28-06-02, 09:14 AM
|
#1
|
رقم العضوية : 48
تاريخ التسجيل : Jun 2002
عدد المشاركات : 915
عدد النقاط : 10
أوسمة العضو
لاتوجد أوسمة لـ عاشق الورد
|
 |
|
أحلى كلام ... لزهرة الشرق
[c]
أهدي هذه القطعة الرومانسية والمليئة بالمواقف الى زهرة الشرق الندية والى عشاق زهرة الشرق ... اليكم إخوتي وأخواتي جميعا أهديكم ..... أحلى كلام
أحلى كلام في الحب انا قلته
لما وعدني في يوم وقابلته
شفت الفرحة بتسبق قلبي
والعين رقصت لما انا شفته
شفت البدر ف وصفه تمام
وجمال ايه عمرى انا ماعرفته
قاللي ياغالي ازي الحال
وأنا مشدود بتأمل صورته
***
ردد قاللي اسم الله عليك
قلت ماشالله وأهلا بيك
قاللي ياغالي وقعت ف حبك
خدني معاك الله يخليك
شفت الدنيا غير الدنيا
شفت وشوش الناس حاجه تانيه
شفت كلامهم حب ف حب
شفت دا كله ف لحظه وثانيه
***
لما ندهلي وقاللي ياغالي
كنت اتمنى انه يقولهالي
وأهو قالهالي ودوبت معاه
ولقيت كل اللي اتمناه
لما ندهلي وقاللي ياغالي
قلت يانور العين لبيك
ولقيت قلبي بينطق قبلي
انا ياحياتي ملك ايديك
انا باتمنى اللحظه ده هيه
لما أشوفك وافرح بيك
انت الغالي وأغلى ياغالي
وانت ف نن عنيا اداريك
***
ولاقيت ايده بتلمس ايدي
حسيت يومها بسحر عجيب
حسيت رعشه بتجري ف دمي
يعجز عنها أي طبيب
ولقيت روحي بتهرب مني
عايزة تروح لاعز حبيب
ضميت ايده بكل حنان
وقلت له زيدني حب كمان
قام قال كلمة مش ح انساها
نفسي الود وصاله قريب
وانا باتمنى اليوم ده يجيني
قلت انشالله ياروحي قريب
***
انا بصيت له وعينه قبالي
وانا مش حاسس باللي جرالي
وقبل ماقوله ع اللي ف بالي
قام قال وقتي عدى ياغالي
بس باقولك اشوفك بكره
ونبقى نعيد الحب دا تاني
مش راح اسامحك لو ماتجيش
دانا من غيرك مش راح اعيش
من كتر الفرحه لقيتني مافيش
ولقيت روحي بأقول
آه يااااااااااااااااااااااااااااااااااااااااااااني
***
مع 
عاشق الورد
[/c]
|
|
|