|
رد: ليه بقينا مش محترمين؟!
[align=center]ححكي لحضرتك حكايه يا ماما هيفاء بمناسبه القنوات الفضائيه اجدها مناسبه جدا للموضوع وتمثل واقع مر نعيشه في كل وطنا العربي
اول ما عينوا محافظ اسكندريه الجديد طلع قرار بأزاله كل الادوار المخالفه في العماير
المهم قالوا كل ساكن يطلع يشيل الستالايت دش بتاعه وطبعا دول اتنين وعشرين دور فكانت قصه كبيره يعني
المهم جه الفني فكهم واتهد الدور وبعد حوالي الاسبوع كانوا عملوا الدور اللي تحت هو الرووف وبدا الفني يحط عليه الاطباق
ووانا واقف فوق في دكتور في الجامعه معايا في العماره
فالولد بيقولي حضرتك ايه يا باشا قولتله انا عرب سات ونايل سات
وحضرتك زيه يا بيه -بيكلم دكتور الجامعه- قاله لا انا نايل سات وهوت بيرد بس شفرلي الهوت بيرد
انا استغربت يعني استاذ في الجامعه عنده القمر المشبوه ده زيدي حضرتك انه عنده تلت بنات بنت خلصت السنه دي جامعه وبنت اصغر مني بسنه وزميلتي في الجامعه وبنت صغيره
فقولتله هو حضرتك يا دكتور مركب الهوت بيرد ولا ايه ؟؟
والحقيقه حسيت اني اتسرعت بتطفلي ......
فقالي اه بس مشفره
المهم بعد ما حط الكاما بتاعه الهوت بيرد علي المسطره عند استاذ الجامعه ده قام قال للفني بس افصل السلك عشان انا رايح عمره !!! ولما ارجع بمجرد ما اركب السلك يشتغل !!!!!!!!!!
فعلا الولد عمل كده
بعديها باسبوعين كان رجع من العمره
لقيت تليفون البيت بيضرب بابا رد دكتور الجامعه ده دون ذكر اسماء عايزني
الو سلام عليكم
وعليكم السلام بقولك يا محمد هو فني الصيانه جه في فتره غيابي ؟؟
لا يا دكتور مظنش ..في مشكله ولا ايه
قالي اصل السلك اتركب بتاع الهوت بيرد ورجعت لقيته شغال(حطي حضرتك الف علامه استفهام وزيهم تعجب)
قولتله طيب معايا رقم تليفونه حطلبه واشوف
طلبته فعلا قالي لا لسه بدري علي ميعاد الصيانه ورجعت طلبت الدكتور قولتله لا مجاش
دقيقتين بالضبط وسمعت صوت ضرب وزعيق وصويت ومش انا يا بابا والله !!!!!!!!!!!!
طيب ليه ما انت اللي عملت كده فيهم
ما هو محدش يحط البنزين جمب النار ويطلب انه ميولعش !!
واذا كان رب البيت بالدف ضارب ...............
لا واتفرجي حضرتك علي الانكت بقي
انا طبعا قولت ان الله حليم ستار يا واد ومن ستر مؤمنا في الدنيا ستره الله في الاخره
متحكيش لاي حد يعرفه ولا يعرف بناته دي اعراض وبتاع اياك تفتح بوقك دول تمانين جلده مش هزار يا معلم !!
المهم بابا نزل يباركله وطلع
لقيت بابا-ابويا راجل ملتحي- داخل اوضتي بيقولي انا مش حعرف الراجل ده تاني ولا حدخله بيتي ولا حدخله بيت واياك يبقي ليك علاقه بيه تاني غير رسمي يا محمد
طبعا عرفت انه حكاله لما ابويا نزل يباركله علي العمره .. يعني كمان من المجاهرين!!
طيب اهو سنه كبير اهو ومتجوز كمان ودكتور جامعه في منصب نائب عميد احدي الكليات !!!!!!!!!!!!!!!
وبالنسبه لجمله
نعم نحن كعرب نقلد الغرب لكن نقلد ساقطي الغرب واعتذر لهذا التعبير
حضرتك متعتذريش يا ماما بالعكس حضرتك انجزتي فاعجزتي في التعبير
وافتكرت كاريكتير في جريده الدستور
جايبين خبير ياباني وخبيرتين عربيتين في الكومبيوتر ساينس
فالخبير الياباني واقف بيشرح مواصفات الجهاز اللي اخترعه وازاي عمله بامكانيات غير مكلفه
فالخبيره العربيه بتسال الخبيره العربيه التانيه بتقولها ::ايه رايك ؟؟
قالتلها::تسريحه شعره جامده جداااااااااااااااااااااااااااا !!
ومستني عوده حضرتك يا ماما هيفاء لان فعلا الموضوع يستاهل وواسع جدا ومحتاج توعيه قويه للغايه
وسعيد والله كون حضرتك بتساندي الموضوع جامد يا امي الغاليه
و الحاره لحضرتك[/align]
|