السلام عليكم،،،،،،

اسعد الله ايامكم بالخير اخواني واخواتي زوار واعضاء منتدى الزهره ،،،،،

اولا اعذروني على الغياب ،،،،،

هذه قصيده جديده بعنوان (( ليه تبعد )) بعد الغياب ،،،،،

عندما تحب شخص وتخلص له وهو يستغل حبك لنفسه ولا يبادلك الحب ،

ولاتفه الاسباب يختلق الفراق والزعل ،وعندما يهجرك فجاءه ثم يعود

الليك وكانك من اشياءه القديمه اللتي يعود لها متى ماشاء هنا لابد ان يكون

لك وقفه ،،،

اخواني اترككم مع القصيده ،،،،،

حياااكم ،،،



[c]كنت احسب انك حياتي واتغنى بالقصيد
،،،،، كنت احسب انك دياري بعد ماكنت الغريب

كان قلبي لك مطيع وكان قلبك لي عنيد
،،،،، كنت لي حبي وحياتي وانا ماكني حبيب

ليه تبعد ليه ترحل ليه تتركني وحيد
،،،،، ليه ترحل من حياتي وليه عن عيني تغيب

ليه عذبت الخفوق وليه نشفت الوريد
،،،،، وليه ترضالي اعيش بجرح لا يمكن يطيب

ليه تنسى ياحياتي حلم الايام السعيد
،،،،، ليه تهدم ما بنينا وتوقد فقلبي لهيــــــــــــب

ماحسبت انك تخون وتنسى في حبك شهيد
،،،،، مات من ظلمك وجورك بالمحبه مستصيب

جيت ،،، ويكفيني ملام ونار من غدرك تقيد
،،،،، جيت بسهوله تعذر ،، بعد ما كنت المصيب

لو تقول اسف حبيبي مأظن انها تفيد
،،،،، مأظن العذر ينفع ،،، العذر ماهو طبيب

خلني روح وتوكل روح يا حبي بعيد
،،،،، خلني باقي حياتي عايشٍ هم ونحيب

لا تأسف ،، لا تندم ،، لا تقول ولا تعيد
،،،،، روح بدموعك تراها لا تودي ولا تجيب





المعنّى الشريف



[/c]