بأقول لك أيه يا أبوحميد بما أننا زمايل جامعه واحده أحب أعرف الاصدقاء أن أخر أختراع علي أيامنا هو لكوز المخروم أبو حبل اللي كنا بنستعمله زي التليفون وكمان أحنا اللي كنا بنصممه بأنفسنا .

غير أن ساندويتشات الجبنه البيضا والقريش كنا كل 5 طلبه بتقاسموا الساندويتش الواحد حتي الشاي والكازوزه كان كل واحد له في الزجاجه 3 سم يشربهم ثم اللي بعده .

أما بالنسبه للمترو كنا لما ما نلحقوش نفضل نجري وراه لحد ما نلاقي نفسنا وصلنا البيت من غير ما نركب يا عم دا أحنا كنا في زمن لسه ما أخترعوش فيه كلمه جيل ( دي كلمه حديثه أوي فهمناها دلوقت بس) حتي التليفزيون ما كانش فيه غير قناتين ولا يبدأ الارسال الا الساعه الخامسه ونفضل قاعدين كلنا منتظرين ,ولما كنا نطلع رحله كنا نروح نزور عمنا خوفو وهو في مقام والدنا .

بس أرجع وأقول لك كانت أيام جميله كنا بنتشارك في كل حاجه الافراح والاحزان حتي الكتب الجامعيه كنا بنشتريها مشاركه . تحب أقول تاني والا كفايه كده

أما بقي بخصوص أزاله الرهبه بين التلميذ والاستاذ ده ما ينفعش مع الجيل اللبط بتاع الايام دي يا عم دول ياكلونا دول متوحشين

وسلم لي علي التربيه الحديثه للاطفال .