قبلك كنت ف دنيا لوحدي
عايش جوه احزاني ووجدي
لاعرف ليلي امتى يعدي
وامتي الفجر ح يجي ويضوي
عشت الحال ده أيام وسنين
عشت مابعرف حتى أنا مين
صورة خيال مابقيتش بتفرق
طول مالقلب لوحده حزين
حتى الجنة اللي اسمع عنها
كانت عندي اكبر وهم
قصص الحب قريت معظمها
كنت اقراها ومن غير فهم
زي النهارده ابتدى عمري الجديد
زي النهارده ابتدى حبي السعيد
ماقدرش اقول ازاي وليه
غير اني أقول الله عليه
الله على الحب اللي جمعنا سوا
الله على الدنيا اللي مليانه بهنا
الله على الحب وهناه
الله على الحب وصفاه
الله عليك ياحب غالي
عرفتني معنى الحياه