،، صباحك أنيق أستاذ حسين يعقوب الحمدانى،،
،،
•°• خيمة شعراء جمعهم مكان وزمان وتاريخ مضي عهده وهاهم الأجيال من بعدهم يعرضون بفخر ماقدموه،،
،، أسلافهم واعتزاز بهذه االتجمعات الثقافيه ،،
،، ذكرنى هذا المجلس بسوق عكاظ وملتقي الشعراء و سيوف حروفهم تتبارز وتشق السمع والفؤاد،،
،،
♤♧♤
،،
أسمح لي زميلنا الحمداني بأن أضيف حبقة من مخزوننا الشعبي من شعراء الباديه الليبيه،،
،، وهنا يكمن الاختلاف الكلى بين شعراء العراق وليبيا،،
،، بحكم اغلب القصائد المدونه الأرشيفه منهجها واحد وهو التخاطب بلغة البدو اي القصايد النبطيه،،
،، وسأعرض مما جاء بملحمة تنافسهم الشعري بتلك الملحمه الفكريه،،

♤♧♢

،،

لشاعر ( حســـــن شاكــــر الهونــــي )



احد شعراء الجفرة وله مشاركات عديدة في بعض الملاحم وله مساهمات شعرية متعددة ولعل من اشهر قصائده .. قصيدة الاجواد التي يقول مطلعها :




لجواد عندهم عندي أقدار عظيمة .. ولنذال مالهم عندي شرف لا قيمه



نعود لملحمة ( ما زلت نا هو نا ) فيقول الشاعر :


مازال عندي همه .. ومازلت ما بين العرب نسَّما

ومازال كلمتي تجمع الشمل تلمه .. عندي الداني والبعيد سوا
ومعا الناس صاحب حق عندي ذمه .. ولد بيت ما نقدر ندير خطا
وبيت سر للصاحب وشايل همه .. وحكمة نعالج ف لهموم بها
وديمه على غيري مفرج غمه .. رضي والدي منه خذيت ارضا
ولو نقص عندي بالمديح انتمه .. امغير ذكر المبادي للشباب دوا
وكل شاب ياخذ درب بوه وعمَّه .. م الجيل لولي ناخذ دروب حيا
لنا سلف صالح والوفا في دمَّه .. لو يموت ما يرجع عالمبدا
ويهيج البحر مرات عنده جمَّه .. ومواج تلاطم عاليات اقوا
عندي على بو ميم ضافي كمَّه .. قصائد سماح امسجله ذكرا
غلا من مركبلي رجيف وحمَّه .. منه انطبب في جوح غلا
الجرح القديم نضمده وانضمه .. يعاود علي ينزف نصيب ادما
كاس الغلا في الجسم زرع سمَّا .. ما عد نافع في عزاي عزا
نطلب المولى يسلمهن من همَّه .. انظاري وعقلي في الظلال سوا
مازلت نا هو نا



ما زلت نا هو الاول .. صابر على جور الزمان امهول

وحظي امجرب في الرقاد يطّول .. ويمرن عليه اسنين ما يصحا
لو انموت لا نطمع ولا نسّول .. ولا عبد منه نطلبه الرجا
ثابت على مبداي ما انتحول .. وما يوم ملواجب طلبت اعفا
من غير ربنا ما حد عليه انعول .. هو اللي خلقني ملعدم نشا
والحاسد امفيت الحسد ايش ينول .. والحسد ثبت في قلبه امخلف دا
ما زلت نا هو نا



ما زلت في تياري .. الشباب في نما عقلي وبين افكاري

والكبر له اشاير غير انواري .. نص قرن كي دوبه علي مضا
وامجرب وراسم في الحيا مساري .. وعلى من ظلمني ما انرد كفا
كل شي محصي في اقلام الباري .. واللي تعمله عنا تنال جزا
وصادق وقول الحق له جهاري .. يالحق رافع ربنا السما
وامسالم وكاسب بالموده جاري .. متواضع وسالكهن ادروب الله
وأن كان م الزعل مرات تشعل ناري .. نسرع نطفيها بجرعة ما
انخلط انوازي وللشعور انداري وعايش حياتي بين ناس احيا
اوواخذ علينا الشعر نص نهاري .. هايم معا نفسي صباح مسا
ولعمار علم غيب اطول والا اقصاري .. وعارف الدنيا مش دار بقا
مفروضة عالنايم وعللي ساري .. رحلة نهايتها تكون فنا
مازلت نا هو نا

♤♤♤

,, رد أخر على الشاعر من طرف الشاعر الاتى ،،


رد الشاعر : عبد الله بالروين



ما زلت نا هو نا .. حتى أن كان شيبي عل السواد طغا .. نشاد ع القدم




ما زلت نا القديم ... حذاي وين ما يطروا اولاف أنهيم

وبخصك وين علي المواهيم .. بانت وجابني لهن الخطا
إيسيلن كما سيلت دموع إيتيم .. أرقاق الغرض علي قديم غلا



ما زال لي أبعاد .. ومازلت ديــــــــــــما عل القدم نشاد

ومازال قلبي بالغلا وداد .. إيزيد فيه عطاه مع الخليل عطاه
وما زلت نعشق سمحة الميعاد .. وأنرايف عليها أن حازها الجفا



مازال في وجّاب .. ومازلت نلقى للسوال جواب

ومازلت كي يخطر نظيف الناب .. الأنظار يهطلن هطلت نزيل أشتا
ومازال عل الماقي إيحوس ضباب .. إحذاي وين ماعاشق اولاف طرا
ومازلت حامل في الكنين عذاب .. ولا تنكتب قولة أفلان شكا
ومازال في قلبي وميض شباب .. لولا الشيب اللي الراس غزا
فيا إيكر لجيهة الشياب .. كرة ضعيفة من أحذا الاقوا

♧♤♧

رد الشاعر : احمد عبدالرحمن الشلوي



مازلت نا هو نا .. نصون الغلا ماني عديم وفا .ز ان جيت للوفا



مازلت صاين ودك .. ومازلت طامع فالزمان يردك

ندزوا وجاهه يطلبو في يدك .. يجيني بعد ياسات ومراجا
وانتي فالسماحة ما لقينا ضدك .. علي كثر ما رينا وجوه نسا
سماحة عيونك والغثيث وخدك .. عرش الجمال تصوقريه بها
ما تلوم هاللي ينحرم من ودك .. ان كان كمّله عمره عليك ابكا



مازلت فيك نراجي .. ومازلت كامي لوعتك ونداجي

يمكن لصوبي والغلا تحتاجي .. تجيني وتلقيني نظيف نيا
مع الزين نستانس يروق مزاجي .. والعفن ماعندي عليه عبا
علي شان بومضحك مثل العاجي .. نخش الخطر لو تم فيه دما
خطرها لقصقالك نعود ادراجي .. هو اللي مسببلي نصيب كدا
فيك وسط طايب حركته رجراجي .. ومضحك علي لون الجليد سوا
وما نظن نبقى من سريبك ناجي .. الله وعلم تبقى لي سبايب دا
غباوين في شانك نويت نقاجي .. لو يبقو جميع الناس لي عدا



ماولت وافي عهدي .. ومازال صوبك في مكانه عندي

ومازلت صادق في الغلا من جدي .. مجروح وانتي في غلاك دوا
وراه الخيانة عالبنادم تردي .. تدعي الناس يصيب فيه دعا
وشين النوايا عالعرب والحسدي لا بد ما يشقى ينال جزا
في الآخره وين الرحيل يعدي .. يندم على مادار فالدنيا

♤♧♤

،، هذه كلمات شعرائنا واعتذر لربما لن يفهم بعض كلماتهم فهي صيغت بهذه المعانى ،،