى لدينا اختفاء تلك الوجوه

التى جلبت كارثة للبلد

ام اسقاط النظام بتحقيق المطالب التى نادة بها الثورة ؟؟؟

اظن اننا يمكن ان نحتفل بسقوط النظام

عندما تتحقق مطالب الثورة ونستيقظ ذات صباح
لنجد مصر فى مصاف الدول المتقدمة او تصبح احد النمور اقتصاديا

لك التحية

كيوت بيوتي

تعيشي يارب وتعيش الأردن ورجال الأدرن

الألماسه

يبارك بعمرك الرحمن يارب

براءة طفلة

بالفعل وده طبع كل لئيم وخائن ودي برضو نهايته ولله الحمد

أستاذنا الجميل أستاذ لونلي

والله أنا مش عارف أرد علي كلام حضرتك أزاي
حكتفي إني أقول
كان جوا صوت حضرتك أيام الثورة لما كنت بتكلمني دايماً مشاعر مصري أصيل أصيل أصيل عاشق لمصر..بس كده مش حقول أكتر

أستاذه / منال توفيق

الفردوس للشهداء الـ 700 بأذن الله
و المجد لمــــصــــــــــــــر

زهره مصريه

بالنسبه لأسألتك ::
أزاي أنا مصري ؟؟
عشان اللي جابوني واللي خلفوني مصريين ولاد ستين مصريين
ليه حاطط علم غير بلدي ؟؟
حب الوطن مش حطة علم يا آنسه أو يا مدام
حب الوطن إني عرضت نفسي للموت المؤكد أكتر من عشر مرات عشان بلدي ومفزتش بالشهاده زي الأبطال ال 700 للأسف
حب الوطن إني سافرت من محافظتي للعاصمه وسايب أمي وأختي لوحدهم وأبويا علي فراش المرض و يا عالم حرجع ولا لأ ... عشان بلدي
حب الوطن إني بقالي شهر مبنامش غير أربع ساعات عشان بلدي
حب الوطن إني نمت في نص التحرير في عز السقعه والتلج من غير غطا وقلبي كان حيتجمد لولا مصر بحرارتها جواه ..وده عشان بلدي
حب الوطن إني أنزل كل يوم الصبح بدري أنضف وأبيض وأرجع أخر النهار ملحقش أنام وأبدا في حملات توعيه وأخر حاجات كتير المفروض أعملها عشان بلدي

كوني حاطط علم الجزائر العظيمه بلد المليون شهيد اللي وقفت جنبنا في أكتوبر واللي وقفت جنبنا في ثورتنا الأخيره و أخواتنا في العروبه و الدم و أخواتنا في الأسلام .. فده يزيدني شرف فوقه شرف إني أتشرف بحط علمها كصورة ليه
فوق رأسي الجزائر و أهل الجزائر ربنا ينصرهم في ثورتهم يارب هما و أخواتنا في ليبيا و في اليمن

مش أنتي اللي حتعلميني حب مصر أزاي علي أخر الزمن.. شوفي أنتي عملتي أيه لمصر أساساً

بالنسبه للكويس اللي عمله الريس المخلـــــــــــــــــــــــــــــــــوع .. أختاري الكويس من الأتي ::
---------------------------------------------------------------------

1- تصدير الغاز لأسرائيل بسعر أرخص من بيعة للشعب المصري .
2- أعطاء الأوامر لأسرائيل لضرب قطاع غزه والتسبب في وفاة 1500 مسلم .
3- حصار القطاع وقطع المياه و الأكل و الطاقة عنه.
4- السماح للقوات الأمريكيه بالعبور لضرب العراق أيام الغزو.
5- بيع 19 ألف كيلو بلوتونيوم لحسابه الشخصي .
6- أزدياد معدلات الفقر حتي وصل العدد إلي 40% من الشعب تحت خط الفقر رغم أن البيه لوحده من غير البهوات اللي حواليه ثروته أضعاف ثروة بيل جيتس يعني دول الخليج جنبنا في الناحية الماديه كأنهم معهمش فلوس فقراء.
7- غرق العبارة والتسبب في مقتل 1000مصري
8- حرائق القطارات والتسبب في مقتل 200 مصري سنوياً
9- أصابة 40% من الشعب المصري بالكبدي الوبائي
10- أكثر من 40 % من الشعب المصري أميون
11- الرغيف المدعم لا يصلح للأستخدام الأدمي و رغم ذلك لا يكفي كل المواطنينز
12 - مقتل 700 شاب مصري في مجزرة الثورة يطالبون بحقوق لهم بشكل سلمي بينهم طفل عنده 10 سنين
وده بيفكرني بمجزرة مدرسة بحر البقر لو تعرفيها سعادتك ...نفس أسلوب الصهاينه كل مره
ولكن الفرق
حادئثة مدرسة بحر البقر X حادثة التخلص من حكم البقر

13- التعذيب في السجون و الأضطهاد السياسي والديني للمسلمين و النصاري .

14 - تحويل الدستور من مواد تقيد السلطه وتوسع سلطات الشعب إلي مواد توسع سلطات السلطه وتقيد الشعب.

15 - حصر الأموال الفلكيه الملياريه في عدة أشخاص لا يتجاوزون عدد أصابع اليد .. ومعه الزج بالبلاد في ثالوث التخلف :: الجهل و الفقر و المرض
16 - دفع الفقراء من الشباب المصري للهجرات غير الشرعيه والغرق في عرض البحر و الأعداد بالألوف..

17- التخلي عن مدينة أم الرشاش المصرية لأسرائيل (ميناء إيلات) رغم أتفاق السادات علي الحصول عليها في المفاوضات وأقناع الشعب المصري عبر 30 سنة أن اخر نقطه مصريه هي طابا والتعتيم الأعلامي علي الأرض المصرية المحتلة إلي الأن...لصالح من ؟؟ ومقابل ماذا ؟؟


وإلخ إلخ إلخ إلخ



و في وسط كل ده مينفعش أقول أنه عمل حاجة كويسه وإلا حبقي مريض نفسي بيعاني من مرض شهير يسمي >>> متلازمه ستوكهولم

أختي مالية
يعيش أخوتي بالجزائر يارب في قسنطينه و سطيف العاليه وعنابه و وهران الغاليه ههههههههههههههه .. أنتم أخوتنا و حبايبنا في مصر والحب ميبانش غير وقت الجد .. وفعلاً المصريين والجزائريين حبايب و أخوات مهما أتهيألنا أن الكورة زعلتنا والهبل ده..ساعة الجد يبان الحب بجد
يحفظك ربي يارب

عمو أحمد الجميل

هدف الثورة بالطبع ليس أزاله شخص ووضع أخر
بل القفز بمصر لمصافي الدول المتقدمه التي تعيش حياة دستورية نقية بحرية وكان أول شئ هو قطع رأس الحية مبارك التي تقطع هذا الطريق