السلام عليكم .. اعتذر عن غيابي الفترة الماضية
بصراحة ترددت في طرح هذه القصيدة .. لأني ما احب أقدم الا شي يناسب ذوقكم ..
تقبلوها بصدر رحب واعذروني على التقصير ..
وتفضلوا.. شاعر الخيال يحييكم ( السيف الخيالي )

[gl][c]
(( .. الساهية اللاهية .. )) [/c]
[/gl]

يا ساهية عني ترا الودّ ما زال

____________ كل الوفا لك واصدق الشوق محمول

يا لاهية مهما افترقنا على البال

____________ الْهي على كيفك وان عنك مسؤول

اشتقت لك بالحيل يا طيب الفال

____________ دمعي على فرقاك من كثره سيول

دايم تباريني على بعدك احوال

____________ لكن هواكم يا غلا العمر مشيول

اقسم بايات الله ما غيركم نال

____________ هزة خفوقي ترتجف لك على طول

ما بسألك عن غيبتك يا ضنى الحال

____________ وانا مقدّر لا تبرر ولا تقول

صار الوله فيكم من الشوق موال

____________ دايم اغني به ..لو الصوت مصحول

انا اشهد انه طال يا لوعتي طال

____________ بعدك عليّه ..بس .. بالغصب مقبول

في غيركم قلبي تململ ولا مال

____________ وانا اشهد الله عنك ما عندي ميول

هيا تعالي واسعدي يا ابنة الخال

____________ باللي عطاك الحب والود مجمول

برخص على لقياك يالغالي المال

____________ والروح ترخص لك على عهد موصول

وان كان دمعك في مغليّك ما سال

____________دقي على موت الهوى عشرة طبول

باصبر على ظيم الزمن مثل ما قال

____________ هذي حظوظ العمر والحظ مقتول

لاني فريد في الزمن غاب له غال

____________ ولاني وحيد العشق ما طاب له نول

والمشكلة نمشي على غير منوال

____________ لا هو رحم شوقي ولا عندي حلول

الصبر ناوي به عسى الصبر فعااال

____________ والسيف برّاق القصايد ومسلول

وسلامتكم

رسالة المنتدى
عفوا . . . عدد مشاركاتك لا يؤهلك لإستخدام نظام الرسائل الخاصة في الوقت الحالي