جوله في بغداد...

تجولت عدسة الرابطة العراقية قبل أيام في عدد من شوارع بغداد التي تحولت بفضل الديمقراطية الأمريكية وفريق العملاء العراقيين وأحدث تجارب الفصل العنصري الصهيونية الى غرف وممرات كونكريتية يتجول بينها المواطنون ليسود بينهم الأمن والأمان والاستقرار والحياة الرغيدة، تحرسهم طائرات شركات المقاولات الأمنية ويسهر على أمنهم جيوش جرارة من المرتزقة..

نترككم مع الصور لتنقلكم الى الشارع البغدادي، ونرجو أن لايتطرق الى قلوبكم اليأس فعندما يطرد الاحتلال مدحورا باذن الله سوف تختفي هذه الجدران في أقل من يوم وستعود المحبة والوئام الى جميع أطياف الشعب العراقي الذين تعايشوا معا لآلاف السنين ودحروا معا كل الغزاة الطامعين...




نبدأ رحلتنا وياكم هذا اليوم من جسر الشعب في الرصافة..
الارهابيين يريدون يدمرون العراقيين فراح نحبسكم عنهم بحياطين كما في الصور التالية..



ثم ننطلق على شارع القناة (بسرعة العربانة) والذي أصبح أطول ممر كونكريتي في العالم!



وتنتقل واجهات المحال التجارية على الجدران.. وهذا أظرف عنوان مو بالله؟



واذا متعرف من وين تدخل للمحلة فراح تضيييييييييع..



الا اذا طلعولك أهل البيت يتلكوك عالمنفذ الحدودي..

ما هي علاقة عقارات عبدالزهرة الساعدي مع عقود السيارات؟ بالعراق كل شيء ممكن!!



المهم أن تعبر بسلام



شلون ضارب دالغة.. الله أعلم كم هم برأسه..



تره بعدنا بشارع القاهرة..



في العراق كلشي مستنسخ.. تريده عادي أو ملون



بس أريد أفتهم شنو هاي الثقوب بظهر السيارة؟ شنو بالعراق يفتحون البنيد بطلقات بدل المفتاح؟



شلون واجهة تجارية رائعة؟



البناية في الخلف كانت أكبر مطبعة في العراق.. هسه حواسم..



باب المعظم..

الفوكس واكن العريقة بعدها تشتغل بالعراق.. والبناية أمامها هي وزارة الصحة



نعم أعرف ركزتوا على الطفل اللي ديبيع باكيتات كلينكس ليعيش.. نموذج للطفولة العراقية البائسة



وزارة الصحة..



ومدينة الطب..



جسر باب المعظم يم وزارة الدفاع.. انتبهو على الرصيف



لالا هذا مو رصيف مخربط وهسه راح يعثر بيه واحد والناس تكول صمله (اسم الله)..
هذي يمكن منصة اطلاق صواريخ تستعد للفتح التلقائي..!



منطقة شارع حيفا كانت ساحة معارك طاحنة.. هسه اقربلكم البناية

اييييه عمارات شارع حيفا.. بس تره ماكو مصاعد والدرج ظلمة اصعد على مسئوليتك



محطة القطار أمام علاوي الحلة.. أكو أبو خليل بالعراق ميعرفها؟



ازدحام مروري رايحين باتجاه المنصور.. أحد انتبه لشخص بوضع غريب بالصورة؟



شكد حلو بالعراق كل شيء وارد..!



دفاعنا المدني على الأرض ودفاعهم الجوي بالسما.. يلله ديسهرون على حمايتنا



هسه لو اللي بيدي قناص مو كاميرة مو جان خوش صيده؟



وعلى فكرة المقاومة أسقطت كم وحدة من هاي بمعارك شارع حيفا



وتحجون عالحزب والثورة.. اي مو حتى مولدات شدينالكم شتردون بعد؟ وتكولون ماكو منجزات
(اعتبارا من 1/4/2008..!!!)




وبطريق الرجعة مرينا على ساحة عنتر



النصب الوحيد اللي ما تفلش يمكن لأن عنتر ما كان من أنصار النظام السابق..
أو يمكن لأن لابس عمامة؟

من بريدي

عزيزتي هيفاء
لا اعرف ماذا اقول لهذه الصوره اضحك ام ابكي
ولكن هي تمثل واقع حال العراق الان وهناك الكثير
من هذا القبيل وبالامس رايت بام عيني اليات وهي
تقتلع اشجار النخيل وهي مثمره وتمنيت لو كان عندي
شيء لكي اقوم بتصويرها ولانني نسيت جهازي في
البيت فلم استطيع التصوير
كل شيء وارد الان في العراق الموظف الذي يعمل
بالمستشفى مثلا يعمل في تنظيم عقود السيارات وهكذا
شكرا لك عزيزتي على الموضوع

العطره

سلام العبيدي

معك كل الحق اخي سلام

فالوضغ اصبح غريب عجيب

الله يستر

كم هي كبيره امنيتي ان يعود الجميع لبيوتهم وحياتهم الطبيعيه

في العراق وفلسطين وفي كل مكان على وجه الارض

اشكر مرورك

وكن دائما مستعد للتصوير

كن بخير دائما