30-07-02, 07:46 PM
|
#1
|
رقم العضوية : 48
تاريخ التسجيل : Jun 2002
عدد المشاركات : 915
عدد النقاط : 10
أوسمة العضو
لاتوجد أوسمة لـ عاشق الورد
|
 |
|
وقابلته ... وشايفاه بيتالم
[c]
وقابلته وشايفاه بيتألم
سلمت عليه فات ماتكلم
وندهت عليه ... جاوبتني عنيه
ولمحت الحزن مغطيها
وضلمة جاية تداريها
وسألته ياعيوني بتبكي
تعالى على صدري وإشكي
واحكيلي ايه اللي جرالك
اشكيلي وروحي سامعالك
والتفت لي ومد ايديه
والدمعه فرَّت من عنيه
وقال ياروحي أنا مسافر
وقولي بس انا أعمل ايه
وساعتها شفت ان الدنيا
سحابه سودة وف ثانية
ونبض قلبي قام يجري
ولقيتني تايهه ومش داريه
ولاقيته عمال يواسيني
وقاللي إصحي يانور عيني
دانا قلبي عمره ماينساكي
بس الفراق كان على عيني
ماتزوديش حزني بأحزان
خليني أقدر ع الحرمان
وكوني في الغربة هدايتي
وكوني في الصحرا البستان
واتاريه قابلني ولا سلم
من خوفه لقلبي يتألم
وخوفه كان والله حقيقة
ياريته مارد ولااتكلم
وملكت نفسي وكلمته
وبكل إحساس ودعته
ووصيته يبعت جواباته
ومليت عنيا انا بصورته
لقيت ايديه حضنت ايدي
والدم واقف في وريدي
وقاللي ياحياتي انتي
يافرحة دنيتي وعيدي
ح ارسم لك صورتي ف جواباتي
واشرح لك فرحي وآهاتي
واتملى ف صورتك واكتب لك
وابعت لك أحلى ابتساماتي
فاتني اللى كان سر وجودي
فاتني ودمعي على خدودي
ولقيته غرب واتغرب
وودعته .. وداعي لمولودي
****
مع 
عاشق الورد
[/c]
|
|
|