الله يلعن قناه الجزيره

قناه الجزيره علي عكس كل قنوات الدنيا كله مهتم بالجريمه الأسرائيليه والأحداث وقناه الجزيره مهتمه بمصر وسب مصر والمظاهرات ضد مصر وتصريحات أمير قطر العنتريه...

في حين أن أساساً وقت ضرب السفينه مرمره وأسطول الحريه كان في الدوحه وزير التجاره والصناعه الأسرائيلي وقاتل أسري 67 المصريين بنايمين بن أل عازر موجود في الدوحه
وبعد العمليه بساعات صرح من الدوحه أن موافق ويؤيد العمليه التي تساعد علي أمن أسرائيل
طب قطر طردته ؟؟
أبداً أمير قطر قالك نعملك أجتماع طارئ والعروبه والعرب واللي جابوهم وإلخ إلخ
بعد التصريح التلفيزوني للجزيره بســــــــاعه
كان علي مائده واحده مع السفاح الأسرائيلي بيتناولوا غذائهم
ولسه لهذا الوقت وليوم الغد موجود هناك

وطبعاً قناه الجزيره مسمعتش عن الموضوع ده عكس كل قنوات الدنيا

ده اللي عملته قطر
في حين بقي بص أيه اللي مصر عملته

الرئيس مبارك أمر منذ فجر أمس بفتح المعابر من الأتجاهين وبلا أجل زمني ودون ترتيب مع الكيان الصهيوني نكايه في أسرائيل وفي مافعلته من خرق للقانون الدولي وللأدميه بشكل عام
وبدأت مصر تعد من نقابه الأطباء من الأسكندريه حمله ضخمه جداً ستتجه لغزه في غضون الأيام القليله القادمه


قناه الجزيره مذاعتش أي أستنكار لأي رئيس عربي
إلا مصر طبعاً وتصريح أمير قطر(نجمي قناه الجزيره)

حتي وشوف قله الأدب
اما أستضافوا أنهارده مستشاره الرئيس السوري دكتور بشار الأسد
فالمذيع بيقولها معاكي دقيقتين وهي أتغاظت جداً وردت رد عجبني
قالتلهم كان قبلي المسئول الأسرائيلي بقاله نصف ساعه كامله وأنا عربيه تقولي معاكي دقيقتين ده أحنا بنطلع في القناوت الأوروبيه وبنبوس أيدهم يزودوا الوقت عشان نوضح وجهه النظر العربيه وأنت قناه عربيه زيهم ؟؟

المهم مدوش ليها غير الدقيقتين بالفعل وأنهوا معاها..ليه ؟؟
لعرض خطاب الأسد الجسور أمير قطر بعد ما تناول وجبه الغذاء مع بنيامين بن أل عازر بالهناء والشفاء وبطنه ملئت


ده يار اجل لما كانت تحصل مشكله بين مصر والجزائر
في القاهره أو في ام درمان
في لمح البصر كانت تعرضها ومن عاليوتيوب
رغم أن مفيش قناه محترفه تعرض من اليوتيوب أبدا

أنهارده مصر والجزائر أتصالحوا والرئيسين كان لقاء حميمي بينهم في فرنسا بيعكس الحب المتأصل بين مصر والجزائر مهما فعلت كره القدم

لكن طبعاً قناه الفطيره أسف الجزيره ولا حتي حطت الخبر في النيوز بار اللي تحت

هي بتعرف تشعلل الفتن لكن مبتحبش تطفيها

أول أمبارح حدثت أستقاله جماعيه لخمسه من أشرف مذيعات الجزيره المشهورات بعروبتهن وذلك لعدم موافقتهم علي أمور داخليه خاصه بسياسه الدوله القطريه في القناه لم يعرضوا لها

حسبي الله ونعم الوكيل في تلك القناه العميله علي الأمه العربيه