السلام عليكم

ايام غزه قولت وقالت ناس معايا الزمن حيوري مين هي مصر مهما قال الحاقدين عليها

الأسبوع ده معرفش تابعتم ولا لأ نزلت صحيفه أسرائيليه كاريكتور عن الرئيس المصري /محمد حسني مبارك
حاطه الريس كده علي عرش والست تسيبي ليفني بتمسحله جزمته واخينا نتيناهو بيعمله ضوافره بالمبرد والحاج ايهود باراك واقف ينضف لسعادته بدلته
اليهود مش عاجبهم اطلاقا التدخل المصري السافر في الشئون الاسرائيليه ولا الأنكت منه وهو طاعه أولي الامر الاسرائيليين
طب ايه سبب ده
حقولكم بس خليني اقول الاول لابو نواف ان الموضوع مش سياسي لياخده يويديه حدائق بابل
المهم
في شخصيه سياسيه حلزونيه في البعيده اسرائيل اسمه ليبرمان
الراجل ده قالك حنضرب السد العالي ..ايام -الله يحرقه مكان ما هو موجود- شارون
فرد الريس مبارك وقال لو طياره اسرائيليه قربت من السد حفرتك اسرائيل باللي فيها
واعتذروا الناس وبتاع وعيل وغلط ياريس واتقفلت الحكايه
رجع الناس في اسرائيل-يارب اشوفها مولعه - وطلبوا من الرئيس مبارك يجيلهم زياره
فالريس قالك انا مروحتش اسرائيل مع السادات ورافض موضوع الذهاب لاسرائيل من اساسه
خلينا علي الهامش نذكر ان سيادته زار اسرائيل مره واحده لكنها كانت لتشيع جنازه اسحاق رابين
عموما الراجل اللي اسمه ليبرمان ده عامل زي بتوع اخوانا بتوع قطر كده ليل ونهار شغلته مصر
فقال في الكنيست ( ان كان مبارك لا يريد ان يأتي الينا فليذهب الي الجيحم)
في ساعتها قبل ما مصر تشجب كان رئيس الكيان العبري باعت جواب اعتذار باسم الكيان الصهيوني حكومه وشعبا-شعب اسرائيل اللي هو حثاله كوكب الارض*حقيقه علميه زي ما انتوا عارفين-
المهم جت حكومه نتنياهو واختار صاحبنا ليبرمان وزير للخارجيه
فمصر قالتلهم انسوا مينفعش اختاروا غيره..ده نوووووووووووووووووووووووووو واي
ده بيقولك حضرب السد العالي وبيشتم رئيس اكبر دوله عربيه وضعا وموضعا وتاريخا ودينا وقوه يعني اهانه للعرب كلهم
ما هو ركز معايا
لما حاكم مصر كبيره العرب يذهب للجحيم يبقي باقي حكام الدول العربيه حيذهبوا لكارفور مثلا !!!

فاتقلبت اسرائيل وبقت كل شويه وعود ان الراجل ده مش حيعمل حاجه ومحترم
وعمك نتنياهو خليا لحكومه ائتلافيه عشان يرضي مصر وبتاع
والشعب الاسرائيلي حيفرقع من خنوع الحكومه لطلبات مصر
لدرجه سعادتك ان في استفتاء 90% من اليهود بيطالبوا بحرب مصر_حتاخدوا واجبكم باذن الله-

في نفس الوقت بقي نتنياهو قال للشقيقه ونصف مصر الثاني سوريه
(اننا ابدا لن نعيد الجولان)
محصلش اي اعتراض يا ريس من الجانب السوري الا شويه مظاهرات انتوا عارفينا يعني كعرب نموت اوي في موضوع المظاهرات ده

شوفت بقي الهيصه اللي كانت حاصله ايام غزه ومعرفش قطر والجزيره ومين معاها من العرب وحزب الله-حسبي الله- وايران وباقي الجروب

الزمن وراك بقي مين التقيل عسكريا وسياسيا اللي ليه كلمه علي اسرائيل وبتعمله الف حساب
وادي الكلام اهو علي عينك يا تاجر مبجبش حاجه من عندي
كل تصرفات حكومه العدو الاول الجديده

هو ده بقي اللي مصر كبيره عشانه
عدوك بيهابك واخواتك اللي بيسموك كبيرهم ولا بيحترموك
ناس تضرب السفاره بالطوب وناس تولع في علم مصر

طبعا بعد الكلام ده كله ابسط رد من اي حد مش عاجبه الكلام يقولك
( ما هو عشان مصر عميله اسرائيل بتسمع كلامها)
يعني حضرتك عايز تفهمنا
ان اسرائيل بتدي مصر فلوس وترشي حكامها عشان في الاخر تسمع هي كلام مصر
ربنا يخليهولك-عقلك-


كل ده وقناه الجزيره شغاله الله ينور لحد دلوقتي
(قلي يا اخي: لماذا انهارت مكانه مصر وتراجع دورها وقل مكانها وتشحور ادائها وتفشلح رداؤها وانبهر سكانها وغيمت سمائها وـتأخرت ساعاتها وقل منسوب نيلها وكل ذلك من بلاوي عندها
فيرد الضيف بأنه:: السيد الامير ولي عهد قطر قام بدور اقول ايه بس يا خبراسود محصلش ومش ممكن ولا حيحصل ..دور معملوش المحروس صلاح الدين الايوبي ولا تجرأ يقوم بيه كابتن مصر والعرب سيف الدين قطز دور مقدرش يقوم بيه محمود المليجي
طويل العمر يطول عمره يزهزه عصره قال والدمعه حتفر من عينه يا قلبي::
ان غزه هم اهلنا
الله أكبر.. سمعونا زغروطه
ويقوم مطلع ورقه فيها احصائيه موثقه ان نص الشعب العربي أغمي عليه فور سماعه البيان من شده عروبه الامير وتأثر العرب الشديد به


في نفس الجزيره بتعتذر عن تصريحات مراسليها رسميا للخارجيه الاسرائيليه ومبتعذرش للي بتقول عليها الشقيقه الكبري مصر - عندنا في قطر انت الكبير يبقي تتشم علطول مفيهاش كلام-
وكمان بتقعد الجزيره مع الست تسيبي ليفني-او متسيبهاش انتي حره- بالتلت والاربع ساعات
ومفكرتش القناه تعترض بعد أحداث غزه
ان أكبر كميه متظاهرين لغزه كانت في مصر
ان اكبر كميه حروب انترنت علي المواقع الصهيونيه كانت من مصر
ان اكبر كميه أطباء عبرت لغزه كانوا مصريين
رغم الشتيمه العلني ورغم قتل الجندي ورغم ورغم ورغم

الكلام مش للمعايره عشان انا عارف دي لبانه في بق الناس الكلام عشان اقول بيه علي الجزيره اللي بتعرض وجهه نظرها بس وهي شتيمه مصر طبعا


والله الواحد حيعيط

طب يعني كل واحد عنده مصيبه قد كده وبس فاضين تشتموا في مصر

والله ما بنعاير ولا بنيل بس مش تفتكروا يعني
مصر اللي علمت ومصر اللي مدينت ومصر اللي ساعدت الثورات وساعدت في الحروب بفلوسها وبولادها
مصر اللي ادت كل اللي احتاجوا ولما هي احتاجت لا مؤاخذه ومحدش يزعل كله عمل عبيط واضطرت تخصخص شركاتها عشان تسد ديونها اللي تسببت فيها حرب اكتوبر

مصر للي ناسي هي اللي طالبت علي لسان مبارك بوجود معبر مع قطاع غزه للمواد الغذائيه وكان هو معبر رفح
وال رجعوا يقولك مبارك بيقفله..طب بالعقل كده ياللي بتجعجع هو كان مين اصلا عمله
شتيمه وخلاص واعلام بيوجه وحكام مورهاش حاجه ومعاها فلوس وعايزه تبقي ليها دور ريادي وخلاص


أيران حتزول زي ما زال الصفويين والفاطميين
وحزب الله حيلقي في مزابل التاريخ ومن علي شاكله هؤلاء كما القي سابقيهم الخونه ايام التتار الذين كانوا ايضا يدعون انهم حماه الامه

وستبقي مصر آمنه بأذن الله كبيره العرب و بيضه الدين والتي يسخرها الله دوما لنصرته
حمت الاسلام من النصاري يوم حطين
وكسرت شوكه من ارادوا محوه من التتارين الذين سحقوا كل ما في وجههم
كسرتهم في يوم عين جالوت
وحطمت أسطوره الجيش اليهودي الذي لا يهزم الذي هزم الجميع يوم عبور قناه السويس

من له فعل مثل ما فعلت مصر ليتطاول عليها بقناه او ببرنامج ..من ؟؟؟؟؟؟؟؟؟؟؟؟؟؟؟؟؟؟
من له اساسا الان قوه تحترم من عدوه كقوه مصر ليتطاول عليها

بنمر بأيام صعبه..معلش الايام دول يوم تسر ويوم تساء

اختم بجمله لحافظ أبراهيم في مضمونها حقيقه تاريخيه من قصيده مصر تتحدث عن نفسها

انا ان قدر الاله مماتي..لا تري الشرق يرفع الرأس بعدي