بلبلة : ألووووووووو
جارة : أهلا يا بلبولتي ازيك ؟
بلبلة: مين جرجورة ازيك انتي وعامله ايه ؟
بلبلة : الحمد لله ياختي بصي عندي ليكي خبر حلو
جارة : خير ان شاء الله
بلبلة : فتكات بنتـي اتخطبت لحرحور ابن الأستاذ أحمد جارنا
جارة : لولولولولي مبروك يا حبيبتي
بلبلة : الله يبارك فيكي عقبال بنتك رَوحيّة يا رب
جارة : يا رب


بلبلة : طبعا ح تشرفونا
جارة: فين؟
بلبلة : هنا في بيت أبوها وكتب الكتاب في المسجد
جارة : ايه ده ! الخطوبة في البيت ؟ هوّ بيتكم حايكفي أهل الشارع والجيران ؟ ده حتى عيلتكم كبيرة
بلبلة : ح يكفّي بس قولي ان شاء الله


جارة : ان شاء الله ويا ترى جبتم الشبكة ؟
بلبلة: أمال ايه ..إسورة وخاتم زي العسل
جارة : ايه إسورة وخاتم بس ! ده انتي بنتك تستاهل تُـقلها دهب
بلبلة : الله يخليكي المهم السعد


جارة : لا لا لا لا يا بلبلة انتو اتساهلتوا ..لازم العريس يدفع علشان يحس بقيمة عروسته, كده رخّصتوها

بلبلة : تفتكري ياختي ؟

جارة : طبعا ولازم يجيبلها أحسن فستان كمان
بلبلة : بس هي ح تلبس فستان أختها
جارة: ايه....ده كلام ؟ ...دي ست العرايس

بلبلة: طب أعمل ايه ياختى ده خلاص الخطوبة بكره ؟

جارة : كلّمي أبوه وأمه واتمسكي بموقفك .. لازم يجيب لها فستان ويزوّد الشبكة وأعملوا الحفلة في نادي


بلبلة: بس انتي عارفة جوزي ما بيحبش كده
جارة : خلاص خليكي كده سلبيّـة وسيبي بنتك تتهان وتتباع رخيصة , فين الايجابية ؟
هو انتي ياختي ما سمعتيش عن صناع الحياة واللي بيعملوه
بلبلة: آه سمعت في التليفزيون
جارة: خلاص أعملي حاجه بسرعة
بلبلة : أنا ح أقفل معاكي وأكلم أهل حرحور



وفـعلاً.. استجابت بلبلة لوسوسة جارة وكلمت العريس وأهل العريس


واتفركشت الجوازة http://www.zahrah.com/vb/images/smilies/fun20.gif



وعيّطت فتكات :((:

ومرت الأيام وفي ليلة من الليالي سمعت بلبلة زغـروطة كبيرة ولولبيّـة



بلبلة : فتكات
فتكات : أيوه يا ماما
بلبلة: سامعة اللي أنا سامعاه ؟
فتكات : اهيء اهيء أيوه يا ماما
بلبلة: دي زغـاريـط ..يا ترى منين؟
فتكات : من عند طنط جارة
بلبلة : الله...روْحيّـة اتخطبت ؟
فتكات : اهيء اهيء أيوة يا ماما


بلبلة : طب بتعيطي ليه..عقبالك يا نور عيني...ما تزعليش

فتكات : عارفة اتخطبت لمين يا ماما ؟
بلبلة : لأ...اوعي تقولي
فتكات : حرحور يا ماما .. وقدّم لها نفس الإسوِرة والخطوبة ح تكون في بيتهم مش في النادي..
وكمان لبست فستان بنت عمها إهـيء إهـيء
إهـيء إهـيء:((:


تحياتي وعقبال عندكم جميعا :pcream: