زيك زي الناس دي بحالها
[c]
زيك زي الناس دي بحالها
ايه ف كلامك يفرق عنهم
والا فاكرني بكلمة تقولها
بتخليك عندي ف أولهم
لأ ياعنيه اصحى لكلامك
أنا مش سهل عليه اصدق
لازم اشوف ايه اللي ف بالك
واسأل قلبي عليك واتحقق
داأنا حرمت أصدق تاني
أي كلام ف الحب يجيني
بعد ماجاب الجرح لقلبي
وخللى الحزن تماللي ف عيني
كنت باسلم عقلي وقلبي
للي يقوللي كلام له معنى
كنت بادوب من أول كلمة
واشعر بيها إنها مغنى
بس خساره كله مزيف
وان الحب مجرد لعبه
بعد ماشفت الظلم بعيني
بعد ماجرحوا القلب بكدبه
عايز ايه من قلب اتحطم
سيبني ف حالي وباللي انا فيه
دور غيري ابعد عن قلبي
خليني اشوف حاجه تنسيه
مع تحيات
عاشق الورد
[/c]
التعديل الأخير تم بواسطة عاشق الورد ; 11-08-02 الساعة 05:16 AM
|