20-05-03, 01:48 AM
|
#1
|
رقم العضوية : 48
تاريخ التسجيل : Jun 2002
عدد المشاركات : 915
عدد النقاط : 10
أوسمة العضو
لاتوجد أوسمة لـ عاشق الورد
|
 |
|
قصيدة جديدة علشان الزهرة وعيون الزهرة
[c]
ونحلم قد مانحلم
ياريت الحلم يتحقق
ونرسم حلمنا الوردي
نبص نشوفه ونصدَّق
نصدَّق إننا في جنة
وننسى الغربة وعذابها
نمنِّى نفسنا بيها
وتفتح بالهنا ابوابها
تجمَّعنا وتحضنا
تحدد فين خطاوينا
وتسعدنا .. وتفرحنا
تجدد الحياة فينا
وييجي الشوق بأفراحه
ونركب يوم على جناحه
ونملا بالهنا قلوبنا
وننسى الحزن وجراحه
مانلقى في الوجود غيرنا
ويبقى الخير على ايدينا
وكاس م الحب يسكرنا
وروض م الزهر يطوينا
تهفف نسمته الحلوة
على قلوبنا .. تصحينا
نفوق نصحى على غنوة
بتطربنا وتشجينا
تقولها يمامةعلى غصنه
ونلقى كلامها يحيينا
تهز قلوبنا أفكارها
وتسري الفرحة في عنينا
ولما نعيش في دا كله
نقول يارب إعطينا
وحقق حلمنا الوردي
وخللي الحزن ناسينا
مع 
عاشق الورد
[/c]
|
|
|