عرض مشاركة واحدة
قديم 31-01-11, 02:15 PM   #1
 
الصورة الرمزية خبرة الرجيم

خبرة الرجيم
يا هلا نورت المنتدى

رقم العضوية : 15282
تاريخ التسجيل : Jan 2011
عدد المشاركات : 1
عدد النقاط : 10

أوسمة العضو
لاتوجد أوسمة لـ خبرة الرجيم
يغمز رحلتي مع الرجيم ( فلنبدأ معاً نحو الرشاقة الحقيقة )


رحلتي مع الرجيم ..

الاسم: ع ع م ..
العمر: 26 سنة ..
الوزن: سابقاً 139 كيلو جرام ... الوزن الحالي 91 كيلو ..
الطول: 173 سم ..

بدأت في محاولات عدة لأنقاص وزني .. تخيلوا أنني جربت رجيم من رأسي .. أسميته رجيم ( التوست والفول والجبنه) ممكن لأني غبي ماكنت أعرف وش معنى السعرات الحرارية ووش النشويات والسكريات وخلافها ..وأستمريت على رجيم الفول والجبنه وزد في رصيد الشحوم 3 كيلو في أسبوعين ماشاء الله ..

أهم شيء جت عيني يوم من الأيام على كتاب برنامج غذائي أسمه (الرجيم الكيميائي) لدكتور ناسي أسمه أسمه طاهر حمدي أو حمدي طاهر .. وفعلاً أستخدمته لمدة شهر وعشرين وكان وزني يومها 126 كيلو ولله الحمد نزلت وزني إلى 109 يعني حدود 17 إلى 18 كيلو ولله الحمد أهم شيء فرحت بالإنجاز ورحت أأكل زي ما أبغى وكبسات ومندي وشوايات وكل أنواع الأطعمه والحلويات والعصيرات وبعد أربعه شهور رجع وزني إلى 139 كيلو ..! تخيلو الفرق ياجماعة الخير أهم شيء تعبت نفسياً وجلس على هالوزن ممكن 6 شهور ثانيه .. وبعدين حصلت ورقة أعلان مرمية تحت الباب والظاهر اللي رماها واحد من الجيران لأنه عارف أني سمين ولازم أنزل وزني .. فتحت الورقة حصلتها دعاية لمستشفى (علاج) عندهم برامج رياضية ورجيم وحاجات حلوه ورحت على طول لهم وكان وزني حينها 139 وبعدها سووا لي تحاليل وكشف وأسئلة ..! وأستمريت على هالرجيم ونزلت إلى 116 كيلو .. في غضون 3 شهور .. وثبت وزني إلى العام اللي بعدها وبدأت رجيم خليط من الرجيم الكيميائي ورجيم مستشفى (علاج) يعني أسبوعين كيميائي وأسبوعين (برنامج مستشفى علاج) ونزلت وزني إلى 91 كيلو جرام أدري أني باقي دبدوب ولكن ممكن الطول يفيدني شوي لأن طولي زي ماذكرت 173 يعني صرت أحلى من أول وكل اللي يعرفوني قالوا مستحيل تكون بهالجمال وين كنت مخبيه ..

وطبعاً الرياضة الرياضة الرياضة مهمه جداً لأبعد الحدود لأنها عمليه تكامليه يعني رجيم ورياضية ورياضة ورجيم مستحيل تنحف/ي وأنت ماطبقت هالحاجتين .. والحمد لله آنا أللحين ناوي أماشي على رجيم التمر واللبن وببدأ بكرة وأن شاء الله عزيمتي تساعدني أني أوصل إلى الهدف المنشود بأذن الله ..

الكل يعرف رجيم التمر واللبن ولازم اللحين يشاركني أحد عشان نبدأ سوا ..

أنا أشوف أن الحل في شيء واحد بما أن هالأسبوعين إجازة نستغلها في الطاعة والرجيم مرة واحدة .. ممكن ما في أحد فهمني .. بس راح أفهمكم ..


خرّج الإمام أحمد من حديث أبي سعيد الخدري رضي الله تعالى عنه عن النبي صلى الله عليه وسلم قال: "الشتاء ربيع المؤمن" وزاد فيه: "طال ليله فقامه، وقصر نهاره فصامه".

فلماذا كان الشتاء "ربيع المؤمن"؟

لإن المؤمن يقدر في الشتاء على صيام نهاره من غير مشقة ولا كُلفة تحصل له من جوع ولا عطش، فإن نهاره قصير بارد، فلا يحس فيه بمشقة الصيام".
هنا لنقف لبرهه .. بما أن الجو بارد والجوع نتغلب عليه بالصيام فهي طريقة مجربه فبدلاً من أن يكون الرجيم شيطانٌ رجيم فل يكن صيام يبعدنا عن الجحيم .. ومنها حجه وحاجه ..

جدول :
السحور قبل الفجر : 7 تمرات وكوب لبن ..
الأفطار بعد المغرب : 7 تمرات وكوب لبن ..
العشاء الساعة 10 : 7 تمرات وكوب لبن ..

واليوم الثاني نصوم وهكذا ..

نستغل الرجيم لطاعة وشوفوا كيف ربي راح يجازيكم ..

وأنا سألت شيخ عن الرجيم وحرم النفس من الأكل قال لي ( بدل ماتسوي رجيم صوم أستغل الأيام بالصيام لك الأجر والأجرة والفائدة المرجوه من الرجيم ولكن في قالب صيام .. ولابد ان تكون النية للصيام ومن ثم للرجيم والله راح يساعدنا بأذن الله ..

لنجرب هالأسبوعين ونبدأ مع بعض ونشجع بعض وبأذن الله ربي ييسر الأمور ..

طبعاً للمعلومية ( اللي يقول أن التمر واللبن يسبب آثار جانبيه فل يتذكر أن غذاء الرسول صلى الله عليه وسلم كان على التمر واللبن ) جميل أن نكون على خطى الحبيب حتى في الرجيم .. أعلم بأن الحاجة هي من أضطر رسولنا الكريم للأستمرار على أكل التمر وشرب اللبن ( وبيت لا تمر فيه جياع أهله ) يعني الرسول صلى الله عليه وسلم ماقال ( بيت لا كبسه فيه أو حلويات ) قال صلوات ربي عليه وسلامه ( تمر ) والأسودان هما تمر واللبن ..!

يداً بيد نحو الرشاقة ..

وإي أستفسارات أو طلبات أو شيء أطرحوها هنا وناقشها سوى ولا تخافوا أنا خبرة في هالمجال 26 سنة معاناه مع السمنة ..


التعديل الأخير تم بواسطة zahrah ; 20-10-21 الساعة 09:34 PM
خبرة الرجيم غير متواجد حالياً   رد مع اقتباس