|
زهــــقـــــت
عندى حاله كده مش عارفه دى بتجيى بعد نهايه ازمه
ولا بدايه حاجه ملهاش لازمه
معرفش صراحه
انا كتبت الى عرفت اقوله ...مع انى حاسه انى ماسكه القلم غلط
زقهت و تعبت ومحدش يقولى عادي
وهاعيط بصوت عالي ومش سماح المره دي
مش هابقى هاديه ومايطلعليش صوت
اناهاخرج مني واطفش واسيب الكون
معرفش هاروح فين...ولا هاعمل ايه
بس المهم اتحرك لان
زهقى طال
تعبى بقى تقيل زى الجبال
والخنقه مره
والصبر مر
والعيشه مالها مش عايزه تمر
الوقت طول
والرضا هايقل
ده يأس ده ولا حاله وهاتمر
!!!
ده امر عادي ده
ولا كارثه وطايله الكل
طب بقيت الحاجات ليه شبه بعضها
طب ده ليه حصلى ومن ايه يا ترى ؟؟
ايه السبب...والعله فين وانا ادور على الدوا
مبقتيش عارفه ارد لما اتسال
مــالــك
ارد بايه وانا معرفش السبب
زهقت
...وشكله الدوا كمان
هايطلع مــــــــــر
التعديل الأخير تم بواسطة ضي@القمر ; 13-05-07 الساعة 02:08 AM
|