منتديات زهرة الشرق - عرض مشاركة واحدة

okkamal · 11-11-09, 02:48 PM

المشاركة الأصلية كتبت بواسطة elmar7om.se7e

السلام عليكم ورحمه الله

[read]وان كان فى السخريه فهذا ايضا هنا مكانه[/read]

اقرأى جيدا بنر المنتدى للتسليه والترفيه

ستجدين للتسليه والمسابقات والمواضيع الساخره

ومادمتى ستناشدين المسئولين لعمل مدافن فى القمر

[read]انا عندى واسطه تخلينى ادفع نص تذكره

على الأقل لو حصل وصحيت تانى ابقى اتفرج عليكم من فوق[/read]

هههههههههههههههههههههههههههه

[read]حدش عايز يجى معايا ويدفع هو كمان نص تذكره ؟؟؟[/read]

وانت[read] ياعم الحاج الف سلامه عليك من الروماتيزم [/read]

انت لسه صغار على الحاجات دى اومال لما تقفل الستين هاتقول ايه

انا عارف انت مش هاتقول انت هاتعمل

ههههههههههههههههههههههههههههههههه

تحياتى وتقديرى .

الاخ الحبيب المرحوم

1- انا هناديك بعد كده باسم ابو العيال
لحسن يخشلنا حد يعلق ويقولك اش عرفك انه تبع المرحومين

2- طبعا - وانت تتفق معى فى هذا - صحيح ان القسم للتسليه والسخرية
ولكن انت تعلم جيدا انك وانا معك نستخدم القسم للكومديا السؤوداء احيانا
ونستخدم الاسقاطات لما يجيش فى النفس من مرارة باسلوب مضحك ( او فانى كما يقولون بالانجليزية ) [read]وهذا الاسلوب لم ابتدعه انا او انت وانما هو مستخدم من قديم الزمان سواء بالكلمة او بالكاريكاتير ورحم الله
الشاعر الكبير صلاح جاهين ... وربما يعجبنى كثيرا اسلوب احمد رجب وبلال فضل ... ولذلك اميل الى السخرية مما نعانيه من اوضاع فى صورة كومدية.... فمن ناحية نتسلى ونضحك ومن ناحية اخرى نخرج من
داخلنا مانشعر به من مراره ولكن ربما لاينتبه البعض الى تلك الاشارات وهذه الاسقاطات [/read]

3 - بخصوص موضوع الروماتيزم فده سببه كثرة زيارات الاصدقاء اصحاب العشوائيات
وانت عارف ان اغلب صحابى منهم ومن الحرافيش امثالى وامثال معاليكم

4- بخصوص موضوع النص تذكرة بتاعة القمر فانا عايز اعرف سببها ايه هل انت تبع الفئات المتميزه
كالجيش والشرطة ولا انت عندك واسطه جابتلك تخفيض ؟؟؟؟

فيه واحد اعد جانبى بيقولى ماجايز عامل اشتراك فى المدافن من كتر مااندفن قبل كده

فقلتله والله جايز حاكم اخونا _(( ابو العيال )) غاوى شقاوة وكل مايذهق من حاجة يروح يغضب ويندفن كام يوم لحدمانروح نصالحة ونرجعة تانى ونعطيه الوعد ان كله تمام تمام تمام وان كل السلبيات موضوعة قفى خطة الاصلاح بس انتم ياشعب ساعدوا معنا شوية وبطلوا خلفه .. والا نطبق عليكم بقى شغل الصين ؟؟؟
اصل اللى مجنن المسؤلين ازاى مع كم المشاكل اللى حطونا فيها عندنا مزاج وبنخلف !!!!!
فلازم نخف شويه - وانت بالذات - من العند معاهم لحسن انا سامع ان فيه قرار اقتصادى جديد ناوين ينزلوه ويخلوا نص المواليد من الذكور اغاوات .... عموما احنا والحمد لله عدينا من الموضوع ده ... بس الواد الغلس اللى اعد جنبى بيقولى ممكن يعملوا خطة قصيرة الاجل وياخدوا فى الرجلين الناس اللى زينا وانا خايف ومرعب ياصاحبى

5 -اما بخصوص البص والبحلقة على خلق الله من فوق على اللى تحت فانا هشترك معاك فى افكره بس ماتنساش ناخد معانا نظاره معظمة من بتوع الرؤية الليليه يمكن الكهربا تنقطع هناك نبقى عاملين حسابنا وماتنساش كمان
ناخد ميه فى الزمزميه يمكن نلاقى مرفق يماه القمر قاطع الميه علشان الماسوره بتاعة المريخ ضربت
بس فيه مشكله بقى انا مش عارف انت هتعمل فيه ايه ان كان الصرف الصحى مسدود او المجارى بنظام الطرنش هيبقى موقفنا ايه ساعتها ؟؟؟؟
انت كنت قلتلى انك عايز تشارك حد على ميكروباس طيب ايه رايك مانتشارك على عربية كسح احسن
وطبعا هنكون احنا لوحدنا فى الكار ده وساعتها تبقى عملية احتكار ونعمل ليناا خميرة كويسة جدا

وسمعنى اغنية نادية مصطفى مسافات مسافات