|
رد: كلمات من الزمن الجميل - فريد الأطرش
ياأبو ضحكة جنان مليانه حنان
اضحكها كمان وكمان
ياابو ضحكة جنان
خليك فرحان وأضحك على طول
لك ضحكة جنان شئ مئ معقول
تشفها الروح عمرها بيروح
وتخش القلب مع الف رسول
لها صوت بيقول انا مش مسؤؤل
لو حد اتحير او بات مشغول
واضحكها كمان وكمان وكمان
ضحكتك الحلوة شوف رايحة لفين
نطقت فى خدودك على تفاحتين
ولأول مرة تشوف العين
الفاكهة بتطرح على عود ياسمين
والروح والعين تاهوه الاتين
يلاقوها ياقلبى منين ولا منين
واضحكها كمان وكمان
ياابو ضحكة جنان
الدنيا بحالها فيها إيه له امان
غير قلب حنين يجمع الخلان
على ضحكه تنور ليل الحيران
والنبى بتصحكها ياابو ضحكه جنان
قلبى الولهان محتاج لحنان
املاله ياروحى وخليه عطشان
واضحكها كمان وكمان
ياابو ضحكة جنان
========
زمان ياحب
ياما غلبت فيا
وعمر الشوق
ماعدهوش عنيا
واتارى المستخبى مستخبى
واتارى الحب شئ مكتوب عليا
على جبينى هواك مكتوب
ومين يهرب من المكتوب
حبيت حبيت انا انا حبيت
زمان ياحب
ياما غلبت فيا
غلبت كتير ولاقدرتش عليا
وعشت العمر ويا الناس
وقلبى مالهوش مكان
فى كل الدنيا ديه
وياك ياحبيبى لقيت
امان وصحبه واهل وبيت
حبيت حبيت حبيت
انا انا انا حبيت
يا أحلى شئ فى الكون
ياروح الروح يانور ياعبير
عيونك أحلى خاطر لونه
صوتك وشوشة عصافير
يااحلى مافى عيون الليل
واجمل مافى خدود الورد
انا فى حبك قاسيت الويل
ولايعتب عليا حد
اذا حبيت واذا خبيت
وحتى عنك ياحبيبى داريت
حبيت حبيت حبيت
انا انا انا حبيت
|