لقمة القاضي
 

اللقيمات
ومايسمى عندنا بلقمة القاضي .
تبعاا تازه ومالها مايقارب عن نصف ساعه من مطبخي.
الأشكال فزيعه فزعات بعيد عنكم ،،وأشكال متنوعه .
استقر الشكل ع دلفين ،وبطه ،وكأنه فرخ عصفور ع ظهر أمه هههههه.
لا والله بجد تحصلت ع غيرهم من أشكال مشرفة ومحترمه .
الطعم
نقيمه 10/9
نسبة القرمشه حلوه ..وهذا اللي كنت استناها من الوصفة.
نجيكم يا أبناء ليبيا وأبناء كل الدول العربية .
من مشرقها إلي مغربها ومن شمالها إلي جنوبها ومن جبالها وسهولها
وديانها وأنهارها وابحارها .
طبعا لقمة القاضي ..عمرها ما سترتني ولا جت كيف اشوفها عند الشيفات خاصة الخليجيات.
الحين أقدمها مع رقصة حواجب وكلي إنبساط ..طبعا لازم اتوج هالتحفه اللي عقدتني من سنوات طويلة.
تعالو
مع برودة هالطقس ..اعملوها وحلال عليكم المكونات.
المقادير
4 أكواب دقيق إلي 5 .
3 أكواب ماء .
3 ملاعق نشاء.
2 ملاعق خميرة جافه .
5ملاعق شراب ،أي الشيرة، ،القطر .
ملعقه ص ملح.
ملعقة سكر .
الطريقة
.
نجهز الشراب اي القطر .
3 أكواب سكر
2ونصف كوب ماء.
حبات هيل .
نصف شريحة ليمون حامض.
.
نجهز القطر ونأخد مقدار 5ملاعق ونبردهم بالبراد.
.
نحضر صحن به 3 اكواب الماء .
عليهم الملح السكر ونخلط ..والشيرة ..ونضع كوب دقيق مع النشاء .
ونخلط المزيج.
ومن ثم نضيف بقية الدقيق .
نخلطهم جيدا ..ومن بعد نستخدم اصابع اليد ونقوم باالخلط فترة بسيطه.
نقوم بتغليف الصحن ساعة ومن ثم نجهز المقلاة .
والزيت والبقية كلكم تعرفوها .

وهادي كل الحكاية بجديات حلوه وصحة لمن رااح يجرب.
https://www.zahrah.com/up/do.php?img=374

https://www.zahrah.com/up/do.php?img=375

https://www.zahrah.com/up/do.php?img=380

توا بالله عليكم يستاهل هالمدح والقائمة الطويلة من الشرح .
نكرر حلوة ولكن فيه ملاحظة.
الدقيق يحبد لو يكون الخالي من المحسن .
ويلا سلامتكم .
مش لازم اتردو المهم توصل المعلومة بس.