العودة   منتديات زهرة الشرق > >{}{ منتديات الزهرة الثقافية }{}< > أشعار وقصائد

أشعار وقصائد زهرة القصائد ونظم الأشعار - شعر شعبي - شعر فصيح - شعر نبطي - إبداع الشعراء - إبداع الشعر - دواوين شعر وقصائد مختارة

إضافة رد
 
أدوات الموضوع
قديم 22-04-07, 12:44 AM   #1
 
الصورة الرمزية عاشق الورد

عاشق الورد
رحمة الله عليك

رقم العضوية : 48
تاريخ التسجيل : Jun 2002
عدد المشاركات : 915
عدد النقاط : 10

أوسمة العضو
لاتوجد أوسمة لـ عاشق الورد
ماتحلميش ... قصيدة كتبتها بأحزاني


أعشقك !!!
ماتقولي ليا بأي حق
أرجع أحبك وأعشقك
وأقبلك !!!
ماتقولي ليا بأي قلب
أقدر أحسك وأقبلك
أوعدك !!!
إني ف طريقي اللي بديته
إن لاقيتك هامنعك
وابعدك
وابعد خيالي عن خيالك
وان فضلتي هاخدعك
وماتحلميش تلاقيني يوم
راجع أقولك واندهك
أنا قلبي سامحك رغم جرحه
وبرغم جرحه هايعشقك
لا لا لا ……… أنا باكرهك
*******
كنت زي الطفل لما احتاجتلك
ومشيت معاكي في بداية سكتي
مانكرش إني الف مره ارتاحتلك
واشتاق اليكي لو بعدت بخطوتي
وان شاورتي بابقى رهن مشاورتك
والقلب يفرح إن عملتي بفكرتي
وإن عطفتي ده بعض من حنيتك
وان ضحكتي ده حسن حظي وقسمتي
وان حضرتي بالقى روحي ف حضرتك
وان جافيتي بتاخدي روحي بدمعتي
واتاري إني باعيش واموت ف محبتك
وحلمت إنك كنتي واخده محبتي
وشغلت قلبك باللي دايما يفرحك
وزرعت فيكي ابتسامتي وضحكتي
وبدأت أرسم في خيالي جنتك
مالحقت اكمل أو أخلص رسمتي
الا ومال بيا الزمان
غيرتي ناحية خطوتك
حسيت بخوف بعد الأمان
وانا في حيرتي ودهشتي
وسألت نفسي أسئلة
وقولت لازم أسألك
لفيت في كل الأمكنة
أشكي وأبكي محنتي
وجيت لحدك باسألك
ايه اللي غيَّر وجهتك
ايه اللي كان مني حصل
واللي جنيته يادنيتي
رديتي زمنك انتهى
وكسرتي قلبي بقسوتك
ورجعت مكسور الجناح
منك وشايل بلوتي
لا أنا قادر أنسى اللي كان
أو أنسى قسوة فعلتك
ولا قادر انسى انك خلاص مايهمكيش نفسيتي
كان عندي إني مشوفتكيش
ولا إني اسمع كلمتك
لكن عرفت انك مافيش
وانك قتلتي فرحتي
واما اتعدل بيا الزمان
فجأه وف نفس المكان
الاقيكي جايه تطأطأي
وتداري عني كسفتك
وبكل جرأة بتطلبي
إني أسامحك واعشقك
دلوقتي عايز أسألك
وياريت تجاوبي وأسمعك
ماتقولي ليا بأي حق
أرجع لحبك وأعشقك
وأنا باكرهك
واكره حياتي لو أطاوعك
أو أسامحك وارحمك
وماتحلميش تلاقيني يوم
راجع أقولك واندهك
أنا قلبي سامحك رغم جرحه
وبرغم جرحه هايعشقك
لا لا لا ……… أنا باكرهك
*******
عمري ماكنت اتصور إني
ح ابقى لوحدي ومن غير حد
وانك إنتي اللي ماليش غيرك
أول واحدة تخون العهد
كنت اتمنى إني أشوفك
واقفة بجنبي وماده لي يد
دا اللي مابينا حاجه كبيرة
كنت صاينها وصاين الود
لكن إنتي ف أول خطوة
بعتي دا كله نسيتي الوعد
ليه بعتيني لما قابلتك
ليه مالقيتشي غير الصد
دانتي ف هجرك كنتي شديدة
وانتي ف جرحك كنتي أشد
شوفي إزاي انتي قتلتيني
ودفنتيني ف أضيق لحد
مين ينصفني إذا كنت لوحدي
مين يساعدني يقيم الحد
انا دلوقتي برئ من حبك
واللي مابينا أكبر سد
والوقتي عايز أسألك
وياريت تجاوبي وأسمعك
ماتقولي ليا بأي حق
أرجع لحبك وأعشقك
وأنا باكرهك
واكره حياتي لو أطاوعك
أو أسامحك وارحمك
وماتحلميش تلاقيني يوم
راجع أقولك واندهك
أنا قلبي سامحك رغم جرحه
وبرغم جرحه هايعشقك
لا لا لا ……… أنا باكرهك
*******

كنت معاكي مصدق إني
أول حب وآخر حب
كنت باشوفك فرحة عمري
وانك مالكه وساكنه القلب
بس خساره الف خسارة
لما عرفت بكل مرارة
إنك وهم وحيرة وذنب
وانك كلمة ف قصة انكتبت
كل حروفها كدب ف كدب
وانتي خسرتي لما راهنتي
إني هاكون لك مهما عملتي
وانتي عملتي فوق ماتصور
فيه ايه تاني بعد ماخنتي
بعد دا كله باقي كلام
مين يسمعلك لو قولتيه
وان قولتيه أو حتى سكتي
لتنين واحد يالا قوليه
حتى ان قولتي هاموت من بعدك
عمري مافكر يوم ارجع لك
مش هاشتاقلك ولا هاحتاج لك
واللي أنا فيه خلاني زهدتك
باهرب وابعد لما باقابلك
وانسى الفرحة ان مرة صادفتك
د انا باتمنى تعيشي لوحدك
أصل الغدر حقيقي ف طبعك
واللي عندك شيء مخبي ماشوفتهوش
زي جرح جديد وأنا ماعرفتهوش
كل حاجه منك انتي ماحبهاش
حتى لو كان خير أنا مابصدقوش
دلوقتي عايز أسألك
وياريت تجاوبي وأسمعك
ماتقولي ليا بأي حق
أرجع لحبك وأعشقك
وأنا باكرهك
واكره حياتي لو أطاوعك
أو أسامحك وارحمك
وماتحلميش تلاقيني يوم
راجع أقولك واندهك
أنا قلبي سامحك رغم جرحه
وبرغم جرحه هايعشقك
لا لا لا ……… أنا باكرهك
*******
الأماني جمعتها ودفنتها
لما عرفت ان حياتك
كلها كدب وخداع
والأغاني كرهتها ومسحتها
وندمت إني فيكي إنتي كتبتها
بعمري اللي ضاع
مش كفايه إني ضحيت بالأماني
والأماني نبض قلبي
اللي مابيعرف يخون
مش كفاية إني ضيعت الأغاني
والأغاني دي مشاعري
والمشاعر ليه تهون
دا اللي خانني واللي خان كل الأماني هوه إنتي
واللي باعني واللي باع كل الأغاني برضو انتي
والعذاب اللي ف حياتي كله منك
والجراح اللي في قلبي منك انتي
دلوقتي عايز أسألك
وياريت تجاوبي وأسمعك
ماتقولي ليا بأي حق
أرجع لحبك وأعشقك
وأنا باكرهك
واكره حياتي لو أطاوعك
أو أسامحك وارحمك
وماتحلميش تلاقيني يوم
راجع أقولك واندهك
أنا قلبي سامحك رغم جرحه
وبرغم جرحه هايعشقك
لا لا لا ……… أنا باكرهك
*******
إيه ؟ ماعرفش إنتي بتلعبي بعواطفي ليه
إيه ؟ ماتروحي عني وابعدي عايزاني ليه
كنت ناسي عذابي وانتي
جايه ليه بتعذبيني
كنت ناسي جرح عمري
جايه ليه بتفكريني
بعد إيه جياني تبكي
إنتي فاكره هاتخدعيني
صارحيني يالا بكدبتك
قولي الحقيقة اتكلمي
ماقدرش أصدق دمعتك
وانك حقيقي بتندمي
هوه انتي ناسيه قصتك
والا انتي عايشه بتحلمي
دلوقتي عايز أسألك
وياريت تجاوبي وأسمعك
ماتقولي ليا بأي حق
أرجع لحبك وأعشقك
وأنا باكرهك
واكره حياتي لو أطاوعك
أو أسامحك وارحمك
وماتحلميش تلاقيني يوم
راجع أقولك واندهك
أنا قلبي سامحك رغم جرحه
وبرغم جرحه هايعشقك
لا لا لا ……… أنا باكرهك
*******
من بعد ماقدرت ابتعد ونسيت مكانك
القاكي جايه بتطلبي أرجع عشانك
هوه انتي صنتي الحب حتى أصدقك
والا انتي صنتي القلب حتى اسمع كلامك
من بعد ماعرفت الفرح وقدرت أغني
القاكي جايه ترجعي دموعي اللي غابت
هوه انتي فاكره انك طلبتي الحب مني
لأ إنتي جايه تفتحي جراحي اللي طابت
ياللي عديتي الأصول
ياللي توهتي العقول
ياللي صحيتي المواجع
انتهت عندي الحلول
دلوقتي عايز أسألك
وياريت تجاوبي وأسمعك
ماتقولي ليا بأي حق
أرجع لحبك وأعشقك
وأنا باكرهك
واكره حياتي لو أطاوعك
أو أسامحك وارحمك
وماتحلميش تلاقيني يوم
راجع أقولك واندهك
أنا قلبي سامحك رغم جرحه
وبرغم جرحه هايعشقك
لا لا لا ……… أنا باكرهك
*******
بعد ماشوفت خلاصي في بعدك
ولقيت قلبي اتحرر منك
بعد دا كله لاقيتك جايه
بتصحيلي جراحي بعندك
واما انا قولت خلاص ارتاحت
ولقيت نفسي خلاص وفرحت
جيتي كأنك ذنب لازمني
وأنا من بعد ماسيبتك توبت
توبت أصدق تاني وعودك
وانتي الخاينه لكل عهودك
حتى القلب الطيب فاتك
رافض أي مكان في وجودك
واما اختارت لنفسي طريق
بعد ماإنتي اختارتي طريق
كل مابينا صبح مسافات
كل طريق كان عكس طريق
دلوقتي عايز أسألك
وياريت تجاوبي وأسمعك
ماتقولي ليا بأي حق
أرجع لحبك وأعشقك
وأنا باكرهك
واكره حياتي لو أطاوعك
أو أسامحك وارحمك
وماتحلميش تلاقيني يوم
راجع أقولك واندهك
أنا قلبي سامحك رغم جرحه
وبرغم جرحه هايعشقك
لا لا لا ……… أنا باكرهك
*******
مع تحيات
عاشق الورد
حسني عبدالله جاد


توقيع : عاشق الورد
زهرة الشرق

عاشق الورد غير متواجد حالياً   رد مع اقتباس
قديم 22-04-07, 01:38 AM   #2
 
الصورة الرمزية مس لاجئة

مس لاجئة
هيئة دبلوماسية

رقم العضوية : 5461
تاريخ التسجيل : Sep 2006
عدد المشاركات : 5,496
عدد النقاط : 10

أوسمة العضو
لاتوجد أوسمة لـ مس لاجئة
رد: ماتحلميش ... قصيدة كتبتها بأحزاني


عمري ما قدرت اخونك

ولا ابعد عن طريقك

انا كل يوم كنت بجيلك

بس انت كنت تايه من الطريق

كنت بكتبلك رسايل

وبالدموع كان توقيعي

كنت بروح كل يوم لمكانا

وذكرياتنا

كنت ببكي على زمن فات

من غير لقاءنا

كنت بندهلك من بعيد

وكنت بمشي في كل طريق

بدور

ع

ل

ي

ك

كنت بحتاجلك

كنت ولسه بحبك

بس انت اللي فين؟

دورت فيا الزمان

وتوهتني

ووحشتني

وبالاخر خونتني

انا مش جاية اطلب منك حب جديد

حبك عمرو ما خرج من قلبي

بس انت اللي مشغول عني

ويوم ما اتذكرتني

كنت حتى مش شايفني

ولا عارفني

بس برضو مع هيك انا بحبك

لو بدك تبيعني بيع

بس لازم تعرف

اني لسه

ب

ح

ب

ك

انت ظلمتني

بغيابك

وهجرك

انت خلتني احبك

وبكرهك

عشان بحبك كتير

وحبك

ع

ذ

ا

ب

فكر تاني وعيد حساباتك

واعرف انك ظلمتني

لاني حفظت كل الاغاني

اللي انت الفتها

وحافظت على كل الاماني اللي رسمتها

الاماني نبض قلبي زي ما هي نبض قلبك

بتسالني من اول لحظة

باي حق بقولك ترجع تحبني وتعشقني وانت بتكرهني

انت بتحبني وبتحبني

وبتحبني

وعمر اللي بيحب ما يكره

راجعة تاني وبقولك

ب

ح

ب

ك














يااااااااااااااا عاشق الورد

كفاياك ظلم يا اخي

هههههههههههه

كلام اكثر من رائع

اتمنى ان تكمل الحوار معي بكلامك الرائع

تحياتي لك ولقلمك




توقيع : مس لاجئة





مس لاجئة غير متواجد حالياً   رد مع اقتباس
قديم 22-04-07, 06:44 AM   #3
 
الصورة الرمزية عاشق الورد

عاشق الورد
رحمة الله عليك

رقم العضوية : 48
تاريخ التسجيل : Jun 2002
عدد المشاركات : 915
عدد النقاط : 10

أوسمة العضو
لاتوجد أوسمة لـ عاشق الورد
رد: ماتحلميش ... قصيدة كتبتها بأحزاني


يااااااااااااااااااااااااااااه يا أروع لما
تحياتي اليكي مكللة بباقات الفل والياسمين
وقبل أن أجيب على ردك
(( فيه كلمة صغيرة عايز اقولها .. انت عايزاني أرجع في كلامي )) ههههههههههههههههه
في الحقيقة إنتي أذهلتيني بردك الرائع والطويل في نفس الوقت والذي لم يترك شيئا تحدثت عنه
وقد جعلني هذا الرد الرائع في سعادة لاتوصف رغم ماتحملة قصيدتي المعبرة عما حدث لي من الدنيا عندما كنت في حاجة اليها
والدنيا لاأقصد معناها الضيق بل من ساكنيها الذين كانوا يمثلون لي دنيتي التي تربيت فيها وكبرت وأنا أحبها

والموضوع شرحه يطول عن هذه القصيدة والتي كتبتها منذ 4 شهور إلا أنني الآن في مرحلة تؤهلني بالتفكير في العودة اليها والأخذ بمبدأ التسامح
ولهذا وبناءا على ردك الذي تخلل مخيلتي سأقول لها

رجعت ترفـرف طيور الحب بجناحها
ورجعت أغني أغاني الفرح من تاني
وان شفت دمعة حزن بتراود أودعها
واسمـع بدلهـا ضحكه تـرن ف وداني
وأقول الحق لا نسيتي ولا نسيتها
حتى ف خيالي كنت القـاها قدامي
كانت بتبعد وشكل الحزن كان حالها
وأنا كنت بابكي بدمع العين ع الغالي
قولنا بنبعد ليه مانعرفشي
وليه نودع بعضنا ونمشي
رغم اللي كان جوه القلوب صاحي
كانت عيوننا كمـان مابتنامشي
هيه حكاية حب مكتوبه مابين رمشي
وكان الحب بينا كبير اصله مابيهونشي
إلا ورياح الحزن قاصدانا وجات تسري
غطـت عيونـا عـن الاحـلام مابنشوفشي
فوقنا في لحظة ندم والبعد كان مكتوب
شوفنا ف عيونا البكى وقلوبنا كات بتدوب
ما عرفنا اللي جرى وغير حياتنا
وإيه اللي خللى الحب جوانا صبح مغلوب
لكـن إرادة الحـب ف قلوبنـا مابتموتشي
صحيت تدور ع الطريق حلفت ماترجعشي
وفضلنا نحلم باللقا حتى اتلاقينا
وطلعنا فـوق السحاب طـايرين مانوقفشي
وحلفت تاني خـلاص عمـري ما اودعها
وهيه حلفت كمان إني أكـون معها
نبني بإيدينا الحياه .. ونجدد أيامنا
ونعيش في دنيا المحبة ونسعد بأحلامها
****
مع تحياتي
عاشق الورد


توقيع : عاشق الورد
زهرة الشرق

عاشق الورد غير متواجد حالياً   رد مع اقتباس
قديم 24-04-07, 04:16 AM   #4
 
الصورة الرمزية نهى على

نهى على
العضوية الماسية

رقم العضوية : 5642
تاريخ التسجيل : Oct 2006
عدد المشاركات : 1,366
عدد النقاط : 10

أوسمة العضو
لاتوجد أوسمة لـ نهى على
رد: ماتحلميش ... قصيدة كتبتها بأحزاني


شاعرنا الانيق عاشق الورد

اوعدك
انى فى يوم ما اخدعك
ولا افكر اهجرك

واحفظ عهود الحب واحفظك

قولى ايه غيرك

ونساك النوم وسهرك

ساعاود المرور لاحقا للرد على هذة الرائعه

حتى عودتى لك من نهى باقة من التيوليب
شكرا على التسجيلات استمعت الان الى القصائد بصوتك
رائع انت


التعديل الأخير تم بواسطة نهى على ; 24-04-07 الساعة 05:12 AM
نهى على غير متواجد حالياً   رد مع اقتباس
قديم 24-04-07, 09:34 AM   #5
 
الصورة الرمزية عاشق الورد

عاشق الورد
رحمة الله عليك

رقم العضوية : 48
تاريخ التسجيل : Jun 2002
عدد المشاركات : 915
عدد النقاط : 10

أوسمة العضو
لاتوجد أوسمة لـ عاشق الورد
رد: ماتحلميش ... قصيدة كتبتها بأحزاني


باقة ورد الصباح ... شيء رائع
وهل يقدم البستاني إلا وردا
أشكرك من كل قلبي يابائعة الورد

أسعدتني كلماتك تعقيبا على قصيدتي
واسعدني استماعك لقصائدي
ولن أجد من الكلمات ماأستطيع به أن أعبر عن مدى شكري وامتناني

أما من أنساني النوم وسهرني
فإجابتي ستجدينها من خلال تلك الكلمات

ل الليل جوايا شئـون
حزن وفرح وسكـون
باعشق ليالي السهارى
اعشقها مهما تكون
سهران بناجي حبيبي
بكل معنى ولون
هايم في دنيا جماله
مغرم بسحر عيون
سهران في دنيا الجمال
مسحور بسحر الكون
باسمع غناوي أصيله
بتقولها أحلى عيون
واسمع لرنة وتــر
حلوة تهز الكـون
بتميل عليها الصبايا
رقص وطرب مجنون
واسمع لطير المسا
كروان وصوته حنون
ومن حفيف الشجر
انغام تهز غصون
واسمع لأنة الم
عاشق بصوت مبحوح
يشجي وقلبه بيبكي
من الفراق مجروح
كاتم في قلبه ولكن
مع الجراح بيبوح
يناجي طيف اللي غايب
والدمع بات مسموح
تسمع صداه م الالم
والآهه ويا النوح
يشوف خياله قصاده
وف كل مرسى يروح
ياعاشقين الليالي
ل الليل جوايا شئون
بتعيش معايا وهيه
حزن وفرح وسكون
مع
حسني جاد


توقيع : عاشق الورد
زهرة الشرق

التعديل الأخير تم بواسطة عاشق الورد ; 24-04-07 الساعة 09:44 AM
عاشق الورد غير متواجد حالياً   رد مع اقتباس
قديم 24-04-07, 09:56 AM   #6
 
الصورة الرمزية الساهد

الساهد
شاعر متميز في زهرة الشرق

رقم العضوية : 117
تاريخ التسجيل : Jul 2002
عدد المشاركات : 1,721
عدد النقاط : 10

أوسمة العضو
لاتوجد أوسمة لـ الساهد
رد: ماتحلميش ... قصيدة كتبتها بأحزاني


هلا بالعميد
ملحمه غراميه رائعه
واسف اني تاخرت بالرد
من يومين بحاول ارد بكلمات
ولكن يبدو شياطين الشعر
في سبات عندي
(كما تعلم الكتابه تحتاج بعض الهدوء)
سيكون لي عوده
وشكرا للما كانت رائعه بالرد
نتمنالها التوفيق
والنجاح
وهاميس كمان ادت الواجب
دمتم بخير جميعا


توقيع : الساهد
زهرة الشرق
zahrah.com

الساهد غير متواجد حالياً   رد مع اقتباس
قديم 24-04-07, 05:41 PM   #7

هيفاء
سفيرة زهـرة الشرق

رقم العضوية : 1615
تاريخ التسجيل : Apr 2004
عدد المشاركات : 4,287
عدد النقاط : 10

أوسمة العضو
لاتوجد أوسمة لـ هيفاء
رد: ماتحلميش ... قصيدة كتبتها بأحزاني


استاذنا القدير العميد

تابعت رائعتك منذ لحظة نزولها

لكني تريثت طمعا في متابعة ما يدور من حوار وما يطرح فيها من ابداعات في الردود

ودخلت الان لاقول كلمه لعاشق الورد وعاشق الحب والجمال

من احب لا يكره

فالحب يغمرك من رأسك حتى اخمص قدمك

فلو عادت لعدت

ولن تسألها اي سؤال

ستكتفي بنظره من عينيها

ابسامه من شفتيها

ولو فتحت ذراعيها لك

فلن تسأل ابدا ما حصل

ستجري كطفل لحضنها يبكي وجع اللقاء وينسى انه كان.... بعد الفراق

ستسأل وما دليلي على ما اقول

هذه الكلمات ....

دلوقتي عايز أسألك
وياريت تجاوبي وأسمعك
ماتقولي ليا بأي حق
أرجع لحبك وأعشقك
وأنا باكرهك
واكره حياتي لو أطاوعك
أو أسامحك وارحمك
وماتحلميش تلاقيني يوم
راجع أقولك واندهك
أنا قلبي سامحك رغم جرحه
وبرغم جرحه هايعشقك
لا لا لا ……… أنا باكرهك

ربما تكون افكاري مشاغبات مع استاذ نعشق الحوار معه

كن بخير دائما


توقيع : هيفاء


يا عندليب ما تخافش من غنوتك
قول شكوتك واحكي على بلوتك
الغنوة مش ح تموتك انما
كتم الغنا هو اللى ح يموتك

عجبي





زهرة الشرق
zahrah.com

هيفاء غير متواجد حالياً   رد مع اقتباس
قديم 24-04-07, 08:18 PM   #8
 
الصورة الرمزية عاشق الورد

عاشق الورد
رحمة الله عليك

رقم العضوية : 48
تاريخ التسجيل : Jun 2002
عدد المشاركات : 915
عدد النقاط : 10

أوسمة العضو
لاتوجد أوسمة لـ عاشق الورد
رد: ماتحلميش ... قصيدة كتبتها بأحزاني


أيا ساهــد
السهد يملأ مقلتيك .... وجنون شعرك في سبات
بيت واحد كفاية ع الماشي
أخي الساهد الشاعر الرائع
يكفيني إطلالتك ومرورك ومن ثم توقيعك أما مازاد على ذلك فهو فضل من عندك
ووسام تمنحني إياه

ولن أدعك فقد اتخذت على نفسك عهدا ووعدا بأنك سوف تعود الى ملحمتي هذه وترد شعرا
فالخير سيعم على الجميع ولكن بشرط أن يكون شعرك يدور حول مضمون القصيدة ولعلها تكون مساجلة بيني وبينك والله المستعان

العميد
عاشق الورد


توقيع : عاشق الورد
زهرة الشرق

عاشق الورد غير متواجد حالياً   رد مع اقتباس
قديم 24-04-07, 08:38 PM   #9
 
الصورة الرمزية عاشق الورد

عاشق الورد
رحمة الله عليك

رقم العضوية : 48
تاريخ التسجيل : Jun 2002
عدد المشاركات : 915
عدد النقاط : 10

أوسمة العضو
لاتوجد أوسمة لـ عاشق الورد
رد: ماتحلميش ... قصيدة كتبتها بأحزاني


الى سفيرة الشرق
الأخت الفاضلة ... هيفاء
ماذا أقول وماذا أكتب أمام درر كلماتك ولآلئها
لقد سحبتي حروف الكلمة واستأثرتيها في ردك الرائع
وكأنها خاطرة جديدة تستحق أن يقوم بالرد عليها كل عاشق للكلمة

اليست هذه هي كلماتك
استاذنا القدير العميد

تابعت رائعتك منذ لحظة نزولها

لكني تريثت طمعا في متابعة ما يدور من حوار وما يطرح فيها من ابداعات في الردود

ودخلت الان لاقول كلمه لعاشق الورد وعاشق الحب والجمال

من احب لا يكره

فالحب يغمرك من رأسك حتى اخمص قدمك

فلو عادت لعدت

ولن تسألها اي سؤال

ستكتفي بنظره من عينيها

ابسامه من شفتيها

ولو فتحت ذراعيها لك

فلن تسأل ابدا ما حصل

ستجري كطفل لحضنها يبكي وجع اللقاء وينسى انه كان.... بعد الفراق

انها من الردود الرائعة على قصيدتي والتي وبالفعل كتبتها بأحزاني فإنها حكايتي معها كتبتها بكل صدق
منذ أن كنت طفلا أحبو حتى هذا اليوم ... وهي ليست من بنات حواء حتى لايشرد الذهن الى معنى آخر
فما أحمله لبنات حواء لا يعرفه شاعر تربى على الحب مثلي فهن الورود والزهور ومن أجلهن أكتب أشعاري

أما غريمتي والآن كدت أن أتصالح معها هي الدنيا .... وليست الدنيا بمعناها الواسع ولكن من بعض ساكنيها
من كنت لاأرى غيرهم ... وأعتقد أن كل بيت في قصيدتي يعبر عما كنت أحمله وعما حدث لي عندما أصابني المرض
ولكن وبحمد الله وبحفظه ورعايته ورحمته أن أخذ بيدي وأنقذني من المرض اللعين الذي كاد أن يقضي على وقد حولني في يوم من الأيام الى أطلال جسد
أما الآن فقد عادت الي بعض بهجتي ومحبتي لعلها تكون بداية لطريق جديد يملؤه الحب والود
هذا ملخص لقصيدتي التي ظللت عليها عاكفا على كتابتها خلال شهرين
وختاما أقول كما قلتي
من يحب لايكره ...... بل سيأتي يوم ويسامح

العميد
عاشق الورد


توقيع : عاشق الورد
زهرة الشرق

التعديل الأخير تم بواسطة عاشق الورد ; 24-04-07 الساعة 08:46 PM
عاشق الورد غير متواجد حالياً   رد مع اقتباس
قديم 15-07-07, 04:34 PM   #10
 
الصورة الرمزية بلبلة الأسكندرانية

بلبلة الأسكندرانية
هيئة دبلوماسية

رقم العضوية : 5616
تاريخ التسجيل : Oct 2006
عدد المشاركات : 4,417
عدد النقاط : 10

أوسمة العضو
لاتوجد أوسمة لـ بلبلة الأسكندرانية
رد: ماتحلميش ... قصيدة كتبتها بأحزاني


المشاركة الأصلية كتبت بواسطة عاشق الورد مشاهدة المشاركة
أعشقك !!! ماتقولي ليا بأي حق أرجع أحبك وأعشقك وأقبلك !!! ماتقولي ليا بأي قلب أقدر أحسك وأقبلك أوعدك !!! إني ف طريقي اللي بديته إن لاقيتك هامنعك وابعدك وابعد خيالي عن خيالك وان فضلتي هاخدعك وماتحلميش تلاقيني يوم راجع أقولك واندهك أنا قلبي سامحك رغم جرحه وبرغم جرحه هايعشقك لا لا لا ……… أنا باكرهك ******* كنت زي الطفل لما احتاجتلك ومشيت معاكي في بداية سكتي مانكرش إني الف مره ارتاحتلك واشتاق اليكي لو بعدت بخطوتي وان شاورتي بابقى رهن مشاورتك والقلب يفرح إن عملتي بفكرتي وإن عطفتي ده بعض من حنيتك وان ضحكتي ده حسن حظي وقسمتي وان حضرتي بالقى روحي ف حضرتك وان جافيتي بتاخدي روحي بدمعتي واتاري إني باعيش واموت ف محبتك وحلمت إنك كنتي واخده محبتي وشغلت قلبك باللي دايما يفرحك وزرعت فيكي ابتسامتي وضحكتي وبدأت أرسم في خيالي جنتك مالحقت اكمل أو أخلص رسمتي الا ومال بيا الزمان غيرتي ناحية خطوتك حسيت بخوف بعد الأمان وانا في حيرتي ودهشتي وسألت نفسي أسئلة وقولت لازم أسألك لفيت في كل الأمكنة أشكي وأبكي محنتي وجيت لحدك باسألك ايه اللي غيَّر وجهتك ايه اللي كان مني حصل واللي جنيته يادنيتي رديتي زمنك انتهى وكسرتي قلبي بقسوتك ورجعت مكسور الجناح منك وشايل بلوتي لا أنا قادر أنسى اللي كان أو أنسى قسوة فعلتك ولا قادر انسى انك خلاص مايهمكيش نفسيتي كان عندي إني مشوفتكيش ولا إني اسمع كلمتك لكن عرفت انك مافيش وانك قتلتي فرحتي واما اتعدل بيا الزمان فجأه وف نفس المكان الاقيكي جايه تطأطأي وتداري عني كسفتك وبكل جرأة بتطلبي إني أسامحك واعشقك دلوقتي عايز أسألك وياريت تجاوبي وأسمعك ماتقولي ليا بأي حق أرجع لحبك وأعشقك وأنا باكرهك واكره حياتي لو أطاوعك أو أسامحك وارحمك وماتحلميش تلاقيني يوم راجع أقولك واندهك أنا قلبي سامحك رغم جرحه وبرغم جرحه هايعشقك لا لا لا ……… أنا باكرهك ******* عمري ماكنت اتصور إني ح ابقى لوحدي ومن غير حد وانك إنتي اللي ماليش غيرك أول واحدة تخون العهد كنت اتمنى إني أشوفك واقفة بجنبي وماده لي يد دا اللي مابينا حاجه كبيرة كنت صاينها وصاين الود لكن إنتي ف أول خطوة بعتي دا كله نسيتي الوعد ليه بعتيني لما قابلتك ليه مالقيتشي غير الصد دانتي ف هجرك كنتي شديدة وانتي ف جرحك كنتي أشد شوفي إزاي انتي قتلتيني ودفنتيني ف أضيق لحد مين ينصفني إذا كنت لوحدي مين يساعدني يقيم الحد انا دلوقتي برئ من حبك واللي مابينا أكبر سد والوقتي عايز أسألك وياريت تجاوبي وأسمعك ماتقولي ليا بأي حق أرجع لحبك وأعشقك وأنا باكرهك واكره حياتي لو أطاوعك أو أسامحك وارحمك وماتحلميش تلاقيني يوم راجع أقولك واندهك أنا قلبي سامحك رغم جرحه وبرغم جرحه هايعشقك لا لا لا ……… أنا باكرهك ******* كنت معاكي مصدق إني أول حب وآخر حب كنت باشوفك فرحة عمري وانك مالكه وساكنه القلب بس خساره الف خسارة لما عرفت بكل مرارة إنك وهم وحيرة وذنب وانك كلمة ف قصة انكتبت كل حروفها كدب ف كدب وانتي خسرتي لما راهنتي إني هاكون لك مهما عملتي وانتي عملتي فوق ماتصور فيه ايه تاني بعد ماخنتي بعد دا كله باقي كلام مين يسمعلك لو قولتيه وان قولتيه أو حتى سكتي لتنين واحد يالا قوليه حتى ان قولتي هاموت من بعدك عمري مافكر يوم ارجع لك مش هاشتاقلك ولا هاحتاج لك واللي أنا فيه خلاني زهدتك باهرب وابعد لما باقابلك وانسى الفرحة ان مرة صادفتك د انا باتمنى تعيشي لوحدك أصل الغدر حقيقي ف طبعك واللي عندك شيء مخبي ماشوفتهوش زي جرح جديد وأنا ماعرفتهوش كل حاجه منك انتي ماحبهاش حتى لو كان خير أنا مابصدقوش دلوقتي عايز أسألك وياريت تجاوبي وأسمعك ماتقولي ليا بأي حق أرجع لحبك وأعشقك وأنا باكرهك واكره حياتي لو أطاوعك أو أسامحك وارحمك وماتحلميش تلاقيني يوم راجع أقولك واندهك أنا قلبي سامحك رغم جرحه وبرغم جرحه هايعشقك لا لا لا ……… أنا باكرهك ******* الأماني جمعتها ودفنتها لما عرفت ان حياتك كلها كدب وخداع والأغاني كرهتها ومسحتها وندمت إني فيكي إنتي كتبتها بعمري اللي ضاع مش كفايه إني ضحيت بالأماني والأماني نبض قلبي اللي مابيعرف يخون مش كفاية إني ضيعت الأغاني والأغاني دي مشاعري والمشاعر ليه تهون دا اللي خانني واللي خان كل الأماني هوه إنتي واللي باعني واللي باع كل الأغاني برضو انتي والعذاب اللي ف حياتي كله منك والجراح اللي في قلبي منك انتي دلوقتي عايز أسألك وياريت تجاوبي وأسمعك ماتقولي ليا بأي حق أرجع لحبك وأعشقك وأنا باكرهك واكره حياتي لو أطاوعك أو أسامحك وارحمك وماتحلميش تلاقيني يوم راجع أقولك واندهك أنا قلبي سامحك رغم جرحه وبرغم جرحه هايعشقك لا لا لا ……… أنا باكرهك ******* إيه ؟ ماعرفش إنتي بتلعبي بعواطفي ليه إيه ؟ ماتروحي عني وابعدي عايزاني ليه كنت ناسي عذابي وانتي جايه ليه بتعذبيني كنت ناسي جرح عمري جايه ليه بتفكريني بعد إيه جياني تبكي إنتي فاكره هاتخدعيني صارحيني يالا بكدبتك قولي الحقيقة اتكلمي ماقدرش أصدق دمعتك وانك حقيقي بتندمي هوه انتي ناسيه قصتك والا انتي عايشه بتحلمي دلوقتي عايز أسألك وياريت تجاوبي وأسمعك ماتقولي ليا بأي حق أرجع لحبك وأعشقك وأنا باكرهك واكره حياتي لو أطاوعك أو أسامحك وارحمك وماتحلميش تلاقيني يوم راجع أقولك واندهك أنا قلبي سامحك رغم جرحه وبرغم جرحه هايعشقك لا لا لا ……… أنا باكرهك ******* من بعد ماقدرت ابتعد ونسيت مكانك القاكي جايه بتطلبي أرجع عشانك هوه انتي صنتي الحب حتى أصدقك والا انتي صنتي القلب حتى اسمع كلامك من بعد ماعرفت الفرح وقدرت أغني القاكي جايه ترجعي دموعي اللي غابت هوه انتي فاكره انك طلبتي الحب مني لأ إنتي جايه تفتحي جراحي اللي طابت ياللي عديتي الأصول ياللي توهتي العقول ياللي صحيتي المواجع انتهت عندي الحلول دلوقتي عايز أسألك وياريت تجاوبي وأسمعك ماتقولي ليا بأي حق أرجع لحبك وأعشقك وأنا باكرهك واكره حياتي لو أطاوعك أو أسامحك وارحمك وماتحلميش تلاقيني يوم راجع أقولك واندهك أنا قلبي سامحك رغم جرحه وبرغم جرحه هايعشقك لا لا لا ……… أنا باكرهك ******* بعد ماشوفت خلاصي في بعدك ولقيت قلبي اتحرر منك بعد دا كله لاقيتك جايه بتصحيلي جراحي بعندك واما انا قولت خلاص ارتاحت ولقيت نفسي خلاص وفرحت جيتي كأنك ذنب لازمني وأنا من بعد ماسيبتك توبت توبت أصدق تاني وعودك وانتي الخاينه لكل عهودك حتى القلب الطيب فاتك رافض أي مكان في وجودك واما اختارت لنفسي طريق بعد ماإنتي اختارتي طريق كل مابينا صبح مسافات كل طريق كان عكس طريق دلوقتي عايز أسألك وياريت تجاوبي وأسمعك ماتقولي ليا بأي حق أرجع لحبك وأعشقك وأنا باكرهك واكره حياتي لو أطاوعك أو أسامحك وارحمك وماتحلميش تلاقيني يوم راجع أقولك واندهك أنا قلبي سامحك رغم جرحه وبرغم جرحه هايعشقك لا لا لا ……… أنا باكرهك ******* مع تحيات عاشق الورد حسني عبدالله جاد
مسيه عاشق كلمات قاسية لكنها تعبر عن الحقيقة لايتفق حب مع خيانة ابدا


بلبلة الأسكندرانية غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:12 PM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.

زهرة الشرق   -   الحياة الزوجية   -   صور وغرائب   -   التغذية والصحة   -   ديكورات منزلية   -   العناية بالبشرة   -   أزياء نسائية   -   كمبيوتر   -   أطباق ومأكولات -   ريجيم ورشاقة -   أسرار الحياة الزوجية -   العناية بالبشرة

المواضيع والتعليقات المنشورة لا تعبر عن رأي منتديات زهرة الشرق ولا نتحمل أي مسؤولية قانونية حيال ذلك

(ويتحمل كاتبها مسؤولية النشر)