جاء عيد الحب ؟
شعر شعبي عراقي -منقول
گالولي إجاك عيد الحب إلمن تعايد ..
گلتلهم ما تدرون العراق هو الحب وبگلبي مزروع وگاعد
گالوا: أأهووو .. كافي نفاق .. عفت العراق ..
بيا عين تحجي وتعاند ..
گلتلهم العراق يجري بدمي وما يقل حبه مهما أباعد ...
گالولي إنته مجنون الله يعينك أكيد للعقل إنته فاقد .....
گلتلهم هو المجنون بحب الوطن تگولوله الله يساعد ..
ولكم هذا بيتي وهذا عمري وهذا حياتي والله الشاهد ..
ولكم العراق بي دجلة وإله خمس روافد ..
لكن المحنة بي سادس رافد ..
ولكم العراق بي الفرات بگرمة علي يلتقي ويا دجلة ويتواعد .....
ولكم العراق بنته بغداد ..
منو ما يحبها ونيران گلبه صفت بركان خامد ..
إذا بعتوا حبها?? لا والله لأخر نفس بحبها صامد ...
وإذا نكرتوا العراق أني لترابه منحني وساجد ..
گالولي:: كااافي متبري منك الحب بتهمة متغرب وشارد ..
گلتلهم:: وشنو يعني ?????
هو حبي وبيتي وضحكتي ودمعتي وما أزايد ..
وإذا يتبرى مني الحب??
أرسم العراق على گلبي وأگول
هذا الحب عندي أحلى وأغلى واحد
|