السلام عليكم ..

هل تسمحون لي .. ان اسرد لكم ما جاد به الخيال في ليلتي الماضية ..

الإهداء : لها .................................. والقصيدة ما هي الا خيال ..

تفضلوا آمل انت تنال شيئا من استحسانكم وترقى الى ذوقكم ..



____(( .. محبوبي .. ))____




كلمة (اخوي) الغريبة منك ما ابيها

_______لا تحلم أنى أقلك غير (محبوبي)

أرجوك تسكت وخل القلب يحكيها

_______ قصــــــة غرامٍ ابينها بأسلوبي

ما تذكر انا تبــادلنا معانيها

_______ همس المحبة يخاويني مع دروبي

بالله تذكر زماني يو م أغنيها

_______ كم قلت احبك وكل الناس يدروا بي

الناس تخسر وتكسب ما علي فيها

_______ اهم شي انت روحي وانت مكسوبي

ابيع الايام واشري في ثوانيها

_______ لعل من حبهم قلبي يحسوا بي

انا ادري ان الهوى للروح مشقيها

_______ لكن أحبك ولا ابي غير مطلوبي

انك حبيبي عيونك لي تخليها

_______ وتخلي الوجه لاملح يتجه صوبي

وارخص حياتي واسمي لك لياليها

_______ في كل ليلة غرام ، ويشتكي ثوبي

ماهو بكيفك وكيفي يوم نطريها

_______ حبك وحبي ترا في اللوح مكتوبي

والله لو الأمل والقلب يرجيها

_______ لااعذب الروح لك واشقق جيوبي

واتوب عن كل شي في مساريها

_______ الا المحبة لكم ما اظني اتوبي

وان كان زلت لساني في تواليها

_______ فانا اطلب الله كريم يغفر ذنوبي

قبل اختم القول يا روحي ومبليها

_______لا تحلم أنى أقلك غير (محبوبي)





وسلامتكم ..
ملاحظة : كما قلت لكم هي خيال في خيال .. لكن اعلم انها ستلامس شيئا في دواخلكم .. لا أحد ينكر ..

وحبي لكم ...
السيف الخيالي

رسالة المنتدى
عفوا . . . عدد مشاركاتك لا يؤهلك لإستخدام نظام الرسائل الخاصة في الوقت الحالي