|
رد: غـــــــــــــــزه
[align=center]يا ابو نواف ويا لما وي نور العاشقين
اخوتي
دلوقتي مش وقت مين غلط
كله غلط بلا اي استثناء
كل الحكام العرب بلا اي استثناء لن يسامحهم الله ولا التاريخ
واول اللي غلط حماس
ما هو معلش انت مصر عماله اربع ايام قبل الضرب
تقولك بطل صواريخ بطل صواريخ بطل صواريخ
وانت شغال برضو
مش لما تتضرب بقي تيجي تجري علي مصر وتقولي دي اكبر دوله عربيه وفين دورها واسحب السفير والغي كامب ديفيد
ما انت متخربش الدنيا عندك بغبائك وتيجي تخربهالي انا كمان
وادي يا لما مبارك بيتحرك وبيبعت رسايل كتير
اما القمه فانا مع حكومه السعوديه ومصر ان القمه ملهاش اي لزمه
حيعملوا ايه صحيح بالقمه ؟؟؟؟؟؟؟؟؟؟
حنشجب ؟
حندد ؟؟
ما هو صح حتعمل ايه
اصل حته تبعت جيش في ظل وجود اختلاف عربي كده حبه مع امريكا وحبه ايران وحبه افريقيا وحبه مش معانا اصلا
مستحيل تبعت قوات
يبقي نشوف حل اسرع عقلاني شويه
دلوقتي مش عشان مصر بلدي بس بصراحه ربنا اللي بتتحرك صح هي مصر
رسايل لزعماء كتير في العالم
وزياره وزير الخارجيه لتركيا لمقابله وزير الخارجيه التركي والرئيس
لو الاتنين وعشرين دوله عربيه اتحركوا كده
يارربنااااااااااااا
ولو قطر اللي طلبت القمه رفعت القضيه في مجلس الامن بدل ما هي عايزه قمه عربيه
حيتغير الوضع
هنا بقي لو امريكا رفعت الفيتو
يبقي امريكا حطت نفسها في انه انك بتحارب الارهاب
والارهاب اهو علي عينك يا تاجر اديك بتدافع عنه
تبدا بقي تروج لقضيتك صح في الاتحاد الاوروبي وروسيا والصين وكده
ده التفكير الواقعي الصح
مش اطلع اشتم (علي فكره انا كنت بشتم في اول يومين وضغطي علي اخره)
ولو حد ليه وجه نظر واقعيه تانيه ياريت يعرضها
بالنسبه للمعبر
علي فكره توفي انهارده ضابط مصري وشاب فلسطيني اثناء التدافع
وده اللي بيحصل عشان ضرب نار في الهواء
التنظيم يا جماااااااااااااااااااعه
مش منع الدخول زي ما اللي بيقعوا بينا بيقولوا
رحم الله الشهيدين المصري والفلسطيني
[/align]
|