طولت لا بالله تماديت بالحيل
والشوق لك طيرٍ مع الجو حايم

أنا أدري أن أيامنا صابها ميل
والجو عندك بعض الأحيان غايم

بعدك عذاب وقربك العشب والسيل
ولو غبت عن غيرك من الناس صايم

اتخيلك يا أم العيون المضاليل
وأنا على هاك المضاليل هايم

تعال فاحت دلة الشوق بالهيل
وهبت من عيون القصايد نسايم

تعال مالي غير قربك محاصيل
ما غير أنا وهموم صدري عزايم

أسهر مع الهوجاس وأناجي سهيل
وأقول يا حظك تشوف النعايم

لكن عزاي تزين لي بالمقابيل
ومن طول الغيبات جاب الغنايم

زهرة الشرق