حماااااار العمدة أتسرق

أخوانى وأخواتى
قليلا ما اكتب الفصحى . او أميل إلى العاطفى لكننى دائما مااكتب ضد السلطة والحكومة ... ضد الأعوجاج

أيه رايكم بنغير ما أطول عليكم تعالوا نشوف ايه اللى حصل لما حمار العمدة اتسرق


--------------------------------------------------------------------------------

فى ليلة غبرة مضلمة .ماشفت ليها نهار

قاعد على المصطبة . بحدا باب الدار
بإيدى براد شاى .وقصادى راكية نار
ومراتى بهانة بتطبخ . جوه فى الدوار
وبنتى لوزة بتلعب . ويا بنات الجار
جانى شيخ الغفر . وقالى قوم يا (ح)


من قفايا شدنى
.وذغدنى بالنبوت
حمار العمدة أتسرق
.من تحت شجرة توت
قلت ما يكونش سرح ؟
.قال ده كان مربوط
ياللا ياواد قدامى .
عل دار العمدة فوت
بهانة شافته ضربنى .
فقعت قوام بالصوت
الراجل يامفترى
. ف أديك خلاص حيموت


سحبنى لدار العمدة .
والجلسة كانت منصوبة
الغفر بيدوروا .
والدنيا كانت مقلوبة
ومنافذ البلد قفلوها .
الحيطة ماهى مطلوبة
واحد يقول ده تاه .
والتانى يقول مكتوبة


دخلت وشوفت العمدة .
قاعد وجنبه الزير
حوليه تلاتة أربعة
. تشوفه تقول ده مدير
قلته له ياجناب العمدة .
هو الحمار ده (وزير؟)


لقيت عنيه برقت .
وقال ياواد أخرس
ناقص تقولى عليه .
عضو فى المجلس


ده حمارى لو رشحته
.ف المجلس راح يكسب
حمارى كده زيهم .
لا بيقرا وألابيكتب


أنا قلت ياعمدتنا .
المجلس ماأهو مليان
عيال متأمعه
. وزدوها كمان نسوان
يبدأ ( المسرور)
تلاقى الكل نيام



العمدة قال ياولد
. دلوقتى راح أسيبك
بس لما أعوزك
. فى الحال راح أجيبك



غور من قدامى
. دور على الحمار
وإن ياواد لاقيته.
قدم له اعتذار



وأوعى تجينى هنا .
وتقولى مالقيته
كفاية عليك جرحته
.( بوزير) سميته



أنا قلت فى عقل بالى .. ياريتنى كنت (ح)



يمكن كانو شافونى
. ومسكونى وزارة
أو على الأقل .
خلونى شيخ حارة


ياولاد بلدنا أستنوا
. بكرة يجى تعديل
واللى عنده حمار
.. بكره يبقى وزير

[ALIGN=CENTER]

الحمير كتير
الشاطر الي يوصل لوزير
ويعرف ازاى يؤكل البرسيم
بس ياخوفى من الرمى في البير

شاعرنا الرقيق احمد القادم من مدن الزجل الجميل
عشت معك ورحلتك مع الحمير
امتعتنا كثير

من قلب تقى لك سلام كبير [/ALIGN]

ههههههههههههههههههه
رد جميل .. كم أسعدنى
وكما توقعت رقة مشاعرك وحسن خلقك
كنتى أول الموقعين على خاطرتى
لكى منى كل التقدير والتبجيل
لا تحرمينى من عفوية قلمك

كل ده عشان حمار العمدة

والحمير مترصين في المجالس بلا اي قيمة


العمده بقولهم قومو دورو على الحمار او الكلب بتاعه حيقومو

كلمات ساخره وواقعيه


دمت بخير

[ALIGN=JUSTIFY]العبد الفقير
قصه تحمل بين السطور معانى ابعد بكثير
حين يتربع القرود على العروش
وحين يكون القرار فى يد الحمار
وحين يغنى سعد الصغير بحبك يا حمار
وحين يكون الاغبياء سادة المكان
تظل الرياده للاغبى
فى بلد رواد الحمير
وتقبع الحضاره بين انياب التخلف
ونقل على بلادنا السلام
من القلب للقلب سلام وتحيه عطره
دمت رائعا بقلم تعدى الحروف المنطوقه
لمعانى ابعد بكثير[/ALIGN]
ولاء

أختى الطيبة الرقيقة
حياة
يسعدنى مرورك على خاطرتى المتواضعة
بس حعمل أيه فى موضوع الحمير
معلش لازم نتحملو كلنا
لا تحرمينى من مرورك الدى يسعدنى كثيرا
دمتى لنا

أختى الرقيقة
الفيلسوفة
ولاء
مش عارف أرد بصراحة
دائما ردودك تحمل من التعبيرات ما يعجز الفلاسفة عن شرحها بمجلدات
كلماتك لها عمق بعيد وخطير
فلا أستطيع أمام كلماتك العميقة ألا أن اشكرك وأحييكى
وأقول لكى
لا تحرمينى من مرورك الطيب
دمتى لنا

الأخ العزيز العبد الفقير

هو لازم يكون الوزير او عضو مجلس الشعب حمار ؟؟

هههههههههه

حقيقى امتعتنى بكلماتك

عشان كدة وبفضل المجهودات الجبارة تم تصدير الحمير الى الصين

قلمك جريء واكيد عندك اكثر من هذا الأمتاع فأمتعنا

وفقك الله وتقبل تحياتى

أخى وائل
ربنا يقدرنا بس نستحمل الحمير
مشكور أخى على مرورك

.




أهلا بك أخي العبد الفقير . .

للحمير قصة طويلة مع الكفاح والإستقلال . . وربما يأتي يوم نرى فيه أكاديمية للحمير
أتمنى لو ننتهز الفرصة ونتعلم من الحمير كيفية التعاون فيما بيننا بالعمل الجماعي

شكرا لك




مع محبتيlonely

أخى الحبيب لونلى
ده أول مرور لك على خواطرى
ودى حاجة تشرفنى وتسعدنى كثيرا
لكن انا بتكلم عن الحمير
مش على النحل او النمل
أخى
الحمير مالهومش عمل جماعى
ولو تقصد الحمير اللى انا بتكلم عليهم ده يبقى شيئ تانى
مشكور اخى على مرورك الطيب