ياأعضاء المنتدى أنتم مدعوين فى ... مناظرات طريفة

اول شي صباحكم عسل
وتاني شي
انا اليوم مزاجي مش كتير منيح فاحسنلكم ما حدا يقرب مني
عشان انا منرفزة كتير ....يعني مش شايفة شي قبالي
وثالث شي انتو مش ملاحظين انو كلكم مصريين الا انا فلسطينية؟؟؟؟؟؟؟؟؟؟؟؟؟
يعني لازم تراعوا انو انا ما بعرف جغرافية بلدكم
يعني الست تقى بتحكي بور سعيد وبور فؤاد ومش عارفة شو.........بس انا مش فاهمة شي والحمد لله زي الاطرش بالزفة
ولا ولاء.............يا عيني على المنصورة
وانا شو بعرفني بالمنصورة انتي الثانية.........اه؟
كنت انا بقرأ بالفنجان؟
يعني صارلي زمان ساكتة ساكتة ساكتة
بس خلص صمام الامان انفجر
اما على الامتحان
فبدي احكيلكم انو عملوا يوم الاثنين عندنا في الجامعة انتخابات
وللاسف انو الكتلة الاسلامية(حماس) تعادلت مع الشبيبة(حركة فتح) وصار مشاكل
عشان هيك اغلقوا الجامعة وما قدمنا الامتحان (مع اني انتخبت حماس ولازم تفوز بما اني انتخبتها .صح؟ انا بديش احكي لو الشبيبة مسكت الجامعة شو بصير، بس والله انو الصح هو اللي لازم يغلب ولا انتو شو رايكم؟)
بس بكره السبت علي امتحانين (بلاغة وادب جاهلي)
وانا تايهة ومش عارفة شو اعمل
وخاصة انو انا مريضة ومعي الانفلونزا
ورغم هيك اجيت افتح النت عشان اشوف هذا ابو المقالب الاستاذ وائل
والله حسيتو انو صغير وحبيب ولسه يعني طالب جامعة
طلع عندو فريق كرة قدم
بس ليش اسمي غالي عليك يا وائل؟
يا مفتري
يا ابو المقالب
اسمعوا
انا تعبانة كتير ومش عارفة شو اكتبلكم كمان
وحرارتي ناااااااااااااااار
وخلص
بس برضو رح افتح النت واشوف شو عم تكتبوا
هذا اذا بقيت عايشة
سلااااااااااااااااااااااااااااااااااااااااااااام

ومين الدقهلية كمان؟
لا انا صار لازم اجي عندكم
اسمعوا
قرار جمهوري
اللي بدو يحكي عن بلادو بدو يجيب خارطة معاه لانو عقلي قفل خلص
طبعا ما عدا انا
عشان احنا دايما بلادنا على التفزيون واكيد صرتوا تعرفوا كل الاماكن فيها
او في بديل
كل واحد بدو يحكي عن بلد بدو يحكيلي هو من وين وكمان عن شوية مناطق حواليها.......ماشي؟
يلا بدي اروح اناااااااااااااااااااااااام
لاني حاسة انو راسي أد البلد كلها
ااااااااااااااااااااخ بس لو يجي حدا يدفيني
انا ميتة من البرد

حبيبة قلبى لما
المنصوره واسكندريه ومصر
فدا ضى عيونك يا بنت فلسطين يا عسل
هو احنا عندنا كام لما يا احلى بنوته
اه يا لما لو تعرفى اد ايه بحب الشعب الفلسطينى
واد ايه ليا ذكريات معاهم
مكنتيش قلتى كده
بس قوليلى ايه منرفزك فى هذا الصباح الجميل
ده يوم الجمعه ده يا لما يوم مفترج
بموت فيكى يا سكر والله
وعلشان كده هكتب اليوم عن الحبيبه فلسطين
انا ما بقدر على زعلك ابدا يا لما
يلا خلينى اكتب
انا بكتب من دون ما افكر والله يا لما
وخصوصا عن فلسطين راح اكتب من دون تفكير
ولو بايدى كنت جيت دفيتك والله
واحلى تحيه وسلام مربع لبلدنا كلنا فلسطين الحبيبة
بحبكم كلكم
تحية واحترام
ولاء

[ALIGN=CENTER]
انتظرونى يا كل احبابى
انا الي لفيت ثلاث موانى
ولي في كل مينا حبيب
من الاسكندرية لبورفؤاد لبورسعيد
اصلي غرقانة في حب ثلاث بحور
شوفى يالما سيبك من بنات الدقهلية
هم حلوين لكن معندهمش شقاوة الاسكندرانية
ولا خفة دم وصياعه البورسعيدىة البور فؤادية
انا مضطرة اكتب بسرعه
لانى يمكن اكون برة
احتمال تيجينى عزومة
واسهر في الصحبجية واشرب الشيشة
واسمع احلي انغام شجية

انتظرينى يا بنت الدقهلية حتشوفي حتعمل فيك اية الاسكندرانية
انت نسيت انى حفيدةريا وسكيننة
حنخدوقى علي الزنقة
ونقلعوكى سلاسلك الذهبية

تحياتى ...تقى[/ALIGN]

[ALIGN=CENTER]اليوم صليت الجمعه ودعيت
رفعت ايد للسما واتمنيت
انى فى يوم ازور القدس
يوم ما تعم عليها الشمس
يوم نلم جراح الامس
وتتحررى يا فلسطين
تكونى منصوره ليوم الدين
دم الشهدا فى يوم راح يبرد
امى الثكلى فى يوم راح تسعد
يارب الحق والنور والعدل
تنتقم من كل ظالم ندل
وترجع القدس لاصحابها
وتنصر ناسها واحبابها
وتوهب فلسطين الحريه
وتفوق الامه العربيه
يارب كل مظلوم
نشوف فى اليهود يوم
ويفوق العرب من وهمهم
ويستردوا ارضهم
ارض الرسل والانبياء
ارض الشموخه والعلاء
ارض الرجال والشهداء
يا رب عيسى الامين
يارب خاتم المرسلين
يا رب كل مظلوم مسكين
تتحرى يا فلسطين
لو فى ايدى بدل القلم سلاح
لو بايدى ارجع اللى راح
وانتقم من كل يهودى سفاح
لو بايدى
راح افديكى
بروحى ودمى
بابويا وامى
وتبقى يا فلسطين ابيّه
ومنارة الدول العربيه
وتاخدى كل الحريه
يا رب حرر اولادنا
يا رب انصر بلادنا
لو بايدى امحى عذابك
وازرع الورد فى ترابك
واقف يا قدس على بابك
وفى ايدى رايه النصر
وابنى بدل البيت قصر
على ارضك يا فلسطين
وتعيشى يا فلسطين


اللهم انصرهم
اللهم لا تخذلهم
اللهم حررهم
وثبت اقدامهم



(فداكى عمرى يافلسطين)[/ALIGN]

حبيبة قلبى يا تقى يا عسل
طيب وربنا انا بموت فى اسكندريه
وبحر اسكندريه وشوارع اسكندريه
لكن يقلعونى السلاسل ده باه اللى لا يمكن ابدا
طريقك مسدود مسدود مسدود يا ولدىههههههههه
مش كل الطير اللى يتاكل لحمه
وبعدين لعلمك باه انا الصيف كله بقضيه فى اسكندريه
وهقولك حاجه كمان
من ايام الثانوى لحد الجامعه كنت بروح اسكندريه كل اسبوع
واشرب قهوه فى نيو امبريال فى محطه الرمل
وارمى 10 قروش فى الميه واتمنى امنيه وارجع
فضلت على الحال ده 3 سنين
والله يا ستى بموت فى اسكندريه
ولو مش مصدقانى اسالى وائل وهو يقولك هههههههه
بس حكايه باه ريا وسكينه دى متاكلش مع بنات المنصوره خالص على فكره
بلاش بنات المنصوره بالذات يا اسكندرانيه
ابعدى عنهم علشان دول باه لا بيتثبتوا فى الزنقه ولا الجبنه البيضه
دول بيجيبوا من الاخر علطول
يودوكى البحر وميرجعكويش تانى ههههههههههههه
وعموما يا ستى اسكندريه اجدع ناس
وشبابها وبناتها احلى شباب
ماهى فى بيتها برضه يا تقى
وسلام حاير طاير لاسكندريه
ومليون سلام وتحيه للدقهليه
والليله ليلتك يا منصوره
يا اجمل مدن المحروسه
ههههههههههههههههههههههههههههه
انا بطلعلك لسانى على فكره
ههههههههههههههههههههههههه
اوعى يا تقى تكونى بتاخدى على خاطرك
انا بهرج والله
ماشى يا ريا
سلميلى باه على سكينه المسكينه
وحاسبى من حبل المشنقه يعضك
ههههههههههههههههههههههههه
اما بورسعيد باه يا ست تقى انا عشت فيها 6 سنين
يعنى برضه فى بيتها
كنت عايشه فى بور فؤاد
بس كنت لسه صغيره
لما كبرت بقيت اروح بورسعيد علشان اشترى لبس
والله شوقتينى لبورسعيد
يمكن اروحها قبل العيد
وسلام مربع مثلث لابو العربى(ابو لمعه)ههههههههههه
وبرضه تفضل المنصوره دايما هى اللى فى الصوره
هههههههههههههههههههههههههههههههه
بموت فيكى يا اسكندرانيه على بورسعيديه
تحية واحترام
ولاء

[ALIGN=CENTER]

صباحين وحتة علي احلي بنات الدقهلية
من شط الاسكندرية لامواج البورسعدية
ياحلو صبح ياحلو طل
ولاء انت بتتكلمى جد تودينى البحر ومترجعنيش

ياحبية قلبي دانا حبيت غطاس غرقتة
قالي الله يخرب بيتك
انت ايه
دوامه

قلت لا انا جنية البحر
انا لولا بحبك كنت توهتك وغرقتك
بس انت طلعتى قريبتى
ومعاك الجنسية البورفؤادية
وركبتى اكيد المعدية
انا لا انكر الحلاوة المنصوروية
بس ايوووووووووووووه علي الاسكندرانية
الي ناسبوا البورسعدية
وخلفوا العيال الحلوة دية
امل حبيبتى في الزهرة من المنصورة
ست طيبة وحنونة

ولما الفلسطينية
انت اغلي من نور عنية
وساكنه القلب والنية

من قلب تقي الخالي حاليا احلي سلام واحلي تحية [/ALIGN]

انا كتييييييير زعلانة منكم
يعني ولا حدا يحكيلي سلامتك
ولا انشاء الله الله يشفيكي
ولا اي كلام من هذا اللي بجاملوا الناس فيه بعضهم؟
والمفروض انو احنا اخوات يعني المفروض يكون طالع من قلبكم
بس انا لا شفت شي من قلبكم ولا من ورا قلبكم
اخص عليكم من بين الاخوات
بس بجد انا زعلانة
يعني انا توقعت اني افتح المنتدى الاقي كتير دعاوي الي وكتير امنيات باني اطيب واعرف اكتبلكم واعرف ادرس على القليلة
لأ انا كتير زعلانة
لاني كنت بحس بينكم اني اختكم
بس هلأ لأ
لأني كنت افكر انكم بتحبوني اكتر من هيك بكتير
بس انا هلأ ما بدي حدا يسأل عني خلص

[ALIGN=CENTER]

لا يلما الا الزعل
والله ماعرف ان انت مريضة
الف سلامة ليك
انهاردة الجمعه وواضح ان الرجالة زوجاتهم حبساهم في البيوت محدش ظهر منهم انهاردة

وممكن تكون ولاء معندهاش علم
ولكن ولاء كتبت لك قصيدة جميلة عن فلسطين

لما انا عارفة قلبك ابيض وبتسامحى

حقك علينا

ارق تحياتى .........تقى[/ALIGN]

يا لما يا قماصه
عامله زى القطط تاكل وتنكر
بذمتك انا مش قلتلك لو بايدى ادفيكى
انا معرفش انك تعبانه بجد والله
عموما الف سلامه يا لما
وبلاش زعل العيال ده
يعنى معقول نبقى عارفين انك تعبانه وما نتطمن عليكى
اذا انا كل مره بسالك عملتى ايه فى الامتحان
وبعديت اشربى ليمون وادفى بالبطانيه هتصحى الصبح زى الجنيه
وسلامتك الف سلامه يا سكره
تقى حبيبة قلبى
انا مش هغرقك
هغرقك دى موضه قديمه اوى هههههههههه
انا قلت هوديكى البحر ومش هرجعلك
افهميها انتى باه ههههههههههههه
سلامى لاحلى بنات اسكندريه
وكمان لفلسطين علشان المقموصه هانم لما
والرجاله الغايبه وائل واحمد والاسيوطى
هم مش محبوسين فى البيت يا تقى
دول اكيد راحوا يعطوا علشان انهارده اجازه ههههههههه
يلا يا لما شدى حيلك علشان نسمع منك حاجه
ومتزعليش ولو زعلتى طز فيكى ههههههههههههههههه
امممممممممممممممممممممممممممووووووووووووه

معلش ياجماعة
أنا دخلت علشان أمسى بس
عموما ياريت تجيبوا حاجة وأنتم داخلين تزورونى
لأنى مريض
يالله تصبحوا على خير
ماحدش يجى أحسن أعديكم
باى

لما ياسكرة

عين وصابتك يابنتى ، الف لابأس عليكى ، هو دور وماشى فى المنتدى

حتى احمد العبد الفقير عندو برد . انا بقى نفسى يجينى برد عرفين لية ... عشان مناخيرى تبقى حمرا ههههههه

احمد انت بتحب البرتقال ابو صوورة ولا السكرى اقولك انا هاجيبلك الأتنين وبالف هناوشفا بس تبقى تفتكر الجمايل دى

والله يا احمد انا جيت الصفحة دى من شوية لاقيتلك الحريم موجودين اتكسفت ادخل عليهم

واقطع حديثهم عن البورسعيدية والأسكندرانية والمنصوراوية بينى وبينك ماحبتش اتفلسف واتكلم

خفت ليجمعوا من كل رجل قبيلة ويتلموا عليا وانا غلبان مش قد السواحلية مع انى بلاموطى

بس دة ماينفعش معاهم دول ناس جبارين . حتى ولاء بتقول لتقى اسالى وائل على اية مش عارف

والله انا ماعرف حاجة ياسعادة الباشا .... انا لو اعرف حاجة هاقول على طول

طبعا ياولاء كلامك مظبوط وانتى بتعشقى اسكندرية قد عنيكى بس كلة كوم والواد النوبىاللى بيقف فى نيو امبريال

دة كوم تانى ياولاء على فكرة دا مثقف جدا وفوجأت بية فى النادى الثقافى اليونانى فى اسكندرية

يالما على فكرة المنصورة دى اسمها محافظة الدقهلية وهى بلد كبيرة واغلبها ارياف يعنى الزراعة فيها منتشرة

وفيها كان مصانع ومطار حربى . والمعروف ان المنصورة كانت تحت احتلال لويس التاسع عشر

وناساها طيبين وزوق زوق بصراحة اما بورسعيد هى مدينة ساحلية وفيها ميناء كبير مش اقل من السويس

وتعتبر من المناطق الحرة او هى كدة فعلا وطبعا معروف يعنى اية مدينة فيها ميناء وليها باع كبير فى التاريخ المصرى

من ايام الأحتلال . وطبا اكيدانتى عارفة اسكندرية ماحدش مايعرفهاش اكيد. وعندنا بلد او محافظة اسمها الشرقية

وعاصمة الشرقية الزقازيق والناس الشراقوة دول معروفين بالكرم والجود والسبب فى الشهرة دى

ان اول ماتعمل خط للسكة الحديد والقطر مر من بلدهم عزمو القطار كلة على الغداء.ولو احكيل على باقى المحافظات مش هنخلص خالص

بس انا حبيت اعرفك بالمدن اللى انتى سمعتى عنها

الأسيوطى باينه انتحر ياشباب او اتقبض علية

بس جميل الزجل اللى انتم كاتبينة دة يابنات ، وقصيدة فلسطين ياولاء روعة بجد

لما انا عايز منك وعد لما تخلصى امتحانك ويارب تتوفقى فية

تتحفينا كلنا بحاجة تكون جامدة بس لما تروقى كدة كمان وقدامك العافية يارب

انتى واحمد وبعد اشر على كل اللى موجودين

طولت عليكم بس هكتبلكم حاجة قبل ماخرج يعنى اعمل منظر كدة بدل مانا قاعد

[ALIGN=RIGHT] كان فى لغرفة

غارقا بين كتبة

استراح على كرسية متفحصا ما أنجز

مقبلا كل كتاب بنظراتة الصديقت

فى هذة القيلولة

سمع صوت خطواتها

لحظات عمرة كلها تجمعت بين يدية

عندما وصلت الفتاة حاملة جمالها بهدؤ

تذكر خيباتة المتعددة وميتاتة الماضية

ومن شدة غبطتة لم يفعل غير

مداراة لهفته .

يلا موبيلات بقى سلام[/ALIGN]

مساء الفل بسرعه

والله انا مكنتش عايذ ادخل عليكم وايدي فضيا

المفروض كنت جبت معايه اتنين كيلو شعر على زجل

بس الشوارع كانت زحمه اوي

وائل باشا

انا لسه متقبضش عليه

وكمان هيتقبض عليه ليه

ابويا اسه مبلغش عني

وكمان انتحر ليه

انا مبحبش ياعم

ولا عشان انت بتحب جديد

لاء ياعم اناكويس

وكمان انا عايذ اقلك ان القصيده ديه جمده اوي

بجد ابدعت

ولاء انتي بجد مش عارف اقلك ايه

انتي ايه اللي عرفم اني كنت بعط النهارده

انتي شكلك من البنات الاستايل

وكمان بنات المنصوره معروفين بحلوتهم

وعلى فكره بنات اليكس ملهمش حل في خفه دمهم

ولاء

انا عايذ اعرف حاجه

انتي ليه لفيتي الجمهوريه كده

المنصوره واسكندريه وبورسعيد

وعشتي كمان في كل بلد شويه

مش عايذه تيجي اسيوط

هههههههههههههههههههههههههههههههههههه

لما

الف حمد الله على السلامه

ويارب اللي يكرهك

واللي يكره فلسطين

على فكره انا بحب فلسطين

وخصوصا شباب فلسطين

بس مش نفاق بجد

وعشان رجاله فلسطين

الفين سلام وتحيه

وكل الناس اللي في المنطقه ديه

سلام كبير لفلسطين وادب فلسطين

عفريت الاسلفلت

مع


اخوكم الاسيوطي