منتديات زهرة الشرق

منتديات زهرة الشرق (http://www.zahrah.com/vb/index.php)
-   أشعار وقصائد (http://www.zahrah.com/vb/forumdisplay.php?f=31)
-   -   الخيانه ( شعر عراقي) (http://www.zahrah.com/vb/showthread.php?t=10105)

مشير السعيدي 01-09-03 11:41 AM

الخيانه ( شعر عراقي)
 
الخيانه
ـــــــــــــــــــ
شيغزر حبيبي إبعينـَك إوشتريد
صِغِتلـَك روحي جـِنجـِل وإلسِنيــــــن إدروب
إوساورتـَك قـَلب بـِضلوعي مِن إلناس
إوحتى إضلوعي صارن يالحَبيب إقلـــــــوب
قابَحت إلعرف وإلناس والعادات
إوحَبيتـَك رَغم مابيك مِن إعيــــــــــــــــــوب
أعِد إنجوم عُمرَك ساهِر إويالليل
وأسَلهِم وأنسَه ماعَديت أفز وأرجَع وأعد إنوب
إودَمِعتي إعليك تِنزِل بالفـَرَح وأتراح
ولك والله إمن أعِدهن تـَرِس سِت إحبــــــــوب
تِوافيني إبجـِفـَه إوهِجران يَبن إلناس
إوهذا إبقلبي سَهمَك بالهَجر مَصيــــــــــــــوب
لاأريد إليـِزَه إولاأريد كِل شكران
حاكيني إبهِدَه وإهجـِرني بَس باسلـــــــــــــوب
عَلِمني إشبـِدَه مِني إشجـِنيت إوياك
سِويت إلناس كَلِمني حبيبي إحسِبني مو مَحبوب
نِسيت إشقتلي وِإشقتلـَك نِسيت إمعاهِدَك وياي
نسيت إشتلي يَم إلماي إعوفـًَك هذا كون إيروب
تِخون إوتِغدِر إبلا راي غـَم هَل الراي
إوتِتركني سِنيح إبشوقـَك إومَتعــــــــــــــــــــوب
ظنيت إلقيامَه إتقوم بالهجران
إوشَمس إلكون تِشرق مِن يـِحِل إغــــــــــــروب
أثاري إنته ضميرَك مو سِويت إلناس
كـِلِمتـَك وِحدَه يَمي إوميَه ذاك إلصـــــــــــــوب
وِلـَك مَسكور خاطِر يالعِفِتني إعليك
تـَعال إمسامِحَك لِلدوم بَس أشرط عليك إتـــوب





مشير السعيدي

sad_girl 04-09-03 12:37 PM

أستاذي الفاضل مشير السعيدي


قصيدة راائعة جدا قرأتها اليوم وهي ضمن ما تقدمه من روائع في هذا المنتدى الغالي

ألف شكر لك أستاذي الفاضل



أختك

مشير السعيدي 04-09-03 07:45 PM

الاخت الغاليه sad_girl
تحياتي


مشكوره اختي الفاضله على ثنائك الرائع كروعتك

ممنون



مشير السعيدي

نور العاشقين 05-09-03 04:43 PM

مشير السعيدي

دائماا رائع ومتميز جدا

شكرا لك

مشير السعيدي 05-09-03 05:47 PM

نور العاشقين الرائعه

تحياتي


شكرا لمرورك هنا في شعري

شكرا لتواصلك معي


ممنون




مشير السعيدي


الساعة الآن 05:34 PM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.