|
رد: ايام عمري ....
صعبه اعيش ايام عمـري بليـاك
وانت الحياة بدون شوفك كآبـه
تعال خذني لاخر حـدود دنيـاك
مليت اقاسي من زماني عذابـه !!
حاولت لكن ما تحملـت فرقـاك
بُعدك عذاب وفي حضورك مهابه !!
للشوق فيني شي لا ماعتقد جـاك
حوّل حياتـي للملـل والرتابـه
أوقات اشوف ان الغلا ما تعـداك
واحيان احس ان الهوى للغلابه !!
بين المحال وبيـن خافـي نوايـاك
حار السؤال ولا لقيت الاجابة !!
كانك تقول هموم وقتـك تقفـاك
وش حيلة اللي صار همـه زهابـه
يطرد سرابك في متاهات رجـواك
نفس الطريق اللي مشيته مشابـه
قلب ٍ يحبك كيف يسلا وينسـاك
ماللفضاء لو شفت دونك رحابـه
خليتني عايش على حـد الادراك
مثل الجريح اللي تمـادى صوابـه
ماحد ٍ ملأ عيني من الناس لـولاك
في غيبتـك كـل الاوادم تشابـه
هذا الشعور اللي من اقصاي ينخاك
يبي القليل ومـا عطيتـه رضابـه
كل القصايد داخلي همها ارضـاك
حبك مدادي لا بغيـت الكتابـه
أجيك كلي يـوم كلـي فدايـاك
كلش يهون الا الحبيـب وغيابـه
رد الوفاء والحـب للـي تمنـاك
قفّى العمر واحلى ليالـي شبابـه
جاتك مشاعر مالها غيـر شـرواك
دامك ملكت الروح وين الغرابـه
وعد انت بجد شاعره ....
معقوله عندنا بالزهره شاعرات بهالقوه ومادري ...
هذا تقصير مني اكيد والعذر والسموحه اختي اني ماتلذذت بهالإبداع من قبل
صح السانك ويعطيك الف الف عافيه يارب
توقيع : زاهيه
زهرة الشرق . . للثقافة الأسرية
كنت انا بأول زماني بالأمـاني لاهيه ... لين ياكل الأماني صرت لي القلب الحنون
صرت مابين الغواني بوصالك زاهيه ... يا أمل كل الغواني مسكنك بين الجفـون
|