منتديات زهرة الشرق

منتديات زهرة الشرق (http://www.zahrah.com/vb/index.php)
-   الحياة الزوجية (http://www.zahrah.com/vb/forumdisplay.php?f=95)
-   -   للمتزوجات فقط . . تعلمي كيف تدلعي زوجكِ (http://www.zahrah.com/vb/showthread.php?t=39546)

Red_eYe 06-08-08 04:28 PM

للمتزوجات فقط . . تعلمي كيف تدلعي زوجكِ
 
السلام عليكم ورحمة الله وبركاته

طرق إثارة الجنس عند زوجكِ


اتمنى تعجبكم مثل ماعجبتني
وللأمانة هي منقولة وان شاء الله تستفيدون منها

التطبيق الأول

من أول زواجي بحياتي ماخليت زوجي ينام لوحده . . حتى لوماكان فيّا نوم . . أدخل معاه أنومه زي البيبي . . بعدها أخرج ...
اممممم!!!ماأدري كيف أشرحلكم . . . بس اعذروني كله للتوضيح والافادة مو أكثرمن كذا....والله العالم
كنت أخليه يحط راسه على صدري أو قريب من صدري (عشان يتعود على ريحتي وحرارة جسمي) ...
أنا كنت أطبق هذي الخطوة . . أخلي عقله اللاواعي يربط بين ريحتي وحرارة صدري والنوم ...
وبعدها شوفي كيف . . والله ماحيقدر زوجك ينام الا وانتي معاه .. لدرجة أوقات أكون مشغولة ...زوجي يناديني يقوللي نوميني!

طيب بس ننوم أزواجنا كذا من غير أي شي ثاني؟؟؟
لاياقلبي فيه . . وفيه أشياء كثيرة لااااازم تراعيها
وهي انك فين تحطي يدك قبل ماينام

أنا أقولك فين

خللي يدك على ظهره بين الأكتاف . . وامسحي عليه بهذي المنطقة مسح خفيف ألين ينام

أو حطي اصبعك الابهام على الجبين وحركيه بمسح خفيف على الجبين وبين العيون

أو حطي يدك على رقبته من الخلف وكمان امسحي عليها . . . مسح خيف رقيق . . وبحركة بطييييئة

أو خللي يدك على كتفه من فوق وحركيها (طالعة نازلة) . . على الرقبة والكتف . . كمان بحركة خفيفة وبطيئة

ليه؟؟
باختصار . . لأن هذي المناطق اللي ذكرتها هي اللي يحصل فيها التوتر . . . وشد الاعصاب . . وعشان تزيلي التوتر . . لازم تسوي هالحركة البسيطة عشان ترتخي الاعصاب . . .عشان تشغلي العقل بشي ثاني يخليه يبعد عن التفكير والتوتر ...
طيب . . انتي ماعندك عشرين يد عشان تلمسي كل هالمناطق بوقت واحد . . . اش تسوي؟؟
لازم تعرفي منطقة التوتر عند زوجك . . . لاتحتاري أنا أعلمك كيف
اذا زوجك من النوع اللي فيه خطوط أفقيه بالجبين أو خطين طوليين فوق بين الحواجب...والجفون العلوية نازلة شوي على العيون . . . على طول اعرفي انها هذي منطقة التوتر . . .يعني على طول حطي يدك هنا
لاحظي أكتاف زوجك . . إذا كانت مرفوعة شوي على فوق . . . والمنطقة اللي بين أكتافه ورقبته مشدودة . . . فهذي هي منطقة التوتر . . . وخللي يدك على هذي المنطقة
أما اذا كانت أكتافه راجعة للخلف فمنطقة التوتر بوسط الظهر وبين الأكتاف من الخلف . . . وعلى الرقبة من الخلف
أما اذا كان راسه راجع أو منحني للخلف شوي فمنطقة التوتر بالرقبة من الخلف . . . فخللي يدك على الرقبة من الخلف
وبكذاحيناااااام بشكل سريع ونوم عميق ومريييييح .


التطبيق الثاني

وقت ماأصحي زوجي من النوم....يقوم معايا على طول ( ماشاء الله)...يعني مايتعبني وأنا أصحيه ...
اش سويت...؟؟؟
الشخص لما يكون نايم....حاسة الابصارتكون معطلة...لاكن في حواس ثانية لسّا شغالة...وهي: السمع واللمس والشم ...
أقرب فمي من أذن زوجي...وأناديه باسمه...دايما أقوللو بيبي...أقولها له بشكل وشوشة...هناأنبه حاسة السمع...وحاسة الشم نحنا منبهينا من الليل( لماأنومه وهو متعود على ريحتي)...فأول ماأقرب منه على طول يبدأيشم ريحتي...اللي تعود عليها ...
ووقت ماأنادي عليه باسمه أمرر يدي بشكل خفيف على وجهه والمس كفوفه...هنا أنبه حاسة اللمس وكمان يحس بحرارة جسمي اللي اتعود عليها ...
ووقتها على طول يفتح عيونو ويبتسملي .. . . . .وبكذا مايتعبني بالتصحية . . .رغم اني أول ماأتزوجنا كانت أخته تقوللي الله يعينك عليه ترى نومه ثقيييييل

التطبيق الثالث

أوقات يدخل زوجك البيت وهو بعدة حالات مثلا: معصب، محبط، متضايق . . . كيف تتصرفي بهذا الوقت
اذا جاكي وهو عنده مشكلة وحسيتي ان فيه شوية خوف . . . على طول حطي يدك على ظهره وامسحي عليه بقوة . . . وابدأي كلميه . . . حتلاقيه على طول اتطمن ...
اذا جاكي وهو محبط وحاس بالفشل والخيبة . . . امسكي يده واضغطي عليها بين كفوفك ... أو حطي يدك على ركبته . . . اذا كان جالس ...
اذاجاكي وهومتضايق وفيه حزن . . . حطي يدك على كتفه واربتي عليه ...
اذامربموقف (يهز ثقته) . . . أي موقف حسيتي ان ثقته انهزت منه...حطي يدك على راسه . . . وحركي أصابعك بين شعره ...
اذاحسيتيه محتاج عاطفة . . . والعاطفة اللي أناأقصدها هي عاطفة الاهتمام . . . وانه حاس انك مقصرة معاه ... حطي يدك على صدره ...
اذاكان معصب لااااااااا تلمسيه أبدا..... طالعي بعيونه ... عشان تقدري تديري تصرفاته ... بابدأي كلميه بصوت هادي ونبرة متوازنة ... ووقت ماتكلميه اجلسي على الأرض ... وأطلبي منه يجلس ... اذا جلس ابدأي كلميه واتفاهمي معاه ...
طبعا هذا أمررسولنا الكريم ... وذحين اكتشفوا بأوروبا ان الانسان اذا كان معصب وجلس ... الدورة الدموية عنده تبطأوالضغط ينخفض ويبدأ الشخص يهدأ وضربات القلب تهدأ .... بسبب القرب من الجاذبية الأرضية...وانحناءات الجسم ...
سبحان الله ( لاينطق عن الهوى )...
طيب ليه اخترتنا هذي الأماكن مو غيرها؟
اذا حطيتي يدك على ظهر أي شخص يحس انه فيه أحد معاه وانه له سند بالدنيا ...
واذا كانت على اليد فيها دعم وتشجيع لأن أفعال الانسان تكون باليد أو الرجل .... فاذا لمستي الركبة والكف يحس بالتشجيع ...
الكتف .... فيه مواساة ................ عشان كذا كان أنسب مكان للمواساة ...
طيب الراس؟ ... دايما يقولوا تاج راسي .... واللي معتز بنفسه يقول راسي مرفوع .... فعشان كذاكان لمس الراس والشعرفيه بناء ثقة
اما الصدر فمعروف انو مكان لكل الاحاسيس والمشاعر . . . يعرف زوجك انك تحبيه بدون ماتفتحي فمك ...

التطبيق الرابع

معروف انو أقوى تواصل بين أي شخصين...هو العيون ....
ومنها نقدر نقول كلام...مانقدر ننطقه بالواقع...أصلا مانعرف نقوله ....
طيب اش علاقتها ؟
اذا حسيتي زوجك يبغى يعترفلك بشي مخجل....وحسيتيه خايف أو محرج بقوله ... لاتطالعي بعيونه ...... حاولي تتجاهلي انك تركزي في عيونه ... عشان يلاقي الجرأة بالاعتراف والحكي ...
لكن لوطالعتي فيه ... حتلاقيه يرتبك ويتلخبط ولسانه ينربط وممكن مايكمل الكلام .... وبعد مايحكيلك ... حتلاقيه يتجنب يطالع بعيونك ... .. وشوي شوي يتجنب يتكلم ويجلس معاكي ...
لكن . . اذا كان يبغى يقولك على شي غير مخجل ولا شي ... مجرد اعتراف بمشكلة يمر فيها (مثلا) . .. ركزي بعيونه ... لأن هذي النظرة تعطيه التشجيع وانك مهتمة للكلام اللي يبغى يقوله ...


ادعولي ربي يجعلني قرة عين زوجي
والله يسعد كل وحدة تقرأ الموضوع وتدعيلي

الموضوع قرأته وعجبني وان شاء الله يعجبكم

عمليات 29-08-08 08:37 PM

رد: للمتزوجات فقط . . تعلمي كيف تدلعي زوجكِ
 
في الجنة ان شاء الله ..

بس بعض التطبيقات .. تقتل الطبيعة البشرية في الانثى .. فهي لها حق كذلك .. الرجل لديه احساس يشبة احساس الطفل بالتصنع والابتسامة الماكرة والخادعة ..

بعدين شلون تصير البنت بنت وهي تسوي كذا ماتنكد يعني .. بديت اخربط .. بس اذا مافيها نكد وطبيعة المراة اللي اعرفها ما ينفع

الله يرحم ابو شعيب .. اللي يقول .. حدث العاقل بما يليق فان صدق فلا عقل له .. الوعد الجنة ان شاء الله

عمليات المسرع

امل2005 29-08-08 10:50 PM

رد: للمتزوجات فقط . . تعلمي كيف تدلعي زوجكِ
 
[align=center]مشكورة أختى Red_eYe على الطرح والنصائح الجميلة

نسأل الله تعالى لكل زوجين حياة ملؤها السعادة والمودة

ولكِ تحيتى [/align]

امانينا 31-08-10 05:26 PM

رد: للمتزوجات فقط . . تعلمي كيف تدلعي زوجكِ
 
مشكورة اختى الله يوفقك

sweet.girl 15-11-11 04:52 PM

رد: للمتزوجات فقط . . تعلمي كيف تدلعي زوجكِ
 
أكثر من روعة
دائما مميزة بكل المواضيع تسلمي


الساعة الآن 01:05 PM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.