في موضوع في المنتدى لفت انتباهي الكل يشتكي من مشاكل الفم مع ان الحل سهل وبسيط ومتوفر في يد الجميع وحتنسي بعدها مشاكله و روائحه حتى لما تصحي من النوم

يلا ركزوا معايا:

كل اللي تحتاجوه

1- خيط الأسنان ( ما اظن في احد ما يعرفه واللي مايعرفه يروح الصيدليه ويسأل عنه واللي يروح الصيدليه وما يعرفه يمر على اقرب عيادة اسنان ويسأل الدكتور وهو يعطيه <<< عشان محد يسألني )


2- فرشاة ومجون ( وانا استخدم دايما كرست )



3- ملح ( دوري في المطبخ تلاقيه )

4- ماء ورد ( اي مااااااااركه )


خلاص انتهينا من المقادير نجي للتطبيق

طبعا الكل منا يفرش اسنانه ثلاث مرات في اليوم او اقل شي مرتين لكن مو كفايه
قبل النوم استخدمي خيط الاسنان ونظفي مابين كل سنين الين تنتهي من اسنانك كلها
بعدها فرشي اسنانك عادي وبعد ما تنتهي نظفي الفرشاه وحطي فوقها قليل ملح وفرشي اسنانك بالملح ( او تقدري تتمضمضي بمحلول الملح يعني ملح ومويه )
آآآآخر شي جيبي موية ورد واتمضمضي وانعمي بنفس منعش

انا احيانا قبل النوم اشرب كاسة موية واضيف لها ملعقه موية ورد


وفي طريقه ثانيه ( تجيبي قاروره ماء ورد + شوية قرفه + شوية هيل + شوية قرنفل )
ويغلى على النار ويستخدم كغسول للفم بعد تفريش الاسنان



دمتم بود

يقول ابن القيم رحمه الله / من احب شيء غير الله عذب به