|
حاولت كتير أخبي
[c]حاولت كتير أخبي ....... واكتم حزني واداري
لكن جرحك ف قلبي ....... بيفكرني بتاري
وكل مااقول كفاية ....... ياجرح ابعد بعيد
القاه ساكن معايا وبيخلي النار تقيد
قوللي اعمل ايه ساعدني
وابعد جرحك معاك
والا انت حتعاندني
وتزودني بقساك
انسى طبعك شوية ....... خليني انسى العذاب
دانا قلبي معاك ضحية ....... وانت اللي بألف ناب
اصل انت واللي زيك ....... واللي عملته زمان
خلوني ماحب سيرتك ....... ولا اشوف صورتك كمان
وباقول وانا عارفه انه
دا شيء فوق احتمالي
رايحة انسى اني قابلتك
وانسى انك جيت ف بالي
وانسى الظلم اللي شفته وامسح صورة ف خيالي
بس ابعد روح بعيد خليني أختار طريقي
طريق تاني وجديد ماتكونشي فيه رفيقي
وأكيد ح اقدر أخبي
واكتم حزني واداري
وانسى جرحك لقلبي
وانسى اني آخد بتاري
****
مع تحيات
عاشق الورد [/c]
|