|
رد: اللغة بين امريكا واليابان
[align=center]يعنى انت ساكن فى عشوائيات
والمطافى والاسعاف مش عارفه تخش
عندك لضيق الشارع وكمان مافيش حنفية حريق
بصراحة بقى بصراحة بدون زعل ياعم المرحوم
انتم ناس مش كويسه وبصراحة اكتر انتم تستهلوا اللى بيحصل ليكم ...
هتقولى ليه ؟؟؟ وده سؤال طبيعى مقبول
هقولك لان الوسع عندكم كتيروربنا موسعها على عبيده
فعندك الرحاب ومدينتى والكومباونات اللى متلتله فى مصر ..
ومع هذا سايبين تلك البحبوحة من العيش
ورايحين تتزنقوا وتسكوا فى العشوائيات
يبقى العيب عليكم ولا لأ بقى ؟؟؟
وترجعوا تلموا المسؤلين لما الدنيا تولع !!!!!!
ولا قطار يدخل -لامؤاخذه - فى مؤخرة قطار تانى نلاقى تانى يوم الدنيا قامت
وماعدتش ويضطر الوزير يستقيل لتهدئة الرأى العام
وسمعنى اغنية بالسلامه ياحبيى بالسلامة لعبد الرحمن الابنودى
بالنسبه لموضوع الكبريت والولاعة اللى هنحرق بيهم روما اظن الموضوع
محتاج بنزين معاه .... بس المشكله ان احنا مستنين اوامر معاليكم نجيب بنزين
90 ولا 92 ولا 95 ؟؟؟
عموما انا شايف انهم مايستهلوش بنزين 95 لانه بتاع علية القوم وبتاع العربيات ال8 سليندر
يبقى فاضل عندك خيارين 90 او 92
ولو كنا هنروح بتاكسى يبقى نشوف بنزين 80 .....
بس خلى بالك لو هنولع روما ببنزين 80 يبقى هنتأخر كتير علشان هنقف طابور على
محطة البنزين لغاية لما يجى علينا الدور وناخد المطلوب ... ماتنساش تجيب معاك جركن كبير
وسمعنى اغنية ياتاكس الغرام لعبد العزيز محمود
وماتنساش الكام بنت الاقشطة اللى بيرقصو حواليه [/align]
|