يالله بنبدأ بالأسئلة الثانية وشي شوي علينا
منووووورة العسل
بس أسألتج عسل طالعه عليج /// بكم غرشة العسل ياعسل هههه
يالله نرجع لموضوعنا بجاوب وأتمنى الكل يتحمل صراحتي
- من انت؟
أنا بنت متواضعه كثير احب الحياة والوناسة واعشق الصداقات وتكوينها
2-متى اخر مرة ضحكت من قلب؟ وليش؟
من يومين كان أخوي الصغير يسألني عمرة 7 سنوات كان يقوللي
فلانه نحن عندنا 2007 بس أمريكا كم عندهم 3000 بصراااااحة ضحكت من قلبي
حسيت سؤاله وايد غريب لكن لما خبرت الوالدة عن الموضوع قالت لي بالعكس هذا يدل على الذكاء والله اعلم
3- اخر مرة بكيت من قلب؟وليش؟
من شهر تقريبا لما جاء إعصار بعمان عندنا كنت وايد خايفة افقد الناس اللي احبهم والحمدللة الموضوع عد على خير
4-هل حسيت في يوم من الايام بالضعف؟ومتى كان؟
هيه وايد لما اواجه حقيقة مرة أكون وايد ضعيفة مثل حادثة بس حابة احتفظ فيها عذراً...
5-من الشخص الي تتمنى ياخذ فرحك علشان ماتشوفة حزين؟
الوالدة الله يحفظها لي كرست كل حياتها لسعادتي
6-اذا كنت متضايق وش اول شي تفكر تسويه؟
أكتب الخواطر وأطلع كل اللي بقلبي وابكي بس بصمت
-وش احلى ذكرى في حياتك ومستحيل تنساها؟
كل شخص يمر بحياتي يحفر بداخلي ذكرى أبدية بصفاته وتصرفاته
-آخـــر شخـــص تتـــذكــــره قبـــل ما تنـــــام؟!؟
الوالد والوالدة
-وش تعنيلك هالكلمااات:
البحر :مكمن الأسرار
السماء :الصفاء والنقاء
الكعبه : الطهارة
الحب: لذة الحياة
الصديق: كنز لا يقدر بثمن
10-وش برنامجك امس؟
صلاة الفجر* الرجوع للنووووم* فطور خفيف *رياضة لمدة ساعه * دروس الطبخ مع الخادمة *صلاة الظهر*
تناول الغداء*مشاهدة التلفاز *صلاة العصر*شرب الشاي ووجبة خفيفة * صلاة المغرب * محاولة إعداد العشاء
* الجلوس على الإنرنت * قراءة القرآن * صلاة العشاء * الجلوس والسهر مع العائلة على التلفاز* والنوووووم العميق
11-وش برنامجك اليوم ؟
تقريبا نفسها بس اليوم رحت أتغدى برع وأتمشيت على البحر وبس
-كم شخص عندك في المسنجر ؟
105
13-كم سـاعه تجلس ع الكمبيــوتر ؟
ساعتين أو ثلاثة
14-هل فعلا انت مرتاح في تواجدك في المنتدي و مع الاعضاء ؟
كل الراحة والإستمتاع
-عضو يستحق الصداقه؟
منار الزهور وعبير
-عضو شفتة و عضو ودك تشوفه ؟
ماشفت ولا عضو وودي اشوف الكل وخاصة شلة المصرقعات
-عضو شخصيته مثل شخصيتك؟
عبير
18-عضو تعجبك شخصيته؟
همس الإحساس