الظروف اللي حدتنـا .. للوصـال المستحيـل
.......................ارهقت منا المشاعر .. واستحالـت للمحـال
غربتنا.. لين ذقنا بالمحبه .. الـف .. ويـل
.......................شرقتنا .. لين نامت .. عننـا سـود الليـال
مابقى بالعمر قيمه وأن بقـى بالحيـل حيـل
.......................دام هذا العمر كله ... بين رجـوى واحتمـال
وانت تدري بالحقيقـه .. لا تطالبنـي الدليـل
.......................الدليل ان اشتياقي صّـوت لشوقـك .. تعـال
وجيت يسبق اشتياقك قلـب ناصينـي دخيـل
.......................قمت اجره في خيام القلب.. ومتونـي حبـال
ارقد أمن في عيوني والهـدب فوقـك ظليـل
.......................دام انا اوعد عيونك .. بالمحبـه راس مـال
لا تخاف الوقت والاوهام وإخفـاق الحصيـل
.......................للوعد عندي حشيمه .. والوفا قـدّر و جـلال
باسقي ايامك زلال الشهد صافـي السلسبيـل
.......................واتلحف في ضلوعك للدفا .. فـيّ .. الظـلال
زلت اقدامي وشفت الموت بـدروب الرحيـل
.......................ولا قدرت امسك ثباتي .. فوق طيات الرمـال
كيف بصبر عن وجودك لا تقفى الليـل ليـل
.......................كيف ابقضي العمر وايامه ؟؟.. اردد هالسؤال
اسالك بالله قلي .. العطـا منـي .. قليـل ..؟
.......................جاوب القلب المعنى .. لا سأل والدمـع سـال
ما الومك بس قل لي .. وين ابلقى لك بديل؟؟
.......................وانت عارفني وعارف .. قصتـي والاعتـلال
وانت فيني ما تفارق .. صعب القالـك مثيـل
.......................او انا ما شفت غيرك يستحق منـي وصـال
وش بلا قلبي تكفـن وانكـوى جمـر المليـل
.......................مابقى لي في فضـا الأحـلام يالغالـي مجـال
سامح الله من هواه اتعبـك يالجسـم النحيـل
.......................ما بقالي من بعاده كـود .. حـزنٍ مـا يقـال
باتصبر لين اشوف المـوت للدمـع الهميـل
.......................با تناسى لين انسى .. واسكن الواقع(( خيال))
ثم أعـوّد للتلاقـي مـن ورى القيـد الغليـل
.......................اكسر الواقع لعلي ... أسرج ركـاب الرحـال
والتحف هم الليالي بـرد واطيافـك .. تخيـل
.......................بين عينيني .. وليل القلب وأشـراق الهـلال
واتهادى فوق موج الفكر.. وشـدادي ثقيـل
.......................ارتحل مابين وجهين(( السراب)) .. لنور لال
هذا انا عشت فغيابك بـس اسلـى مستحيـل
.......................ماقدر أسف يا حبيبي ((أنت)) نسيانك محـال
رح بمان الله سافر .. يتبعك صـوت العويـل
.......................وارتجافات المحاني تبلع الحسـره .. انذهـال
جعلها ريح الخزامى والنفل .. وبـروق سيـل
.......................تحضن دروبك.. وظل المزن.. يسقيك الـزلال
للتوافيق البهيه .. باشعـل الدعـوه .. فتيـل
.......................والهب كفوف الرجاوي.. بالدعـاء والابتهـال
يا جعل رب الخلايق ... يجلي الهـم الثقيـل
.......................وياعسى باقـي حياتـك تبلـغ مـراد المنـال



منقووول .