حملة الاستاذ /عمر خالد ضد الادمان

المشاركة الأصلية كتبت بواسطة okkamal الاخ شريف ادمانك من النوع الحميد والذى لايحتاج للعلاج بل يحتاج زيادة الجرعات فية , كما الادمان فى العبادة اخى العزيز دعنى اختلف معك هنا قليلا لاتركن او تظن ان متابعة الابنا والاصدقاء هو الحل الامثل فالمجتمع يتجة نحو هاوية عميقة تكاد ترى فيها المخدرات والادمان فى كل مكان وقد سمعت من احدى الدكاترة عن مايعرف (( بالادمان الاجبارى )) وهو فى اوربا وامريكا حيث ان المخدرات متاحة فى كل مكان .. الشارع .. المدرسة .. الكلية .. الاصدقاء وبالتالى يسهل دخول اى شخص دائرة الادمان , مااقصدة هنا ان البيئة اصبحت تفرز ادمان وان الحياة مهيئة لخلق مدمنين فى كل لحظة . واسأل الله الا نصل فى بلادنا الى هذا الحد تابعنى فى تكملة الموضوع

برضه اتفق مع اضافه حضرتك يا عمو احمد بس ليه تعليق بسيط

الموضوع فعلا بقي كده في الجامعات العربيه بلا اي استثناء
وحسب المركز العربي للاحصاء
وتعلو نسبه بيع الهيروين للغايه وتبلغ اقصي حدودها في الوطن العربي في دوله الكويت

اما مصر والسعوديه فسيطرتا تماما علي الهيروين ومن رائ حدث هذا تحت تحت شعار (الحشيش للجميع)



ربنا يستر بجد


تحيتي لحضرتك عمي الغالي والحبيب عمو احمد المصري

والله حلوة حكاية العيش للجميع دية
بكرة يطلع لينا شعار تربة حشيش لكل مواطن
هههههههههههههههه
ونحقق الاكتفاء الذاتى فى شربة

هههههههههههههههههههههه ولسه ولسه

ون اينفورمشن اند ون انفورمشن جيف يو بيج اكسبريشن ههههههههههههههههههههههههههههه


ده احنا حنشوف ايام زي الفل

ابنى الغالى محمد عطية
اولا احييك على موضوعك الرائع فعلا وجزاك الله عنه خير اللهم امين
رأى الشخص اولا
ليه فى البلاد العربية بيعتبروا ان مدمن المخدارت منبوذ وانه مايستحقش فرصة تانية وبيعملوه على انه انسان ليس له اى كيان ليه
مدمن المخدرات مريض مثل اى انسان مريض ولابد من علاجه لكن للاسف ان حتى اهل المريض بتكون قاسية جدا على ابنهم المدمن مع انى اعرف تماما تعبهم وحزنهم والامهم عليه
لكن هل تعتقد حملة مثل هذه كافية لايقاف المدمن عن ادمانه ماعتقدش يامحمد حبيبى لان المدمن دمه اتشبع بمادة المخدر اى ان كانت ويوجد دلوقتى مواد خطيرة جدا من المخدرات مثل الهيرويين وخلافه وده صعب جدا التخلص منه بسهولة لكن ممكن
اولا عن طريق الأهل اولا بمعاملة المريض على انه انسان وبحنان مش بقسوة لانه مسكين فعلا مسكين ثانيا لابد من ارشاد المجتمع نفسه بأنهم يعاملوا مريض الأدمان مثل اى مريض مش ينبذ هى دى اول خطوة لعلاج المدمن يامحمد
فى الغرب نزلة البرد تعتبر مرض مثل اى مرض وبرضه الادمان مرض مثل اى مرض حتى مرضى الأيدز والعياذ بالله مثل اى مرض ويعاملوا المريض معاملة انسانية
وبعدين ليه بنرمى الحمل كله على المدمن نعم هو اخطأ ومعظمهم صغيرين السن فى سن المراهقة لكن ليه بندورعلى القشور وبنترك الأساسيات لماذا لايوجد عقاب صارم وجهود مكثفة لوقف كل تجار السموم بل دحرهم
وهنا لن يجد المدمن فرصة لشراء المخدر ليس فقط حملة اعلانية ليراها المدمن ماهو لو مدمن مش حايبص على الاعلان ممكن توعى البعض والغالبية الشديدة الأدمان لا
لا بد من قطع راس الحية مش نمسك ديلها تروح عضانا
المدمن مسكين كاى مريض ليس له حول ولاقوة مسكين بيتصرف بدون وعى
لابد من العائلة اعطائه الحنان الازم مع العلاج ليس فقط علاج لان المدمن محتاج حنان وحب مش ينبذ
ولابد ان تكون حملة مكثفة لزيادة الوعى عند الناس بأن المدمن انسان ولابد ان يعامل كأنسان له قيمته ومش بس المدمن اى مريض حتى لو ايدز والعياذ بالله
نسبة الجهل مرتفعة جدا يامحمد وانت عارف كده
واولا قبل كل ده البحث الجاد عن المصدر الأساسى للسموم وابادته تماما والعقاب الشديد الصرامة حتى لاتصل لأبنائنا السموم لايديهم والله المعين
ده رأى الشخصى
شكرا محمد

السلام عليكم امي الغاليه ماما بلبله
اولا يا ماما بلبله انا متفق مع اغلب كلامك حرفيا

ومتفق في نقطه ولكن اختلف معكي في تنفيذها

يجب قطع راس الحيه

بالطبع وتلك وظيفه الشرطه

لكن وظيفه المجتمع ومؤسسات المجتمع المدني هي المدمن

اما ما نفعله مع المدمن وان الغرب يختلف

فهي نقطه واحده فوق حرف العين تفرق كثيرا


عرب غرب

اولا اوروبا ليست مثالا يحتذي به فكل شبابها مدمن سواء للخمر او المخدرات ولولاها ما عرفنا كل ذلك

ما جاءنا من الغرب.. الا ما يوجع القلب

بس واحنا لينا عادتنا اللي انا شخصيا بحبها وبعتبرها وبعتبرها رادع عام اتفق عليه المجتمع

لو الولد الصغير شاف اخوه الكبير المدمن بيشرب المخدروبعدين اهله يعاملوه عادي فالموضوع للصغير حيكون اسهل


اما لو شاف قسوه المجتمع علي المدمن فحيرتدع

وبعدين المجتمع بيقسو عليه لانه يا ماما بلبه محدش بالمصري ضربه علي ايده عشان يدمن



لكن في الحمله دي كل اللي بيحصل ان الناس بتقول للمدمن تعالي انت اخونا وجزء مننا


هو من الاخر لا عقاب مجتمع ولا حاجه

لو كل مدمن خد حد شارب الخمر في الاسلام في ميدان عام الناس حتي مش حتفكر تاكل ملوخيه مش مخدرات


60 جلده في ميدان عام



وفعلا علي رائ دكتور الاجرام والعقاب في الكليه عندنا

ولن تجد لسنه الله تبديلا


و لمرور حضرتك الرائع يا ماما بلبه ونوووووووووووووووووووووووووووووووووووورتي بجد الصفحه

اما لو شاف قسوه المجتمع علي المدمن فحيرتدع

وبعدين المجتمع بيقسو عليه لانه يا ماما بلبه محدش بالمصري ضربه علي ايده عشان يدمن



لكن في الحمله دي كل اللي بيحصل ان الناس بتقول للمدمن تعالي انت اخونا وجزء مننا

محمد يوجد تناقض بين الجملة الاولى والثانية
مين عايز المجتمع يقسوا على المدمن
ومنين بتايد الحملة اللى بتقول انت اخويا ومعايا ؟؟؟

يامحمد
مين اللى قالك ان المدمن لو شاف قسوة المجتمع هيرتدع
يامحمد المدمن مُغيب عن كل شئ فى المجتمع وعن الحياة اصلا
فحياته كلها متوقفة على المخدرات ولا يرى فى الحياة غيرها

وقد قال لى احد اساتذة علاج الادمان ان المدمن ينظر الى المجتمع من شباب المخدرات فقط

ياريت المعنى يكون وصلك وفهمت الموضوع


اتفق مع الاخت بلبلة فى كل ماقالت ويبدوا ان ثقافة الغرب
فى هذة الجزئية افضل بكثير من ثقافة الشرق
التى تنادى بلفظ المدمن وتحاشية

ولو نظرنا الى المدمن على انه مريض يحتاج الى علاج لتغيرت نظرتنا اليه

عمو في كلامي عن الردع راجعه حضرتك كويس اوي


حتلاقيني قولت

لو الولد الصغير شاف اخوه الكبير المدمن بيشرب المخدروبعدين اهله يعاملوه عادي فالموضوع للصغير حيكون اسهل


اما لو شاف قسوه المجتمع علي المدمن فحيرتدع

اما لو الشاف اللي شاف ده الولد الصغير اللي حيرتدع

لكن المدمن بطبيعته تحول الي شخصيه متمرده اصلا لن يؤثر معها الا بحد تعبير القانون(ردع بايلام) اي جلد


وتحيتي الحاره لحضرتك

ممكن نعرف ايه اللى تم بعد الحمله
لان عن نفسى مكنتش باتابع الحمله
وبما انك اخى بادرت وبدأتها هنا
ياريت تعرفنا انتهت على ايه
وايه ايجابياتها وسلبياتها
شكرا لك

طويب يا مني
ححط انهارده بالليل تقرير من موقع عمر خالد عن ما انجز في الحمله

تامريني

محمد احنا مش بنتكلم عن الغرب والعرب والعادات والتقاليد احنا بنتكلم عن السلبيات والأيجابيات لو فى الغرب سلبيات لكن برضه فى ايجابيات كتيرة كويسة
ومين قالك يامحمد ان القسوة بتجيب نتيجة عمر مالقسوة بتجيب نتيجة بل بتجيب نتيجة عكسية
ومين ضربه على ايده انت ماتعرفش ظروف كل الناس طبعا هو غلط لكن فى الأول والأخر انسااااااااااااان
يستحق المساعدة ويستحق معاملته كأنسان محترم مش منبوذ
كل واحد فينا معرض لاشياء صعبة
يعنى فى ناس مثلا عندها ايدز ومش من الجنس عن طريق نقل الدم والعمليات وفى مصر وفى بلاد عربية وغربية
وفى مصر او اى بلد عربى تسمع بس مصاب بمرض الأيدز يصابوا بهلع ويعاملوا الأنسان ده على انه منبوذ
والجهل نسيت الجهل ده انا سمعت من صاحبتى ان ابنها قالها ان صاحبه بيقوله يااخى ماتخافش الأيدز علاجه بسيط حبيتين انتى بيوتك وتخف
جهل فى جهل فى جهل
والمدمن اخطىء اوكيه مين فينا ماخطأش يامحمد
ده ربنا اسمه الرحمن الرحيم بيرحم عباده
حايجى الأنسان يفترى ويقول ماهو غلط طيب مانت بتغلط وانا باغلط وكل واحد بيغلط وحانفضل نغلط لغاية مالقيامة تقوم
مافيش فى حد كامل يامحمد الكمال لله وحده
لما انت تقول لما المجتمع يقسو ويجلده دى تبقى غابة من غير قوانين ومن غير رحمة
وده رأى الشخصى ومقتنعة بيه
بس فعلا موضوع ممتاز زيك
شكرا يامحمد

لما انت تقول لما المجتمع يقسو ويجلده دى تبقى غابة من غير قوانين ومن غير رحمة

سلام عليكم يا ماما بلبله

اولا امي الغاليه حضرتك زي عمو احمد فهمتي كلمتي غلط

انا مش عايز القسوه تعالجهه هو انا عايزها تعلم باقي المجتمع كرادع عام

زي البنت اللي بتروح وتتجوز عرفي من ورا اهلها لو في اوروبا الموضوع ده حصل ولا كان اي حاجه حصلت لانه لو محصلش فده اللي مش طبيعي

لكن عندنا تلاقي اغلب البنات بتاخد حذرها ليه ؟؟؟

لان المجتمع العربي بيواجهه مثل هذا العمل باتخاذ اجرارءات شديده جدا من عيلتها ومن حتتجوز مين ومعرفش ايه


نفس الامر مع شارب الخمر ومع متعاطي المخدر


علي فكره العقاب النفسي ده رادع قوي جدا

النبي عليه الصلاه والسلام مره تلاته من الصحابه مخجروش معه غزوه العسره وقعدوا من المنافقين

لما رجع امر الناس متكلمهمش خالص

تخيلي بقي حضرتك واحد ماشي في بلد الناس متحرم عليها تكلمه

وبعد كده اثناء العقوبه امر امراه احدهم رضي الله عنه تسيبه

وانتهت العقوبه الشديده بعد خمسييييييييييييييييييييييييييييييين يوم

هل كان يقدر حد بعدها يتخلف عن غزوه


في القانون بيعلمونا حاجه مهمه ودي هي اللي ممشي عليها رائ


شده الرادع العام اهم من شده العقوبه

يعني بالبلدي انك تخوف السايب جامد اهم من انك تضرب المربوط جامد

عشان كده الاسلام عمل تنفيذ كل الحدود في ميادين عامه وده الصح


ده رائ يا ماما بلبه واحترم رائ حضرتك طبعا ورائ كل من مر في الصفحه

وتحيتي لكم جميعا وبتزيدوا موضوعي رونقا كلما سطرتم حروفا هنا

تحيتي

شرح الاخت نوجى لمراحل علاج الادمان

العلاج من الادمان

عند الحديث عن علاج الإدمان .. لابد من إدراك أن هذا الأمر ليس سهلا .. كماانه يتم علاج كل مدمن بالطريقة المناسبة للعقار الذى أدمن عليه .. وبما يتناسب مع شخصيته وحجم إدمانه


وعلاج الإدمان له مراحل متتالية.. لا يمكن تجزئته بالاكتفاء بمرحلة منه دون أخرى .. أو تطبيق بعضه دون بعض .. لأن ذلك مما يضر به ويضعف من نتائجه .. فلا يجوز مثلاً الاكتفاء بالمرحلة الأولى المتمثلة فى تخليص الجسم من السموم الإدمانية دون العلاج النفسي والاجتماعي .. لأنه بذلك سيكون حل مؤقت


وكما أن العلاج وحدة واحدة .. فإنه أيضاً عمل جماعي يبدأ من المدمن نفسه لانه له دور فعال فى انجاح شفائه .. وايضا مشاركة الأسرة نفسها ضرورة فى كل مراحل العلاج .. ويحتاج الأمر أيضاً إلى علاج مشاكل الأسرة سواء كانت هذه المشاكل مسببة للإدمان أو ناتجة عنه.


أن الشفاء الحقيقي لا يكون مقصوراً فقط على علاج أعراض الانسحاب ثم ترك المدمن بعد ذلك لينتكس .. إنما يجب أن نصل معه إلى استرداد عافيته الأصلية من وجوهها الثلاثة .. الجسدية والنفسية والاجتماعية .. مع ضمان عودته الفعالة إلى المجتمع ووقايته من النكسات فى مدة لا تقل عن ستة أشهر فى الحالات الجديدة ..أو سنة أو سنتين فى الحالات التى سبق لها أن عانت من نكسات متكررة .



ومراحل العلاج هى

اول مرحلة .. التخلص من السموم

وهى مرحلة طبيةبحته ..إن العلاج الذى يقدم للمتعاطي فى هذه المرحلة هو مساعدة هذا الجسد على القيام بدوره الطبيعي .. وأيضاً التخفيف من آلام الانسحاب مع تعويضه عن السوائل المفقودة .. ثم علاج الأعراض الناتجة والمضاعفة لمرحلة الانسحاب ... وقد تتداخل هذه المرحلة مع المرحلة التالية لها وهى العلاج النفسي والاجتماعي.. ذلك أنه من المفيد البدء مبكرا بالعلاج النفسي الاجتماعي وفور تحسن الحالة الصحية للمتعاطي.



مرحلة العلاج النفسي والاجتماعي

إن هذه المرحلة تعتبر العلاج الحقيقي للمدمن .. فأنها تنصب على المشكلة ذاتها .. بغرض القضاء على أسباب الإدمان. وتتضمن هذه المرحلة العلاجية العلاج النفسي الفردي للمتعاطي .. ثم تمتد إلى الأسرة ذاتها لعلاج الاضطرابات التى أصابت علاقات أفرادها .. سواء كانت هذه الاضطرابات من مسببات التعاطي أم من مضاعفاته .. كما تتضمن هذه المرحلة تدريبات عملية للمتعاطي على كيفية اتخاذ القرارات وحل المشكلات ومواجهة الضغوط ... وكيفية الاسترخاء والتنفس والتأمل والنوم الصحي . كما تتضمن أيضاً علاج السبب النفسي الأصلي لحالات التعاطي فيتم – على سبيل المثال – علاج الاكتئاب إذا وجد أو غيره من المشكلات النفسية كما يتم تدريب المتعاطي على المهارات الاجتماعية لمن يفتقد منهم القدرة والمهارة .. كما تتضمن أخيراً العلاج الرياضي لاستعادة المدمن كفاءته البدنية وثقته بنفسه وقيمة احترام نقاء جسده وفاعليته بعد ذلك .


مرحلة التأهيل والرعاية اللاحقة

وتنقسم هذه المرحلة إلى ثلاثة مكونات أساسية أولها:

أ- مرحلة التأهيل العملي :

وتستهدف هذه العملية استعادة المدمن لقدراته وفاعليته فى مجال عمله او الدراسه .. وعلاج المشكلات التى تمنع عودته إلى العمل.. او الدراسة اذا كان طالبا .. أما إذا لم يتمكن من هذه العودة فيجب تدريبه وتأهيله لأي دراسة اخرى .. فقد تكون نوع الدراسة غير ملائمه له من الاول وكانت سببا مع اسباب اخرى للادمان ... فنحن نجد كثيرا من الاهالى تضغط على ابنائها لدراسة معينة .. قد يرفضها الابن .. مع عوامل اخرى عدم التواصل مع الاسرة يدفعوه الى الادمان ... ولو كان يعمل نبحث له عن عمل يناسب قدراته ويعيش حياة طبيعية بعد ذلك .

ب- التأهيل الاجتماعي :

وتستهدف هذه العملية إعادة دمج المدمن فى الأسرة والمجتمع.. وذلك علاجاً لما يسمى (بظاهرة الخلع) حيث يؤدي الإدمان إلى انخلاع المدمن من شبكة العلاقات الأسرية والاجتماعية .. ويعتمد العلاج هنا على تحسين العلاقة بين الطرفين (المدمن من ناحية والأسرة والمجتمع من ناحية أخرى) وتدريبها على تقبل وتفهم كل منهما للآخر .. ومساعدة المدمن على استرداد ثقة أسرته ومجتمعه فيه وإعطائه فرصة جديدة لإثبات جديته وحرصه على الشفاء والحياة الطبيعية.
ولاشك ان دور الاسرة هنا ايجابى جدااا فى مرحلة العلاج . فلابد ان يحتوا الابن .. ولايشعروه بانه عار عليهم .. او نظرات الاستهزاء لما وصل له من ادمان ... ويحاولوا مع الفريق المعالج الوصول الى تواجد تواصل بينهم وبين الابن .

جـ- الوقاية من النكسات:

ومقصود بها المتابعة العلاجية لمن شفى لفترات تتراوح بين ستة أشهر وعامين من بداية العلاج ... مع تدريبه وأسرته ايضا على الاكتشاف المبكر للعلامات المنذرة لاحتمالات النكسة .. لسرعة التصرف الوقائي تجاهها.

ولكم منى ارق المنى

تعقيب منى


**كما يتم تدريب المتعاطي على المهارات الاجتماعية لمن يفتقد منهم القدرة والمهارة ..

الاخت نوجى العبارة السابقة تحتاج الى بعض الشرح وضرب الامثلة حتى يصل المعنى لمن يقرأها



كما تتضمن هذه المرحلة تدريبات عملية للمتعاطي على كيفية اتخاذ القرارات وحل المشكلات ومواجهة الضغوط ... وكيفية الاسترخاء والتنفس والتأمل والنوم الصحي

اظن ان العبارة السابقة هى المفتاح الحقيقى لبداية العلاج



الاخت نوجى

اظن اننا نحتاج الى بعض الشرح عن إبعاد المدمن عن البيئة التى تذكرة بالادمان
فقد علمت ان عائلة احد المدمنين باعت السيارة التى كان يركبها ابنها ويتعاطى فيها لان رؤيته للسيارة او قيادتها له تجعل ذكريات واحداث التعاطى تعاودة (( كنظرية بافلوف والكلب ))

وهذا كان بناء على نصيحة الطبيب المعالج . ياريت تكلمينا عن الفعل الشرطى وارتباطة بحالة المدمن وعلاقته بالبيئة التى ترجعة للدمان مرة اخرى

واخيرا لايسعنى سوى تقديم الشكر لك على تلك المساهمة الفعالة
وان كان لديك مزيد من التفاصيل فساكون متابعا لك ومحاورا لما تكتبيه
**

معلومات اكثر من رائعه يا عمو احمد حضرتك بتقدمهالنا


رووووووووووووووووووعه روعه روعه روعه بجد




لحضرتك ياعمو

اشكرك محمد
وكل ماسيصلنى جديد سانشرة

[align=center]نعود مرة اخرى الى موضوعنا هنا
وسنتكلم عن :

اشخاص .......... اماكن ............... اشياء .......

وهى اول مايتعلمة المتعافى
وهى تعنى

اشخاص: الابتعاد عن الاشخاص الذين كان يتناول معهم المدمن المخدرات او يشترى او يبيع منهم او له المخدرات

أماكن وهى الامكان التى كان المدمن يتناول فيها الجرعات
او يشترى منها المخدرات او تذكرة بالمخدرات

اشياء وهى اشياء مادية تذكر المدمن بالادمان
مثل السرينجات والحقن ..... السيارة التى كان يتناول فيها الجرعات ... الكمبيوتر
الذى كان يستخدمة فى الاتصال بالمدمنين او الموسيقا التى كان يسمعها فى لحظات
الادمان وعمل دماغ .



سنتحدث الان عن امر اخرى مرتبط بالامور الثلاثة التى تحدثنا عنا سابقا (( اشخاص /اماكن / اشياء ))

وهى العجز والاستسلام

العجز وهو يعنى ان المدمن ضعيف ويعجز امام المخدرات والاشياء السابق ذكرها وبالتالى لازم ان يبتعد عنها بسرعة ويهرب منها حتى لايقع تحت تأثيرها مرة اخرى


الاستسلام يجب ان يستسلم المدمن الى اراء المعالجين والمشرفين على علاجة هؤلا القوم هم من سيأخذون بيده للخروج من هذا المستنقع ويجب ان يقوم بتنفيذ مايقولون له باقتناع دون معارضة او رفض داخلى

هذا اخر شئ عرفته عن الادمان


دمت بخير [/align]