((سوى حادث وامه معاه))

قصيدة واحد سوى حادث

وكانت امه معاه في السياره

أعجبتنـــي وحبيت أنقلها لكـــم..

يواسيني وانا الميت وحالي يجبر الدمعات

------------تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

-------------يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

-------------حرمت النفس من حقها وانا ابكيها وتبكيني

وكنه حلم قدامي يقيدني من الصرخات

-------------ابي اصحى ولكني عجزت القى ال يصحيني

فداك القلب يايمه ومهما قلت من كلمات

-----------------صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

---------------صحيح اني ولد طايش وكل ما أسمعه فيني

تجول عيونهم فيني تفصل مني قياسات

------------------وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

------------------وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

-----------------------وصار الهم عكازي اباكيه ويباكيني

عطيتيني بدون حساب ولا سمعتك تقولي هات

------------------وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

------------------واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

-----------------تعالي غيري هالقول واطيعك باقي سنيني

تقبلـــوا تحيااااتي

[align=center]قمرنا كلنا

حقا اختيار رائع وراقي

اعانه الله على بلواه

تحيتي لك غاليتي

ودمتي بخير[/align]