الأخ خالد
ياهلا فيك
ومنور الزهرة
الحقيقة رائع ماأتحفتنا به الليلة
من قصيدة جميلة مدروسة بعناية
وللصدفة البحته فأنا أملك قصيدة بنفس العنوان وتقريبا تتكلم عن معنى الحزن والقسوة
وإنني وبكل شرف أهديك اياها
دار الزمان بينا
وتعبت خطاوينا
والحزن واقف ع الطريق
يقتل امانينا
ولا احنا عارفين نبتعد
والفرحة عنا بتبتعد
والضلمة جايه بتقلها
تمحينا قبل مانتوجد
وشوفنا موج بحر الخلايق
أمواج شديده .. لموتنا سايق
فيه ناس بتفرح للألم
وناس مكانها ف العدم
وناس بتنهش في الغلابه
تجرح ماتعرفشي الندم
وكترت مع امواجه الأحزان
تسقينا من كأس الحرمان
وآدي احنا شايفين المآسي
ولا احنا عارفين المراسي
والزمان عمال يدور
بس الزمان لعبة كراسي
النهارده أهو دار علينا
وبكره جايز يبقى لينا
نزرع ونجني الحب تاني
ونسامح اللي جراحة فينا
مع
حسني جاد