أحبتي الكرام أعضاء المنتدى الجميل
يسرني اليوم أن أهديكم قصيدتي تلك والتي أعتبرها من أجمل ماكتبت رغم نبرة الحزن التي تلتف حولها.
وكان بودي أن ألقيها عليكم بصوتي ولكن ماباليد حيلة ولكن سوف الحق بها الصوت في رد من الردود عليها بمشيئة الله
وأتمنى أن تعجبكم جميعا
وهاهي قصيدتي : ـ
الدموع اللي انت عني بتدرايها
والآلام التي انت دايما بتقاسيها
كلها جات من عمايلك
مش بخاطري ومالى ابدا يد فيها
الأحبة ياما قالوا وحكيوا فينا
وياما قالوا ان الهوى مضلل علينا
حتى قالوا ان القدر كان بيساعدنا
لما شافوا ان الفرح ساكن عنينا
والعوازل لما عملوا المستحيل
كنت دايما اصدهم بكلام جميل
لكن انت سمعتهم ومشيت وراهم
والنتيجة خدوك طريق مالهوش دليل
فضلوا يحكوا عني وانت بتهاودهم
قبله كنت اسألني واعرف ايه مرادهم
أو تحكم قلبك انت والليالي
اللي عشت سنين كتيره ف نور غرامهم
روحت ليهم والغضب جوه ف عيوني
قولت ياناس يابشر مالكم سيبوني
هوه عندي أغلى من عمري وحياتي
ابعدوا انتم شوفوا حالكم وارحموني
ومشيت ادور ع الأحبة ينجدوني
يمكن بكلمة من كلامهم ينصفوني
وجم قالولك ليه بتسمع للعوازل
قولت دول مابيكدبوش وتكدبوني
هانت العشرة وخلصت بين ايديك
قولت اسيبك للزمان هوه يداويك
وسمعت ضحكة م العوازل آه يانارها
وعرفت بعد الضحكة كانوا بيخدعوك
جيت بتسألني وليه عن ذكرياتي
بعد حبي اللي شطبته من حياتي
بعد ماقمت ودفنت القلب الاخضر
مستحيل اني اسلم لك رفاااااااااتي
مع
عاشق الورد