|
ياللي هديتك م الحروف أغلى الكلام
[c]
ياللي هديتك م الحروف أغلى الكلام
وانت مش سائل ولا حتى بكلمة
فين كلامك يحي همسات الغرام
فين ودادك يملا قلبي بأحلى بسمه
بالمح خيالك كل لحظه ... ياسلام
وادوق حنانك لما يلمس قلبي لمسه
واشوف ربيع الحب حتى في المنام
واشوف جمالك يسري عندي ف كل نسمة
كل ده شايفه بقلبي
كل ده يسري ف كياني
وانت مش سائل ياروحي
لو تبقى زيي ف مكاني
كنت احبك حب عمري
كنت اعيش لك مش عشاني
واشوف نجوم الليل بتضوي
والتقيك بدر ف زماني
تمسح الضلمه بضيك
واروي نورك من حناني
بس فينك انت مني
وانت خالى ومش فاكرني
طل طله عليا وامشي
أو بكلمة وقوم راسلني
اوعى تحسب رايح اسيبك
وانت يوم تتخلى عني
بكل طيف الحب اجيبك
والتقيك هنا جنب مني
واجمع حروف الحب كله
وأغزلها غنوه وبيها أغني
انا بانتظار ردك عليا
انا ف انتظارك ياهاجرني
مع 
عاشق الورد
[/c]
التعديل الأخير تم بواسطة عاشق الورد ; 15-12-02 الساعة 06:28 PM
|