العودة   منتديات زهرة الشرق > >{}{ منتديات الزهرة الثقافية }{}< > أشعار وقصائد

أشعار وقصائد زهرة القصائد ونظم الأشعار - شعر شعبي - شعر فصيح - شعر نبطي - إبداع الشعراء - إبداع الشعر - دواوين شعر وقصائد مختارة

إضافة رد
 
أدوات الموضوع
قديم 13-06-13, 12:06 AM   #1
 
الصورة الرمزية رماح

رماح
العضوية الفضية

رقم العضوية : 7426
تاريخ التسجيل : May 2007
عدد المشاركات : 802
عدد النقاط : 10

أوسمة العضو
لاتوجد أوسمة لـ رماح
ما مرتاح-كاظم اسماعيل الكاطع


كعراقيين يجب ان نفخر بالكَاطع رجلا واعيا اديبا مثقفا وشاعر شعبي عراقي

أعدادالشاعر حسين الحمداني



ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتـــــــــــــاح
لأن شفت الشمس نزلت تبوس الكًاع
وبچف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباكً
وِترهٌم عليه مفتاح
ما مرتــاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك ؟؟؟؟؟
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح !!
ولا جن الفجر مثل الفجر محبوب
لون الفجر صاير يقبض الأرواح !!
ما مرتـاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
!!! صارعت المنيٌه وبيده هزني الموت!!!
ومدمٌى إطلعت :-
صفٌكًو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإييد بيها سلاح
عثرت مهرتي ... وربعي قبل ما طيــح
واحد كًال للثاني
أبشـــــرك طـــــاح





وكاظم اسماعيل الكاطع هو أحد أعمدة الشعر الشعبي الثلاثة في العراق إلى جانب مظفر النواب وعريان السيد خلف.
واشتهر بالكثير من قصائد الرثاء وأشهرها قصيدته في رثاء زوجته والقصيدة التي نظمها في رثاء ابنه الصغير حيدر الذي توفي وهو لم يتجاوز


الاثني عشر سنة أثناء اللعب .





ماخذ وياي العراق بجنـــــطه
ما كفت الجنــــطه
طالعه منها مناره وعثك نخلـــه
وشعله من عيون نفطه
وراح نوصل … ذاك حد السيطرات
وذيج ضوايات المحطه
وين اضمها.
لا هوه اكتاب ويخليه المسافر جوّه أبطـــه
الحمد لله .. الدنيا ليل … ونقطة التفتيش سنطه
هاي نقطه ويمها واحد
نقطتين . ثلاثة . خمسه
ست نقاط ويمها واحد !!
تنحسب مليون نقطــه
وصاح مسؤول النقاط بصوت عالي
هاي ما معقوله جنطـه
بصيحته انزرعت الساحــــه
رجال أمن ورجال سلطه
بجرة السَحَاب شافت عينه نجمـه
وطكَته ريحة الحنطــه
ما لكَه غير العلم .. كَلي شيـفيدك
كَتله غربه
إحنه غربه
ومن نموت هناك … جا بيش انتغطه؟
أخذ للجنطه تحيه … وكَلي توصل بالسلامه
وهاي أول مره أفوت بسيطره
وما انطي رشوه وتستعد كَدامي شرطه






قصيدة / حصاريات
التاجر
==============
اتريكَت باكَة صبر وكَلاص هم
وتوكلت يارب عليك
غبشه . نعسانه الشوارع
ومدري يا نثيه ابفجر دم تشتهيكإتذكـٌرت تاجر أعرفه
كَلـٌي من إتبيع روحك مرلي بلكت أشتريـك
وتمــٌت الصفقه إشتراني
وحصـٌتي هم رد أخذهــا
فكــٌر إبمشروع بي أدخــل شريك
وصــار يمليلي إبشروطه
ما أريد و .. ما أريــد
وما أريد إييــدك طويله
كَتله أكَــصرها وأجيـــك
وابترتها من المتن ورجعت ابشره
كَالي ها وين اديك
كَتله عد عينك شلتها !!
كَالي جا شلي بيك
ومن هــذاك اليوم والتاجر نسه وسد القضيه
وآنه منسي .. إمعلٌك إعله إرفوف صبري
وحتــى صار إتراب بيــــه
راحت إييدي إتفلِشٌت أقوى الدفاعات
وخطوطي الأوليـــــه
ناس مقهوره إجت تبجي عليـــه؟
وناس بطرانه إجت تحجي عليـــه؟
إشلون غلطه إتسرعت كَصٌيت إديـــه
هاي إديـــٌه
هاي اديهصار تفتيش بسنه من السنين
وعوضٌت عن الهويــــــه
هاي اديهياما لعبت .. ياما قبل الريح هبٌت
ياما بصدور الثلج نيران كبت
هاي إديــٌه وهيه مكَصوصه
شعر للناس كتبت
وصـٌفوا جراٌح زين إبمنطقتنا
حرٌكوا بعض الرماد إبعود شخاط
وبعدها النار بيـــه
عفيه جراٌح الحصار البي حميـــٌه
وحده يكَدر يكَطع الخيط اللٌي
يربطني إبشرايين المنيـــه


إتفقنا؟ ؟؟؟
وصارت الصفقه بعيادة هالطبيب
آخذ إييــد و أنطي كِليــه
وباشر الجراح وتمدد شخص مو من أهلنه
وخِذ دم وجيب دم
وإصعد إنزل
والوسيط الجابني إيصبــٌر عليه
وخِذ دم وجيب دم
وإصعد إنزل
خِلَصْ مفعول المخدٌر
فتٌحتْ ملكَيـــت إديــٌه
حصدوا الكليه ولا زرعولي إييد
وقٌع الدكتور تقرير إبنسختين وتركنه
ولازم الفراش باب الصيدليه
الكادر إتجمٌع على أهل الغريبإيهنٌي بيهم
وآنه بالسديه نسوني وياحزن ذيج المسيه
والمضمد راد حكَــــٌه !!
كَتله مد إييدك إبجيبي
لا.. لا مد إييدك إبصدري
يجوز هم تحتاج ريـــٌه
جابلي الفراش سر
وعرفت منـٌه تفاصيل القضيه
المريض الجان يمـٌي
كليـِتي رهمت عليهـ
وإييده مارهمت عليه
وأهلي زعلوا طرٌدوني من العشيره
ومن فشلتي كَمت أصيــح
آنه مامحتاج إديـــن
إنتو شعليكم بدَيـــــــٌه
إتبرٌعت بيهن لأن ماريد
يوم أتوازى
وأتنازل
وأمد للناس إديــــــٌه


رماح غير متواجد حالياً   رد مع اقتباس
قديم 30-07-13, 12:16 AM   #2
 
الصورة الرمزية Red_eYe

Red_eYe
العضوية الذهبية

رقم العضوية : 149
تاريخ التسجيل : Jul 2002
عدد المشاركات : 1,289
عدد النقاط : 55

أوسمة العضو
لاتوجد أوسمة لـ Red_eYe
رد: ما مرتاح-كاظم اسماعيل الكاطع


مشكور على الموضوع الراائع
وتقديري


توقيع : Red_eYe





زهرة الشرق


zahrah.com

Red_eYe غير متواجد حالياً   رد مع اقتباس
قديم 31-07-13, 03:23 AM   #3
 
الصورة الرمزية حسين الحمداني

حسين الحمداني
هيئة دبلوماسية

رقم العضوية : 11600
تاريخ التسجيل : Sep 2008
عدد المشاركات : 5,722
عدد النقاط : 10

أوسمة العضو
لاتوجد أوسمة لـ حسين الحمداني
رد: ما مرتاح-كاظم اسماعيل الكاطع


شكر لردكم المفعم بالطيب والكرم


توقيع : حسين الحمداني


زهرة الشرق

zahrah.com

حسين الحمداني غير متواجد حالياً   رد مع اقتباس
قديم 31-07-13, 06:10 AM   #4
 
الصورة الرمزية فرح..

فرح..
مشرفة

رقم العضوية : 5759
تاريخ التسجيل : Nov 2006
عدد المشاركات : 8,222
عدد النقاط : 97

أوسمة العضو
لاتوجد أوسمة لـ فرح..
رد: ما مرتاح-كاظم اسماعيل الكاطع


قصيده عراقية جميلة ..

وان كنت وبحكم اختلاف اللهجات اجهل بعض الكلمات ..

شكرا جزيلا


فرح.. غير متواجد حالياً   رد مع اقتباس
إضافة رد

الكلمات الدلالية (Tags)
أرباح

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رحيل الشاعر كاظم أسماعيل الكاطع رماح أشعار وقصائد 3 09-10-15 11:44 PM
الشاعر العراقي الراحل كاظم أسماعيل الكاطع رماح شخصيات وحكايات 0 13-06-13 12:04 AM
ما أبي "أضيــّــق خاطرك" وأنت مرتاح..! أسيرة الاحزان أشعار وقصائد 9 10-05-09 05:31 AM
أرباح الشركات وثروات المجتمع okkamal واحة الزهـرة 7 24-07-08 11:11 AM


الساعة الآن 03:08 PM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.

زهرة الشرق   -   الحياة الزوجية   -   صور وغرائب   -   التغذية والصحة   -   ديكورات منزلية   -   العناية بالبشرة   -   أزياء نسائية   -   كمبيوتر   -   أطباق ومأكولات -   ريجيم ورشاقة -   أسرار الحياة الزوجية -   العناية بالبشرة

المواضيع والتعليقات المنشورة لا تعبر عن رأي منتديات زهرة الشرق ولا نتحمل أي مسؤولية قانونية حيال ذلك

(ويتحمل كاتبها مسؤولية النشر)