ماني معك ولكن أشيائي معك
كنت احسب ان قليلي بعينك كثير
واثر اللي اسوّيه .. ما يفرق معك
يوم انتثرت من العواصف والهجير
انا الوحيد اللي بديني جمّعك
واليوم يوم انّه نفح منك العبير
يا ورد صرت اتجرّح اللي يزرعك ؟
ماكان هذا الظن يا الحلم الكبير
خل الظنون اللي تغرّك .. تنفعك
انا الغلا عندي اشوف انّك بخير
وانت الغلا عندك هو انّي اخدعك
انا احبّك بس ماهو للأخير
يعني تبيني اتبعك ؟ .. ما اتبعك
انا جهاتك الاربعة وانا المصير
وانت اقصر اصوات القديم ومسمعك
بكره تعلّمك الليالي وش يصير
وتعرف وش ضيّعت واللّي ضيّعك
رح قد ما تقدر واذا بتطير طير
ماني معك .. ولكن اشيائي معك
سعد علوش
توقيع : هيام1
قطرة الماء تثقب الحجر ، لا بالعنف ولكن بدوام التنقيط.
زهرة الشرق
|